|
متى على الله يظهر سهيل ويبين ...( قصيدة )..... أبو شعلان ..
بسم الله الرحمن الرحيم إخواني أعضاء وزوار منتدى الرحلات .... السلام عليكم ورحمة الله وبركاته وبعد ... بمناسبة قرب دخول نجم سهيل ... أهديكم قصيدة لي ... بالإضافه إلى صورة رائعة ... وأتمنى أن تحوز على رضاكم وإستحسانكم ... الصورة تعبر عن فرحة الصقارين بأول مقناص http://www.alrahlat.com/vb/uploaded/27_1187782477.jpg متـى علـى الله يظهر سـهيل ويبين * والــوقت بــرّد وإجـمدّن اللــيالي وأهـل الولـع بـطيورهم مــستعّدين * والكــل جــهّز مــوتره بــالكمالي سبعــة شـهورٍ بــالتمــام مــتحّرين * شفقه لنقل الطير لــو هــو قــبالي وإلى أقفت الربّطه وتمّت الموسين * والـطير شفقٍ للعلــف مــا يـزالي قم ياخلف وأظهر حــرارٍ مــزايين * الكــل فعلــه بــالحبــاري هــبالي مـن بينهن غــشامٍ وطلعــه الــزين * اللــي بــطلعـه مــالغيره مــجالي ومـن بينهن وراّد رفــّة جــناحــين * اللــي جناحه مثل قوس الــهلالي ومن بينهن وكري بكر مالي العين * هــديةٍ مــن واحــدٍ مــن خـــوالي وأركو عليهن بــالدّعو يـــالميامين * نبـغي الوناسه باوّل الوقت وتـالي ويــرتاح بــالـي لاســرينـا مــقفّين * شـرقٍ نوينـا وإن بـغينـا شـــمالي بارضٍ نبتها عرفج ورمث لــونين * وفيها خطايط عشب مثل الزوالي وخصٍ ليا صرنا عن البّر مــبطين * تلقــى الحماسه والربع بـإنشغالي ربعٍ علــى الشدّات دايـــم ولـــيفين * ومــن بينهــم لامـــايهّم الـــرّيالي وجينا المراح اللي له الربع شـفقين * بأرضٍ دكاك من المشاجير خالي سقاه ربّي من المطر قــبل يــومين * سقاه من غــرّ الــمزون الـــثقالي وشّبيت لي ضوٍ من أرطاه غمرين * وبجالها الفنجال هـو راس مــالي من دلّةٍ صفراء بـها بهار نـــوعين * هيــلٍ ومسمــارٍ ومــاهــن زلالي وكلن نقل طيــره وحــّنا مــتقهوين * وسوالــفٍ وش قـال وفــلان قالي وقتٍ قصير وكــامل الربع نــيمين * وكـلن زبن طيره يخاف الــثعالي وحين أذّن الفجر وخلصنا مصلين * كلن لقط روحــه يحوف الــدلالي وقبل طلوع الشمس بالجيب ماشين * في وسط شغيه ماوطاها الحلالي وإستقطعت جرّه جديده وهـــالحين * وأنــا ألـقط الريشه وأنادِ الــعيالي قلت أبشروا عندي جراير لـثــنتين * خـربٍ وتـبراه الـدجاجه عـــدالي وأنا أرتفع خوفي يطيرن عن يمين * والطير طلعه مـايبي لــه ســؤالي قلت أســرعوا يمّي وقـــالوا قريبين * قلـت إلتفت شـفني يمينك مــوالي ويـزين وجه الــطير وهــّم مــتقّفين * ويوم بغى الطلعه أرخيت الحبالي قلت الركـــاده لاتصيروا ســريعين * الــطير وجـّه يــمّكـم يــالــرّجالي وعثربهن بالجيب (خمسه وسبعين) * ويــطيـرن الــثنتين عــّنا شــمالي والطير أشوفه عنّهن حول مــترين * يــكرب جــناحه بـالهدد بإشتعالي والخرب ردّه فــوق يمكـن مــردّين * وعــنه الدجاجه نوّخت بــالمفالي وثالـث مردّ للــخرب عنّه بــشبرين * والـرابعه صكّه وجــاك إمــتدالي ويطيح مـثل الشــال بـين الــبعارين * وحوّل عليه الـطير ياوجد حــالي وحاولت أخلّص مير ماعاد يــمدين * قــدّله زمــن ميّت ومـابه جــدالي وأنــسّره نـسرٍ خــفيفٍ وعــــجلين * ومــن الـرباشه مــالقيت الــنّعالي ثــم إنــحرفنا للــدجاجــه ســلاطين * والكــل طيره فــرّعه بــإحـتمالي وعنّي يمين الجكّس سبعه وتــسعين * يــقـول طــيري غــّزته للـــتلالي قلت أرخله سبقّه عسى الرازق يعين * وفـعلن طلـع غشـّـام إرتاح بــالي وإبفزّته وشهــي فــروخ الــشياهين * وحين إنطلق مثل السهم مـايبالي وجّه علــى الــيمّه وحــنـّـا بــعيدين * وسقنا المواتر في وعور وسهالي مـرّه أشــوفــه ومـرّةٍ يــالله إيــبـيـن * أليــن شـــفناهـن وجّـوه صــفالي وكتف عليهــا الــطير نشّه مــنشين * وصــادها بــالقاع زيــن الــفعالي ثــم إجــتمعنا كــل أبــونـا ســعيدين * وكلن ذكر إسـم الله بصوت عالي لا شك هذي منوتي إن كنت توحين * وفصّلت كـل اللـي يـدور بـخيالي وأطلب من الله يالرّبع قـولوا آمــين * يـحـقـق هوى منهو تـولّع بــغالي وصلاة ربّي عـّد حــرفٍ وحــرفين * على الشفيع اللـي بيوم الـــهوالي وسلامتكم (( أبو شعلان )) معاني الكلمات : متحرّين : منتظرين خمس وسبعين : نداء بالكنود توحين : تنصت لكلامي . وأي واحد ماعرف كلمه يقولي ......... تسمع ياللي في بالي ....;) وإذا فيه أحد يقدر ينسقها ... أكون له من الشاكرين .... ,,,,,,,,,,,,,,,,,,,,,,,,,,,,,,,,,,,,تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,, |
السلام عليكم ورحمة الله وبركاته
يا سلام يا ابوشعلان .... خليتنا نعيش جو ثاني بعيد عن اجوائنا ذالايام وذكرتنا بايام حلوه قادمه لنا ولكم ان شاء الله بصحه وسلامه صح لسانك يالغالي وقصيده طيبه من وجه اطيب والله يعينك بيجيك بعد شوي اللي على بالك :D والسلام عليكم ورحمة الله وبركاته |
شكرا ابو شعلان على هذه القصيدة.
|
حسبي الله عليك يابو شعلان وش هالروعه وش هالزين اثرك مثل مايقولون امغبا اوياليت منتدانا فيه قسم للشعر الخاص بالرحلات اوفيه خاصية تنسيق القصيده كان امشعلل بامثلكم هيضتنا يالغلي اشكرك على القصيده ولك تحياتي |
متى على الله يظهر سهيل ويبيـن والوقـت بـرّد وإجمـدّن الليالـي ايه والله يابو شعلان هالحين تشوف نفسيات الناس منشرحة صح لسانك على هالقصيدة وعلى فكرة تراي نقلته وشاركت بهالقصيدة الرائعة بمجلس عنيزة فالسموحة |
اطلع ما تحت الفروة.......
الاخ الغالي
ابو شعلان السلام عليكم اتمسكن حتي تتمكن نعم اطلع ماتحت الفروة ونفض مافيها اثرك يالداهية منتاب سهل اذا هتويت سويت الهوايل عموم صح لسانك وياولد الشايب وعسي ربي يرزك علي قدر كل حرف (خرب) من القصيد اخوك خشم الحصان ............... نغزة...... معرض الصمان للسيارات |
[quote=أبو شعلان;20044]
وإذا فيه أحد يقدر ينسقها ... أكون له من الشاكرين .... quote] أخوي أبو شعلان الغالي ألف ألففففففففف شكر على هالقصيدة الرائعة وصح لسانك وتلبية لطلبك يالغالي أبشر باللي ينسق لك إياها في تصميم متواضع آمل أن يحوز على رضاك ورضى الجميع http://www.alrahlat.com/vb/uploaded/poytabosha3lan.jpg وأهدي لجميع الأخوة الأعضاء والزوار الكرام هذه القصيدة على مقطع بصوت شاعرنا الصقار المتألق أبو شعلان وذلك بعد أخذ الإذن والخشم ههههههـ منه تم رفع القصيدة في سيرفر الرحلات ( بإمكانك حذفها من الرابط المجاني). اضغط هنا للتحميل للإستماع المقطع الصوتي وتقبلوا تحياتي ------------------------------------------------------------------------ http://www.alrahlat.com/vb/uploaded/583_1185244740.jpg |
ابو شعلان وش هالزين وبالصوت بعد
ثــم إجــتمعنا كــل أبــونـا ســعيدين * وكلن ذكر إسـم الله بصوت عالي لا شك هذي منوتي إن كنت توحين * وفصّلت كـل اللـي يـدور بـخيالي الله يسعدكم ويجمعنا بكم بحدى هلكشتات وبجنات ربي قولو امين |
وأطلب من الله يالرّبع قـولوا آمــين * يـحـقـق هوى منهو تـولّع بــغالي
آمين آمين آمين صح لسانك يابو شعلان على هالرائعة والشكر موصولاً للزميل عيسى العيسى على إضافته الإبداعية . ابو شعلان ... لاتحرمنا من روائعك يالغالي ... بارك الله فيك. |
الشاعر المبدع ابو شعلان :::
قلت أبشروا عندي جراير لـثــنتين * خـربٍ وتـبراه الـدجاجه عـــدالي الله يزرقك بالحباري ,,, لا تقطعنا من ابداعك ...... عيسى شكراً على الاضافه .... ــــــــــــــــــــــــــــــــــــ سلا111111111111م |
صح لسااااااااااااااانك ولا هنت يابوشعلان
|
رائعه يا ابوشعلان صح لسانك تقبل اجمل تحية |
الغالي ابو شعلان كل الشكر لك على هذه القصيدةالجميله وتقبل كل الود لك على ماتبذله لهذا الصرح الجميل وكل الشكر للغالي عيسى على الاضافه الاجمل لاعدمناك |
اقتباس:
هلا وغلا يابومحمد ... وهذي الساعة المباركه ... وصح بدنك ... وترى مابقى شي سهيل ودخل ... والله يعين على هالأيام الباقيه ... الله يجزاك خير وبيض الله وجهك ... واللي على بالنا مامر إلى هالحين ....... :D ,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,, اقتباس:
العفو أخوي كان ... ومشكور على مرورك يالغالي ... ,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,, |
قصيده جزله ومعانيها وافيه
شوقتنا للصيد والطير وابوخالدوخلف وخمسه وسبعين وماجدالله يرده سالم بس وين غشام |
اقتباس:
هلابك أخوي سعود ... وش دعوى ... لا أمغبا ولا شي لكن هذا اللي عندي ... :D وياليت لو فيه تنسيق للقصائد ... والعفو يالغالي ... وترانا ننتظر منكم القصيد ... ,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,, اقتباس:
الغالي الأنيق ... صح بدنك وماعندنا إلا حلالك ... وعلى فكره تراي تنظرت لك هالإسبوع بالعصل وشفت 3 مواتر سوزو ولكن مدري أيهم أنت ... وحطيت على الموجه المقترحه ... ولا فيها أحد ... والجايات أكثر .. مشكور على مرورك يالغالي ... ,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
ماشاء الله
صراحة منت بسهل يابو شعلان قصيدة جزله يسلم راسك وصح لسانك ياغالي |
اقتباس:
هلا وغلا يابو جراح ... نفّضت الفره والكوت ويالله يالله طلعت هالقصيدة .. صح بدنك يالغالي ... والله يسمع منك يارب ... عز الله إنها دعوة حلوه ... معرض الصمان للسيارات ............................ ياخوي إذكر الله :D لاهنت على مرورك ,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
[quote=عيسى العيسى;20106]
اقتباس:
أخوي الغالي عيسى العيسى ( أبومحمد ) ... بيض الله وجهك ... على هالتنسيق الحلو ... والإضافات الجميلة ... ومقطع الصوت كان ممسوح من جوالي وجابه الله ... (بس عاد فيه فضايح) ههههه :D الله لايهينك يابومحمد ... وجزاك الله خير ... ,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,, |
اقتباس:
هلابك يالعمده ... اللهم آمين ... جزاك الله خير يالعمده على مرورك الكريم ... ومابقى شي ... الشتا قرّب والله يجيب المطر ... لاهنت يالغالي اقتباس:
الغالي أبو أحمد ... صح بدنك يابعدي ... والله لايهينك يالغالي ... ومشكور على مرورك الكريم ... وإنتظر المزيد ... بإذن الله ... اقتباس:
هلا وغلا يابوعلي ... والله يسمع منك ... وألف شكر على مرورك وتشريفك لي ... اقتباس:
أخوي برق الشمال ... صح بدنك يالغالي ... وألف شكر لك على مرورك الرائع ... ,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,, |
اقتباس:
هلا بالغالي أبوعبدالله ... مرورك أسعدني ... ومشكور على إعجابك ... ولاهنت اقتباس:
هلابك أخوي راعي الذوق ... العفو يالغالي ... والمنتدى يستاهل أكثر بس هذا اللي بيدينا ... مشكور يالغالي على مرورك وتشريفك ... ,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,, |
بارك الله فيك ووفقك لمرضاته اللهم آمين
والله يجيب الخير ويرحمنا برحمته اللهم آمين |
صح لسانك يابو شعلان
قصيدة معبرة عن حال الصقارة وهل الرحلات البرية. عطنا اللي بعده ترانا ادمنا شعرك . لاهنت. |
اقتباس:
حياك الله يابوعبدالمجيد ... وهذي الساعة المبارك اللي مريّت علينا بهالموضوع ... لاهنت يالغالي على مرورك الكريم وهالدعاء الرائع ... الله يتقبل منا ومنك صالح الأعمال ... اقتباس:
هلابك أخوي راعي الشاص ... مشكور على هالمجامله الرائعة ... وأبشر باللي جاي إنشاء الله ... ,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,, |
الله الله
صورة جميله وابيات راعه تصوير ولا اروع كاني اناظر فلم من الابيات صح لسانك ((أبوشعلان)) |
اقتباس:
هلابك يابو أحمد 98 ... صح بدنك يالغالي ... وهذي الساعة المبارك اللي أعجبتك ... ومشكور على مرورك وتعليقك الرائع ... ,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,, |
مشكور يا اخوي وما قصرت
t2---@hotmail.com |
ماشاء الله تبارك الله
مايدري الواحد وش يمدح اكثر ؟؟ هي القصيده ولا الصوره ؟ ولا الصوت ؟ تسلم يابو شعلان |
اقتباس:
حياك الله أخوي المقرقع ... والعفو يالغالي ... ومشكور على مرورك وإعجابك ... اقتباس:
ياهلا وغلا أخوي راعي سامودة ... وهذي الساعة المباركه ... القصيده يمكن والصورة يمكن لكن الصوت هذي قوية ههههههه :D مشكور يالغالي على إعجابك ومرورك الرائع وردك الطيب ... ,,,,,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,, |
يا سلام يا ابوشعلان .... خليتنا نعيش جو ثاني بعيد عن اجوائنا ذالايام وصح لسانك مشكووور ما شاء الله مشكووور أخووك ومحبك الذيب 20**
|
اقتباس:
حياك الله أخوي الذيب20 ... صح بدنك يالغالي ... ومشكور على إعجابك بالقصيدة... ولاهنت على مرورك يالغالي .. ,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
ياحبيلك يبو شعلان خشيت جو مع القصيده الله يوفقك لكل خير وغشام فعوله طيبه مادامه على اسمي :eek: قصيده رائعه يبو شعلان وصح لسانك |
اقتباس:
حياك الله يابوسعد ... وهذي الساعة المباركه والله ... وعزالله إن فعوله طيبه الله يرحمة :D ومادامه على إسمك عزالله أغليته زياده ... :eek: مشكور على هالأعجاب ... وماقصرت على مرورك يالغالي ... ,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,, |
والخرب ردّه فــوق يمكـن مــردّين * وعــنه الدجاجه نوّخت بــالمفالي وثالـث مردّ للــخرب عنّه بــشبرين * والـرابعه صكّه وجــاك إمــتدالي والله ابدااااااااااااااااع بأعلى الصوت يا ابو شعلان فالكم الحباري ان شاء الله ذا السنة وتقبل مروري(من أستراليا) |
اقتباس:
هلا ومرحبا حي الله راعي إستراليا ... مشكور وماقصرت على إعجابك بهالبويتات ... اللهم آمين ... والله يسمع منك ويرزقنا الحباري هالسنه ... مشكور أخوي ولد روق على مرورك يالغالي ... ,,,,,,,,,,,,,,,,,,,, تحياتي ,,,,,,,,,,,,,,,,,,,,,,, |
صح لسانك يابو شعلان قصيدة راقية شامخة وفقكم الله |
بيض الله وجهك على القصيده الرائعه يا ابوشعلان
|
وعليكم السلام ورحمة الله وبركاته بارك الله فيك يا أبوشعلان قبل سنة هذي القصيدة ما أدري عن دخول سهيل هو بدأ وال باقي له اشي كام يوم |
صح لسانك يابوشعلان
قصيده طيبه ياسلام عليك ذكرتنا بالطلعات الحلوه مع اللي مثلك وشرواك ومادم جبت القصيده نبي نهديك هالبيتين اسهيل ضيعناه في خد باكور === اتل العهدبه في شمالي ارجومه ضيعت شوفه يوم باللجه يكور=== واقفا يحاومله اعقاب يهومه راح يترقى مابغا القاع بحدور=== ذاق البراد وطقها سهيل حومه عزم على رايه ولاردلي شور=== نسا معرفتنا عسالله يلومه ماهو الحاله قد غدا قبله طيور=== الطير ابو صيحه وهذي اسلومه كله على شان العقاب ابوطنقور===لاحش نفسه مايسنع يمومه حبيت اهيضك يومنك راعي طير وتسلم تحياتيييييييييييي اخوك فتى الرابيه |
صح لسانك وقصيده معبره والله يعافيك وننتظر المزيد
|
اقتباس:
هلابك أختي فارسه وصح بدنك ... ردودك هي الشامخه والراقيه دائماً ... لا عدمنا هذا التميّز وشاكر ومقدر مرورك بالموضوع ... ,,,,,,,,,,,,,,,,,,,,, تحياتي ,,,,,,,,,,,,,,,,,,,,,, |
اقتباس:
يامرحبا أخوي وراد ... هلا بالحاضر الغايب :)... ووجهك أبيض يالغالي ... مشكور وماقصرت ... ,,,,,,,,,,,,,,,,,,, تحياتي ,,,,,,,,,,,,,,,,,,,, |
.. صح لسانك اخوي ابو شعلان .. والله انك تفتح جروح اما الصورهـ .. شي ثاني ماشاء الله تبارك الله بيض الله وجهك وما قصرت .. |
| الساعة الآن 08:44 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir