*****

يـا ربـعـنا يـاللي على الـفطّـر الشـيب ***** عـز الله إنـه ضـاع مـنـكم وداعـة
رحتوا على الطوعات مـثل العياسيب ***** وجيتوا وخلـيـتوا لـقـلبي بضاعـة
خـلـيـتـوا الــنـادر بـــدار الأجـانـيـب ***** وضاقـت بي الآفاق عـقب إتـساعه
تـكـدرن لـي صـافـيـات الـمشـاريــب ***** وبالعون شفت الذل عقب الشجاعة
يـا ذيب أنـا بـوصيك لا تـاكل الـذيـب ***** كـم لـيلـةٍ عشـّـاك عـقب الـمجـاعة
كـم لـيلـةٍ عشـّـاك حِـرش الـعراقـيب ***** وكـم شيخ قـوم ٍ كـزته لك ذراعـه
كـفـه بـعـدوانـه شـنيع الـمضاريـب ***** ويسقي عـدوه بالوغى سِـم ساعـة
ويضحك لـيا صَـكّت عـلـيه الـمغاليب ***** ويلـكد على جمع الـعدو بـاندفاعـه
وبـيـتـه لجيرانـه يشيّـد على الـطيب ***** و للضيف يبني في طويل الرفاعـة
جرحي عطيب ولا بـقى لي مقاضيب ***** وأفخت حبل الوصل عقب إنقطاعه
كني بـعـد فـقـده بـحامي اللـواهــيب ***** وكني غـريب الـدار مـالي جـماعـة
من عقب ذيب الخيل عِـرج ٍ مهاليب ***** ياهل الرمـك مـا عـاد فيهن طماعـة
قالوا تطيب وقلت: وش لون ابا طيب ***** وطلبت مـن عـند الـكريم الشفاعة