|
الله يعطيك العافيه اخوي ع.ف. الدرويش
موضوع مهم ومفيد ربي مايحرمك الاجر |
بسم الله الرحمن الرحيم انا جربت الفايرستون لي الحين اربع سنوات ممتازة جدا خفيفة ولينة على المتر ولا تتشقق |
ابوشعلان وللجميع
انا بشري جنوط هلل وابي عليهن بوالين وكنت ناوي ع المكسس وش رايكم بالبالون الدنلوب ..؟ اخاف اشريه همن ابلش ينفجر ولا شي لأن اهم نقطة عندي إنه ما ينفجر لأني راعي سرعة شوي لاهنتم ابوخالد |
الهـــــــــــــــــــــــــــــــــــــــــــانكو ووك الكويّس البخيّس , |
من مبطي وعميلي هو البريدجستون بس الأسعار ....... لك عليها كثير مو شوي |
يا سلام عليك يابوعبدالعزيز
صدقت الهانكوك لا مثيل له بنظري ( بشكل عام ) بس ابي احد يجاوب على سؤالي .. بخصوص البالون ابوخالد |
ابوفهد
نصييييييييحة اترك عنك البرجستون ثقيل ع الموتر وينفجر إذا استهلك ويعدمك ويعدم الموت وغالي قلي بس وش استخدامك بالضبط ومالك إلا اللي يعطيك الراي اللي ما بعده راي بإذن الله ابوخالد |
اقتباس:
حسب علمي ان البالون ما ينفجر لكن انا مجرب البالون الماكسس وهذي السنة السادسة ما تغير معي .. بل انه تغير للأحسن... وهو انه كان ينسم من عند الجنوط .. اما الاصدارات:flex: الأخيرة فقد تم تلافي هذه المشكلة. وبالتوفيق. |
الله لا يهينك يابو احمد والله
زين هذا اهم شي بس ابوشعلان مدح بالون الدنلوب وها اللي خلاني اسأل الله لا يهينك يابواحمد ابوخالد |
تشكر يا ابو فهد على الموضوع وبصراحة موضوع في غاية الأهمية
مثل ما قال ابو شعلان البالون الدنلوب انا بصراحة ما جربته بس كثير من الشباب يمدحونه وخاصة اهل القنوص |
ابشركم شريت الفستان قبل العروس
شريت لي بوالين 17 وانا الحين محتار بهالجنوط ودي بهلل وولدي يقولي تكفى ركب جنوط الآند الجديد <<< يبطشون والله عاد انا تورطت بالـ 17 والله يعين بنجربها هالسنه والله يسهل ابوخالد |
افضل كفر بالنسبة اليوكوهاما مقاس 17 للباترول وما شاء الله ليــان على الجلد و النفود يطرب |
السلام عليكم ورحمة الله وبركاته
حسب تجربتي الخاصة و استعمالي (جبال, وديان,صخور, رمل, خط) , أفضل شي نوعية BFGoodrich All-Terrain T/A® KO و السموحة |
اشكرك على موضوعك القيم وأعتذر عن تاخيري في التقييم والرد الحقيقه انا جربت عدة انواع من الكفرات سواءالقوديرو والبريلي الدانلوب والبرجستون والفالكون والسماتومو والتويويو على سيارات مختلفه وبموديلات مختلفه وكل له ميزه وعيوب واخر شي استقريت عله البرجيستون لنه هو الي يخدم معي . الدنلوب حلو ومريح و ناعم بالحيل لدرجة ان اي جرف بيشق الجنب ومزعج في اللفات والمديور. البرجيستون الجديد ناعم وحلو وعملي ويمشي لكيلومترات اطول من واقع تجربه في جميع الضروف. ملاحظه (معدل مشيي في اليوم ما يعادل 600كم طوال ايام الأسبوع ما عدا الخميس والجمعه راحه وتشييك على السياره ) |
السلام عليكم ورحمة الله وبركاته
بعد استشارة الغالي صالح اليحي وهو خبير في هذا المجال نصحني بالمكسس 275/70/16 وذلك للباترول الذي اشتريته قبل يومين فتوكلت على الله وركبت الماكسس الله يطعمنا من خيرها ويكفينا شرها http://www.alrahlat.com/vb/uploaded/17_01265459463.jpg |
| الساعة الآن 01:28 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir