|
رحلة الصمان 1-4-1428هـ
بسم الله الرحمن الرحيم الاثنين الي راح كنت مع الاخ "ثهـــــــلان" ابو عبدالله وكنت اقولة عن الصمان واني كلمت الشباب في الرفيعة وبلغوني ان الفياض ملايا والربيع عادة على ماهو علية فما من ابو عبدالله الى ان شجعني على الروحة وقال انه خوي..................... يوم الاربعاء فركت بدري لترتيب الامور الازمة والاتصال على بعض الشباب الشقردية "شرواكم" المهم مرني ثهلان بالبيت وبدت المسيرة من الرياض ناصين الصمان,,,,,كان الجو والله مايشجع لبعض الشي لكن يوم تعدينا مركز تفتيش الثمامة يوم ما شاء الله الارض توها ممطورة وتفالنا خير,,, المهم كملنا ووصلنا محطة حفر العتش وكملنا البنزيم والنواقص واتجهنا لروضة التنهاة للمبيت لان الجو شوي معكر... اصبحنا وتوكلنا على الله وقبل مانمشي سير علينا بعض الظيوف:D كانت الوجهة انا نكت القاع من ورا جو ساقان والمغدا بفيضة ام اقرين: هذي صور بعض المحلات الي زرناها : تابع ووصلنا لم اقرين نغدي فيها: لافظل تعليق:p فيضة امغطية وكان لها نصيب كبير من التصوير لقمة جمالها وجمال تظاريسها: http://www.alrahlat.com/vb/uploaded/209_1177139519.jpg |
تابع والحمد لله الجو كان من اروع ما يكون ووفقنا والحمد لله وكانت فعلا رحلة مميزة حيث انها تجمع نشاما مميزين..........................والسلام عليكم |
الغالى راعي اللاند يسعدنى أن أكون أول الزوار لهذا الموضوع اللى يشرح الصدر ماشاء الله تبارك الله على أم قرين وأمغطية .. فياض لا تزال رائعة المطرة الأخيرة أحيت باذن الله الربيع وعدلت الجو اختيار موفق للموقع والوقت والأهم للصحبة الطيبة .. بيض الله وجهك |
اقتباس:
هلاء وغلاء ياريع الدياب و انشاء الله نتشرف بالطلعة معك قريب مثل ماطرحنا ابو عبدالله"ثهلان" بنطرحك:D |
ياهـــلا براعي اللاند
عز الله انك اثلجت صدورنا واتحفتها بها الصور الزينة وعسى الله يجيب الخير على أم قرين واخواتها ومادام معك القرم ابو عبد الله (ثهلان) مالي ومالي النجوم .:D بارك الله فيكم http://www.alrahlat.com/vb/uploaded/209_1177139212.jpg تعليق :- لا تهتز ورح يمين شوي |
هلاء اخوي عروق الدهناء حنا والله نشجعكم على الروحة لان القاع تستاهل الزيارة رايق التعليق;) |
مشكور اخي راعي اللاند على هذا التقرير
والله اني ما توقعت الخضار والربيع والجو الزين حتى الآن ... ما شاء الله ... والظاهر شكله بيزيد بعد هالأمطار الأخيرة . رحلة ممتعة وخصوصاً اذا كانوا ربعك امثال ابو عبدالله ثهلان . شكراً لك .... وبارك الله فيك. |
اقتباس:
الاخ العزيز صقر شكرا على المرور والله ينفع بهالامطار واهل الحلال.........وترا ما عنا وعنك انا وابو عبدالله بنهجم عليك قريبا..........زيارة خاصة;) |
ياراعي اللاند يابو زيد وش سويف فينا
هيجتنا لهاك الديار وش خليتوا ابو زايد وابو عبدالله الله لا يحرمنا منكم وطلعاتكم ما شاء الله عليكم ما همكم الغبار والحر والنامس والذباب وكشتوا لهاك الفياض الجميلة ابو زايد قل لرفيقك اللي يصيد بهالصورة ترا الضب فوق راسك والا مستشفى العيون ما فاد http://www.alrahlat.com/vb/uploaded/209_1177139212.jpg . |
ابو فراس الغالي رفيقي بواردي حطة على يمناك:D واصلا الضب كان يعاير معة:confused: |
بسم الله الرحمن الرحيم الغالي أبو زايد ... مشاءالله تبارك الله ... مبدع بهالصور الرائعة ... ومبدع بإختيار المكان ... ومبدع بإختيار الخوّه ... يعني إبداع في إبداع .. وماشاءالله الربيع زايد عقب هالمطر الأخير ... وإنشاءالله إنه يبي يزين بعد ... لاهنت يالغالي على هالتقرير ... وبيض الله وجهك ... وننتظر المزيد ... من كل جديد ... ,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,, |
اقتباس:
ارحب يابو شعلان هذي والله الساعه المبروكة الي تجوزلك المشاركة.... شكرا على المرور |
اقتباس:
ارحب يابو شعلان هذي والله الساعه المبروكة الي جازتلك المشاركة.... شكرا على المرور |
أخي راعي اللاند
صور رائعة ونطلب المزيد شكر الله لك |
ماشاء الله عليكم أخي راعي اللاند
صور جميلة وتغطية رائعة لرحلتكم الله يجزاك بالخير يالطيب تحياتي |
| الساعة الآن 12:55 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir