|
اقتباس:
السلام عليكم ورحمة الله وبركاته يالغالي نحن بانتضارك وين الافكار ؟؟؟؟ |
السلام عليكم ورحمة الله وبركاته مساكم الله بالخير جميعا عندي محول كهرباء 350 وات 220 فولت وحبيت اني اثبته في الموتر وحطيته تحت المرتبه قدام بجانب السائق ومديت له للبطارية لكن يوم بغيت اركب الفيش جنب القير الا والله مايركب لازم اولف له فيش جديد وما ادري من وين اجيبه هل يباع جديد ؟؟ دورت اجهزة خربانة او محول قديم خربان عشان استفيد من فيشه مالقيت مريت على كم محل كهربائي ومالقيت فياليت تفيدوني وين القاه فيه وأستأذن اخوي بسام خذت منه صورتين توضح ما اريد http://www.alrahlat.com/vb/uploaded...1243973134.jpg وهذه http://www.alrahlat.com/vb/uploaded...1243973134.jpg ^ ^ ^ هالقطعه وين القاها وبالنسبة للتمديد الى البطارية فل يحتاج فيوز اخر غير الفيوز اللي في الجهاز ارجوا ان تتحملوني على كثر الاسئلة ولكم مني كل الشكر والتقدير |
هلابك اخوي عاشق فكسار
انت لو اختصرتها ورحت للسوافي يضبطونها لك من إلى بـ180 على ما أظن شغل نظيف ومرتب ولو انه غالي بس اشوفه يستاهل إلا اللي له نفس وخبرة ولا مانع من المرور عليهم واخذ الفكرة ع الأقل بعد الإستئذان منهم إلا يا جماعة من منكم يشعر بمشاعر واحد ما معه موتر بر من شهر .! ما عندي إلا هالماركيز ويا حول ما غير مطامر بها :( عسى الله يفرجها ابوخالد |
اخوي نوماس سدير معي هايلكس 2007 غمارتين وشريت لي طربال غطا لسندوق من السنيدي المهم اذا مشيت 140 انتفخ وشكله غلط ورحت افصل ثاني ونفس المشكله موجوده ليتك تدلني على محل يبيع او يفصل مضبوط
|
هلابك اخوي سحابة صيف
بالنسبة لسؤالك مالك هل إلا إنك تحط سبت وتشدهن مع الأطراف وبكذا يمسك مكانه بإذن الله السؤال الثاني اللي طلبته مني عبر الرسائل ... قبل الجواب وطرح الحلول كم تبيه يرتفع من سانتي ,؟ انتظر ردك لكي اوفيك بالحل الأنسب بإذن الله |
السلام عليكم انا يالغالي معي يايات استراليه وبركبها انشالله وهي مقصوصه وعلى كلام راعيها انها ترفع سنتين او سنتين وربع وانا ابي الي ورا ارفع من الي قدام وبعض الناس يقولون ركب لاعبات 18 سنتي تكفي عاد انت خبيرنا ووضح لنا
ملاحظه ياخوي بعض الاعبات اشوفها مع ورا بارزه او طالعه واضحه مره وشكلها قبيح انا ابغى زي الوكاله مايبين |
بما ان الأمامي يبي يرتفع سنتيين وربع تحتاج رفع من خلف نفس القياس لكي يكون متناسب مثل الوكاله ( في الخلف لآبد ان يكون ارفع من الأمام ع الأقل سنتيين مثل الوكاله )
وبما ان الوضع سنتيين عليك بالربل ولا لعبات ولا شي ... وتصيد عصفورين بحجر كما في هذا الموضوع http://alrahlat.com/vb/showthread.php?t=9776 وإن سألت كيف عصفورين بحجر اخبرك بأنك حصلت على الإرتفاع ( دون فك اي شي لا سست ولا لعبات ولا شي ) ولا ياخذ عليك اكثر من 50 ريال .. هذا إن غلبك بعد والعصفور الثاني ... انك ستلاحظ فرق كبير خصوصاً إذا كان فيه تانكي او اي حمل في الصندوق في الراحة بحيث لا يقفز من الخلف والذي هو متعب في الديرة وعائق في النفود شيك ع الموضوع واي سؤال أنا حاضر واعتذر ع الإختصار السريع ابوخالد |
السلام عليكم ورحمة الله وبركاته اخوي نوماس سدير انا مشيك على الموضوع قبل لاسجل في المنتدى انا كنت رافع موتري مع ورى وحاط سير غطاس والله الموتر مينبغى ابد ورجعته وكاله وواحد من ربعي نفس الرفعه وحاط ورى لاعبات طولها 18 سني والموتر زي العسل مطبه مع ورى مريح انا ودي بالعبات اريح
|
تدري ليه ما ينبغى ولا بريال .؟
وش صار بعد ما سويتها .؟ وش المساعدات اللي عليه .؟ كم ارتفع بعد هالربل .؟ لأن لآبد من وجود مساعدات ( زيت وليس غاز ) وأفضل المساعدات هي الرانشو عموماً .. 18 سم ما يبين مره ... وأفضل محل يضبطهن عندنا بالرياض هو مبارك واعطيك وصفه بس بالمجمعه ما ادري وانصحك تسأل الشباب اللي عندكم اكيد فيه ورشة تضبطه لأنه اسهل من السهل ومع ذلك ... انا متأكد فيه خطأ صاير معكم في سالفة الربل لأن عندنا مضبوط 100% والربل من نوع القوي مره يجيبها مبارك ولا ادري هل هي ربل المساعدات او لا ولكنها مثل مافي الصورة شايله السست انتظر ردك |
اخوي نوماس سدير جزاك الله الف خير انا مبغاه يركبهن انا اركبهن بس الرياض بعيده تخبر شي مستعمل ولا قريب للك من سدير عنده
اتعبناك معنا |
نوماس ليتك توصف لي المحل وهو يبيع لاعبات جاهزه عنده ولا تفصيل انتظر ردك يالغالي
|
ابشر والله وهو يفصلها وانت واقف
عموما وانت بالدايري الشرقي ... وجاك مخرج 17 ادخل معه يمين ويصير وجهك غرب استمر وماعليك من الإشارات لين يجيك اشارة تقاطع فوق التقاطع كبري حديد رح يسار معها ويصير وجهك جنوب لين اول اشارة ديور معها وإذا جاك صراف اظنه الراجحي أسأل عن ميزان اليرموك ( لأني نسيت وش مارية الدخله ) ... إذا وصلت اليرموك ( مهب بعيد عنك ) يبي يكون ميزان اليرموك ع اليمين ويجيك ميزان المجد ع اليسار إذا صار ميزان المجد ع اليسار بتكون واقف على تقاطع صغير ... استمر قدام وبيكون محل مبارك ثالث محل ع اليمين بعد التقاطع وتراه فتحه وحده ولاهو باين ولوحته صغيره وباليد كتوبه واسمها ( مرات ) بالتوفيق |
يعطيك الف الف عافيه
|
الله يعافيك يالغالي ... واي خدمة انا حاضر والسموحه ع القصور
|
السلام عليكم ورحمة الله وبركاته اخوي نوماس سدير لقيت عندي بالمستودع لعبات طولها 17 سنتي وش رايك اركبها ولا ماتنفع
|
| الساعة الآن 06:23 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir