|
طلعة بر والخيمه الجديده
السلام عليكم ورحمة الله وبركاته بعد ثلاث سنوات من الركود، شدينا الهمه هذا الفصل وشرينا خيمه عمودين أربعه في سته ونصبناها في البر علشان نطلع فيها كل ما حصل لنا وقت، وقررنا ان نطلع يوم الخميس الماضي، العاده نطلع بعد الظهر أو العصر لكن المره هذه كم واحد من الربع حبوا نروح بدري لأجل الفطور والكبده اللي على الصاج، أنا أول واحد حركت وبديت أصور ............ http://www.alrahlat.com/uploads/201...1292535510.jpg طريق الحرمين وهو الطريق الممتد شرق جده من مشروع الأمير فواز جنوبا إلى محطة الرحيلي شمالا طريق حيوي وهام طوله تقريبا 40 كم أنا أقترح يخلوا كل سيد 12 مسار http://www.alrahlat.com/uploads/201...1292535950.jpg طبعا الصوره ماهي واضحه ولكن يظهر طريق الرحله باللون الأزرق على طريق عسفان وتشاهدون شرم أبحر واضح http://www.alrahlat.com/uploads/201...1292536219.jpg هذي الصوره كبرناها شوي لقاعة فرح وصاحبها رجل الأعمال المعروف ناصر السلمي صاحب مطابخ ريدان، ومنتزه القلزم وحلويات الجونه والجو كان مغيم آخر حلاوه http://www.alrahlat.com/uploads/201...1292536547.jpg خلينا الصور على هذا المقاس كود تشوفون أحسن، صوره على الطاير، هذا مراح إبل شوفوا الأرض شهبا لا رعي ولا هم يحزنون، مغير تسف من هالشعير والعلف وطاسة الحليب أكيد حدود العشرين http://www.alrahlat.com/uploads/201...1292536913.jpg المنطقه هذي اللي خيمتنا فيها لآ أدري ما اسمها ولكن هي مخطط منح الرياض على طريق عسفان مقسم الى خمسة أجزاء وهنك أقصى الصوره تنحدر الأرض تدريجيا الى وادي يصب في وادي الغولاء القريب http://www.alrahlat.com/uploads/201...1292537242.jpg هذا الموقع في اتجاه شمال غرب تلاحظون البتر يعني الأرض مملوكه ولا تقدر تخيم ولكن صاحب الأرض نعرفه الوقت الثامنه صباحا وحرة الوقر أقصى الصوره http://www.alrahlat.com/uploads/201...1292537977.jpg زووم داخلي، مره ما تضيع لو حبيت تجينا الخيمه لون جيشي والفرت الأحمر، مستحيل تضيع ما في حد غيرنا بهالبر http://www.alrahlat.com/uploads/201...1292538294.jpg هذي العقوم يقول واحد مر علينا الصباح وحنا نفطر ان ناس من هل الديره كانو يزرعون فيها حبحب، ولما جت البلديه وخططتها خلت العقوم على حالها http://www.alrahlat.com/uploads/201...1292538577.jpg الخيمه نصبتها أمس وجبت كل هذي الأغراض وخليت الونيت محله، وهذي المربوعتين لشبكة الطايره، والماء توصينا وجبنا كثير والحطب طبعا لزوم البر والشاي، http://www.alrahlat.com/uploads/201...1292539072.jpg ابو محمد1 يصلح الشكشوكه، أغراضنا كلها جديده من كثر ما نطلع البر http://www.alrahlat.com/uploads/201...1292539308.jpg أبو محمد2 يشلوط الكبده الجملي http://www.alrahlat.com/uploads/201...1292539444.jpg كل شي له طعم غير في البر http://www.alrahlat.com/uploads/201...1292539589.jpg كان تخطيطنا عمل حفره ورمي هذا البرميل فيه، لكن عجزنا نكمل الحفر لأن الأرض صارت قاسيه وحنا خلها على الله ماهنا لياقه، وهذا أبو هيثم يجرب حظه http://www.alrahlat.com/uploads/201...1292540529.jpg إستراحه قبل الظهر، ساعتها كان هنلك هبوب خفيف تقول من الجنه، صراحه كان يوم مغيم وجميل http://www.alrahlat.com/uploads/201...1292540864.jpg صلاة العصر وأعتذر لكم عن البقيه، بكره أكمل الموضوع إن شاء الله |
شـكــ وبارك الله فيك ـــرا لك ... لك مني أجمل تحية .
|
شكرا لك أخي طواش على الرد، أسعدني انك أول المشاركين. |
السلام عليكم ورحمة الله، اليوم صباح الجمعه، الحمدلله ما فاتكم شي نكمل الرحله معاكم، عسى ان يعجبكم التعليق. http://www.alrahlat.com/uploads/201...1292567941.jpg كل ماجا واحد سوينا له كبده ومعاه حتى خلصناها http://www.alrahlat.com/uploads/201...1292568179.jpg هذا اليوم كان غيم وبعد العصر قالوا ان في جده هوا شديد متجه للشمال مع مطر، وجلسنا نحتري متى يحوفنا العج. http://www.alrahlat.com/uploads/201...1292568949.jpg كل واحد يا نفسي،،، خلوني أنا والخيمه لحالنا http://www.alrahlat.com/uploads/201...1292569156.jpg هاه..............كفشنا إثنين http://www.alrahlat.com/uploads/201...1292569307.jpg وهذولي جلسوا داخل الخيمه وواحد منهم ممثل كبير http://www.alrahlat.com/uploads/201...1292569458.jpg بعد ماخف الهوا والعج جانا مطر خفيف خلانا ننحشر في الخيمه مثل الحجاج أيام أول http://www.alrahlat.com/uploads/201...1292569718.jpg يوم خف المطر خرجنا برا وسوينا براد شاهي يسمونه هنا شاهي جمر، عليه نعناع مغربي،،،، آه ياناس http://www.alrahlat.com/uploads/201...1292570046.jpg أبو فيصل راسه وألف راس إلا يلعب طايره ويبغانا نلعب معاه، ماحد لعب معاه غير ولده http://www.alrahlat.com/uploads/201...1292570272.jpg وبسبب انا ما قدرنا نحفر لبرميل المندي أضطرينا نجيب العشا جاهز http://www.alrahlat.com/uploads/201...1292570416.jpg http://www.alrahlat.com/uploads/201...1292570568.jpg كانت رحله جميله ناقصها بعض الترتيبات، وهذه الصوره الجماعيه حركه جديده شكرا لكم على المرور. مهراس |
الأخ الغالي ابو فهد
السلام عليكم ورحمة الله وبركاته مشروع جيد طق الخيمة اكبر سبب للاجتماع اسأل الله ان يزدنا واياك سرور وسعادة وجميع المسلمين |
حياك ربي يابو إبراهيم، تسلم على هذا الرد، والكلمات الحلوه، تقبل خالص تقديري |
السلام عليكم ورحمة الله وبركاته
رحله جميله جدا وموفقه لانها لمت الحبايب والاصحاب . فرصتكم مادام الجو حلو ولطيف لاتفوتون الوناسه وشبت النار . لاهنت |
رببع طيبين مادام انهم مع ابو فهد
رحلاتك يابو فهد لها طعم غريب حيث انها بسيطة ليس فيها تكلف وتعب بس خيمة الحجاج يبدو ان السواليف كانت رائعة واكثرها قصص قديمة ...صحيح؟ |
من زمان وأنا ( والكثير غيري ) ينتظرون طلعاتك يابو فهد طرح مميز ( كالعاده ) مكان جميل ,, وجو أجمل ,, وإكتملت بالصحبة الأجمل الله الله نبي من المشفرات يابو فهد |
ماشاء الله عليك يابوفهد رحله جميله ورائعه شوقتنا للبر تقبل تحياتي |
وعليكم السلام ورحمة الله وبركاته
ماشاء الله الله يجمعنا وياكم على الخير والطاعه بارك الله فيك ولاهنت |
ماشاء الله عليك بابو فهد رحلة طيبه وخوة نشامى نبغاك يابو فهد تعطينا مسلسل للرحلات من هذا المخيم |
رررررحله جميله،،،،،وممتعه،،،وجو مواكب،،،،
اسعدكم الله ومتعكم |
ماشاء الله عليكم والف مبروك الخيمه
والله يستر على الخيمه كان مالحقت خيمتنا سرقت وهي ماكملت شهر من نصبها والله لايوفق اللي سرقها. |
ماشاء الله تبارك الله
والله يابوفهد أنت وابوفهد الحربي من زمان وانا ودي ازوركم ومع طقة الخيمة اللي فيها إنعدام الرسميات هوجست والله ازوركم بس ياحيف ع الوقت ما يعطينا فرصة والله نتشرف بشوفتكم وشوفة رجال مثلكم وشرواكم لكن الله يسمح الأمر ونزوركم بيوم لآهنت يالغالي وعسى هالخيمة عامرة دوم بأهلها |
محمد بن سيف: هلا فيك يابو عبيد، شكرا على الرد ولو يصح لي، كل يوم وانا في الخيمه، لكن ماهو على كيفي، تقبل تحياتي. أبو فراس: الكلافه ماهي في قاموسي، والبساطه عنواني، الرحله الجايه نحاول نخلي الرحله أكثر تشويق، وما نستغني عن ردك يامال العافيه. عبد الحميد الحربي: هلا بك يابو فهد، الطلعات هذه تجيب الردود الزينه إللي من مثلك، على الأقل عرفنا إنك قريب مانت بعيد، عساك على القوه وسوف أبحث لك اذا فيه مشفر، تسلم على كل حال. سعود الراشد: مرحبا بك أخي سعود، البر بريره والغثا بالديره، شكرا على مرورك. إبراهيم الضويان: شرفت ولا كلفت، شكرا على تنويرك الموضوع. حنضل: أسعدني ردك، وغالي والطلب رخيص، هذي البدايه فقط، شكرا على شعورك. الدختور: شكرا يابو أسامه على الرد والكلمات الطيبه لاهنت. مرقاب الشرق: حياك الله، انا معذر في الخيمه كل يوم أقول إنها إنسرقت، الله يحميها من الأشرار. وشكرا على حضورك. ابو خالد التويجري: أتمنى من االله ان تتم هذه المره وإن شاء الله الخيمه تجيبك تراها تحب الضيوف، هذه الأوقات جميله جدا وقت المربعانيه عندكم، بس عطنا خبر، تشكلر على الرد. |
وعليكم السلام ورحمة الله وبركاته
الاخ العزيز ابو فهد كشته ما عليها كلام محكحكه وخوه وربع نشامه الله لا يفرق بينكم ,,,, بس اشوف اللبس صيفي ماجاكم البرد تحياتي |
وعليكم السلام ورحمة الله وبركاته
اسمح لي يالامير جازت لي الصورة وتقرير وصور كعادتك مبدع http://www.alrahlat.com/uploads/201...1292620390.jpg |
مبروك الخيمية الجديدة إن شاء الله تستمتعون بها في رحلاتكم القادمة شكراً لك أخي الفاضل / حامد الغامدي وبارك الله فيك |
ماشاء الله يابو فهد
تقرير لا يقل روعة عن كاتبه جو جدا جميل تمر به المنطقة هذه الايام لا حرمنا الله من تقاريرك |
الخلف: أهلا ومرحبا فيك يالخلف، شكرا على الرد والمشاركه الحلوه، نعم اللبس عايدي والجو عايدي، البرد عندكم. عبد الكريم: الحمدلله انك مازلت ترد علينا، انا قلت ما راح نشوفك يوم سلمت العهده، والأبيات أنا أعتز فيها وهي هديه غاليه منك، جعلك دوم مرتاح، تقبل تقديري الخالص. حرمل: سرني ردك وأعجبني أسلوبك، والله يهنينا بهالخيمه. عساك على القوه. |
يعطيك العافيه يابو فهد على هالتقرير والصور الجميله والأجواء الطيبه والله يهنيكم بهالخيمه والأجواء الجميله
|
مع أبوفهد الطلعه غير (على وزن جده غير) البساطه والسماحه والوجه السفر .
الى طلعة قريبه بأذن الله . |
رحلة جميلة وحسافة انكم ما قدرتوا تسقطون البرميل .... فكروا بالحل يابو فهد .. ترى المندى ماله مثيل في مثل رحلتكم هذي... يعني ممكن تضعونه في طرف العقم !!
بارك الله فيك. |
ماشاء الله ..تبارك الله ... على البركة الخيمة .... بس ناقصكم خزان ماء كبير ... |
تسلم على هذا التقرير ------ تحياتي
|
رحلة موفقة يا ابو فهد غلى فكرة كم افطرتو من مرة طلعة جميلة وصحبة طيبة نلقاك بألف خير |
عاشق الصحارى: شكرا على الرد يامال العافيه، شايب الصمان: هلا فيك يابو عبدالله، أمنيتي أطلع معاك البر مره، أنتم أهل الطلعات. وأسعد الأيام يوم نكون معاكم، عسى الله يجمعنا وياكم على خير. محمد المعارك: الله يجمل حالك يابو أحمد، نحنا متحسفين وماحنا متحسفين علشانها أول مره، إن شاء الله قريب نكمل الحفر لأجل الطلعه الجايه، وشكرا على تواجدك معنا. محامي كروز: بارك الله فيك، تشكر على التشريف والرد، والخزان نعم ضروري، ولكن كما قلت كنا مستعجلين وهي أول مره، سرني مرورك. فتى الرابيه: سلمك الله من كل شر، أشكرك على التواصل. تركي اليحيى: هلا بالغالي، أفطرنا 4 مرات، كانت كبده ماشاء الله طازه على حظنا، سرني مرورك يابو يحيى، |
موفق بإذن الله ... لك مني أجمل تحية .
يالله جمع الجنة |
| الساعة الآن 04:07 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir