|
ناسن يقولون الخلا للمهابيل 0000000 يا حيف قولن ما عليه الدلايل
ناسن يقولون الخلا للمهابيل=يا حيف قولن ما عليه الدلايل وش البلا قالوا سموم وغرابيل=حتى الهوا ثاير بروس النثايل قلنا لهم يا ناس ما فيه تحليل=هذا ولع ما يرمى بالطبع مايل باحساسنا حدر الطلاح المظاليل=مثل براد جنيف لفح القوايل قالوا يجينا الذيب لعسعس الليل=واليا عوا يمكن بالانجاد صايل قلنا لهم سرحان خاوا الرحاحيل=الذيب هتاشن بالاقفار جايل اليا استلج بخالياتن مطاويل=نطرب لصوته مع صياح الثعايل قالوا حيايا والعقارب مخاتيل=معها الخنافس والقعر والنمايل قلنا لهم من يقرا بالورد ما نيل=فلا ينوشه في مساريه طايل قالوا بعيدن ما يجي فيه كوكتيل=ولا نشوف الا النياق الهمايل قلنا لهم مشروبنا البن بالهيل=على لهيب الرمث والدعب سايل ومطعومنا صيد الجبل والغراميل=يا حلوها تسوا من الضان حايل قالوا عديم من الكنب لرتخى الحيل=حتى السرير سليب هاي وظلايل قلنا الكنب جرفن على جاله نقيل=والا السرير براس طعسن تهايل قالوا ديارن ما بها قال مع قيل=ولا نشوف من المخاليق دايل قلنا فضول الهرج ما فيه تفضيل=غير النميمه والمكر والحبايل يكفي عزيف الريح بين الجناديل=والطير لغنا وابو فلان شايل قالوا نريد سلومكم يا رجاجيل=اليا نزلتوا خاليات الدهايل قلنا الكرم والخير ما فيه تمهيل=ومقدرين اهل الفعول الصمايل وانريد حامل دين زين التماثيل=صميدعن مبداه طيب الفعايل ونزرا على اللي بالخلا يلوي الذيل=مشاكس ربوعه سويد العمايل قالوا خلصنا ما نقول المخابيل=الا رجالن من قروم القبايل لاصارت علوم الخلا ما بها ميل=يسلم هواكم يا عيال الحمايل ( يوسف الخليفة ) |
صح لسانك على الابيات الجزله ماقصرت --- تقبل تحياتي
|
جزل وما تجيب الا جزل عساك على القوة يالامير وصح كلك اخوك |
وعليكم السلام ورحمة الله وبركاته صح لسانك يالغالي أبيات قمة في الروعه وبيض الله وجهك على طرح القصائد الرائعه والجميله والله يعطيك الف عافيه خالص الود والتقدير والمحبة أخوكــــــ عبدالله |
صح لسانك وابيات جزلة
وتبي الحق والله بعض الاحيان يجينا نوع من الهبال بس نبي نطلع للبر ولو حر ويشوي الطير |
أبيات جميلة تشكر على نسخها يا عمنا ولسان حال الرحالين يقول :: (( ما جابت على غير أهله )) . |
يا مرحبا يا يوسف الخليفة
وبيض الله وجهك يالشاعر قصيدة تتكلم على لسان كل محب للبر وهذا شعورنا يالغالي ترجمته بهذه القصيدة صح لسانك ودام ابداعك لك مني وافر الشكر والتقدير حفظك الله ورعاك |
كلمات جدا جميله ولها معاني كبار، بيض الله وجهك يابو يوسف ورايتك بيضا، واللي يقول مهابيل على الناس أكيد فيه ناس تقول عليه مهبول، وكما تديت تدان.
|
مشكوررررر اخوي على الشعر الرئع
|
قلنا لهم مشروبنا البـن بالهيـل .....................على لهيب الرمث والدعب سايـل وصفك بهالبيت يكفي http://www.alrahlat.com/vb/images/icons/icon14.gif يوسف الخليفه صح لسانك ماشاءالله تبارك الرحمن فعلاً قصيدة نابعه من قلب محب للبر لاهنت وننتظر جديدك بشوق ,,,,,,,,,,,,,,,,,,,, تحياتي ,,,,,,,,,,,,,,,,,,,,, |
اقتباس:
صح بدنك أخي العزيز فتى الرابية وبارك الله فيك والشكر الجزيل |
اقتباس:
الأخ الفاضل عبد الكريم اليوسف حفظك الله ورفع مقدارك وصح بدنك واحترامي وتقديري |
اقتباس:
صح بدنك أخي العزيز عبد الله وأنار الله محياك وبارك فيك واحترامي وحياك ربي |
اقتباس:
صح بدنك أخي العزيز أبو فراس وحفظك الله وبارك فيك |
اقتباس:
العفو أخي الفاضل الشيخ قوقل وحياك ربي والشكر الجزيل |
اقتباس:
مرحبا بأخي العزيز الفاضل سليمان المطرود وأنار الله طريقك في الدارين وصح بدنك وحفظك الله وبارك فيك واحترامي وتقديري والشكر الجزيل |
اقتباس:
حياك الله أخي الفاضل حامد الغامدي وأنار الله طريقك في الدارين واحترامي |
اقتباس:
العفو أخي العزيز وبارك الله فيك |
اقتباس:
مرحبا بأخي العزيز أبو شعلان وصح بدنك ولا ندمت وغنمت وتقديري واحترامي والشكر الجزيل |
صح السانك اخوي يوسف
ولاهنت |
اقتباس:
لا ندمت وغنمت أخي الفاضل راعي الشاص وصح بدنك والشكر الجزيل |
صح لسانك يا أخي |
| الساعة الآن 07:53 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir