|
ورشة المميز \ ورشة المواهب
السلام عليكم ورحمة الله وبركاته وحياكم الله جميعاً..:) ممكن يا اخوان يا كرام تزودوني بأرقام هذه الورش وأيها أفضل وياليت أيضاً تحديد المكان ولا مانع من ذكر ورش إضافية أيضاً وذلك للفائدة.. لأني أرغب بتفصيل تانكي ماء وتانكي بنزين أكبر.. وياليت تنصحوني من ناحية التوانك وش افضل سعه.. وعن المعدن.. وإن كان احد منكم له تعديله الخاص يزودني بمواصفاته وطلباته.. للمعلومية الموتر ربع نيسان 2004.. والله يعطيكم العافيه مقدمــــــاً اخوكم ومحبكم.. أبو فهد..:p |
أفا ولا رد...
|
و لا تزعل !!!!!!!! المميز ممتازة جدا و شغلهم نظيف ,,,, و المواهب لم أجرب شغلهم ... و بإمكانك الإتصال على المميز على الجوال التالي : 0504457189 - محمد - همام - الورشة في صناعية الدائري الجديدة بعد مخرج 17 و انت متجه شمال ====================== |
راسل راعي الهدد (أبو حمد) .. تراه فصل عند مواهب ماقيمته فوق3000ريال ويمدح شغلهم بالحيل.
والصراحة أنا يوم شفت الصاجه المعوقه حقت ورشة المميز اللي تركب على الباثفيندر غسلت يدي . طع شوري واسأل وشاور ولاتطيح الا متواسي .ههههه وفقك الله .. |
تانكي الماء فصل ألمنيوم أرخص لك ولا يصدي ومتين واعتقد أقل حرارة
وفيه ورشة بمخرج 18 على طريق الخرج تلقى برشور الورشة في محل المقناص لأني ناسي اسمها |
انصحك بوشه المميز انا جربت شغلهم بسراحه ليعلاا عليه
|
وأنا يا إخوة أريد رقم المواهب فقط لأمانة صاحبها أبي خالد كما يذكر عنه، لأن عندي مقطورة أريد لها تانكي ألمونيوم. |
اخوي ابو الحارث تفضل يا الغالي ورشة المواهب
014461057 |
انا اقول لا تقرب المميز
المواهب شغلهم زين وعندهم امانة ولا تفكر انك تعدى المواهب |
لاتقرب المميز نصيحة لاتقربه اكبر نصاب على مستوى الجزيره
واذا تبي تتأكد رح وخله يتعلم في موترك وتعرف لاتتعدى ابو خالد المواهب رجل صادق وشغل 100% موفق |
محمد المصري سوري الجنسيه اللي في المميز كان شغال عند المواهب يوم عرف الشغله فتح ورشة المميز مقابل المواهب
وبدأ بدايه جيده وكان سعره ارخص من المواهب وشغله زين يوم كون له سمعه انتقل الى صناعية الدايري راح له اخوي يصلح سله فضربه بسعر ناار وقاله تعال لي وقت ثاني حنا مشغولين الحين(باسلوب لك عليه) راح اخوي للمواهب فقابله راعي الورشه بإبتسامه وعطاه سعر ارخص من المميز بكثير وعنده حركه سيئه المميز اذا تيت له وعطاك موعد يقول لك دق علي قبل ما تجي واذا دقيتا عليه يقول لاتجي الحين انا مشغول تعال في اليوم الفلاني ودق قبل لاتجي وهلم جرا |
ابو فهد يابعدهم ... تكفى انحش عن المميز ... والله انه اكبر محتال في السوق الله يهديه ... واذا تبي تعرف قدر المعاناة وحجم مايفعله من تعديات ... فاسأل اخونا الغالي ساروت ... ومافعله هذا الرجل صاحب الورشة مع اخونا ساروت ابو ساره ... خفس تندته ورفض يعوضه بشي ... واخونا ملاعب الريح كذلك خرب عليه ونش سيارته ... والكثير الكثير ... لو اروي لك من اليوم الى بكره ... نصيحة اقصد البحر واترك القنوات المواهب افضل واقوى وأحسن ورشة تجهيزات ... وانا مجرب وعارف الورشه صح صح خذ عنوانهم .. الصناعية القديمه طريق الخرج ... جوال ابو خالد صاحب الورشه 0504492550 المحل 4461057/01 واذا تبي فزعه ترى اضبط لك الأمور كلها واتصل بهم واتفاهم معهم ... والله مالي اي مصلوح من هلكلام بس خايف انك تتوهق مع المميز .... ولا لي اي عادي من ابو خالد ليطمأن الجميع بس نصيحة احببت اسديها للجميع .... محبكم ابو حمد ... يصيحون علي يقولون يالله العشا والا كان فليت لك التفاصيل اكثر ... هههههه بس اضن كذا كفايه ... |
الصمت..:)
هدد؟؟؟.. الزينون.. ابو ساره.. ابو الحارث2.. ابو عبدالعزيز.. ابو هليل.. شايخ.. ابو عمر.. راعي الهدد.. جميع من شرف متصفحي المتواضع بالحضور والرد.. هلا وغلا وحياكم الله :rolleyes: بصراحة يا جمــــاعة الخير ماقصرتوا والله يعطيكم العافيه.. بالنسبة لورشــة المميز فالبارحــة كنت عندهم وبإختصار شديد ما عندهم إلا الدجــــــــــة :cool: لأني وبصدق ما لقيت ولا إستفدت من تواجدي وطرح الأسئلة وطلب المعلومات عن بعض المنتجات لديهم :confused: أي شيء .. لذلك وبإذن الله غداً او بعد غدٍ ستكون زيارتي لورشة المواهب.. عل وعسى أن أجد ما أريد لديهم.. أو على الأقل أن أجد الفائدة منهم..:D مرة أخرى يا أحباب.. شُكراً لكم وبارك الله فيكم أخوكم .. أبو فهد... |
بسم الله الرحمن الرحيم أخوي الغالي أبوفهد ... أنت رح للمواهب وقلّ لبوخالد أنا جاي عن طريق أبوشعلان ... وتراك يمكن تعرف أبو خالد ... أو هو يبي يعرفك ;) ,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,, |
أبا عبد العزيز أعزك الله بطاعته أشكر لك استجابتك وقد سجلت الرقم تقبل الله صيامنا وقيامنا والسلام عليكم ورحمة الله وبركاته |
و الله غريب كلام البعض عن المميز .. و لكنكم مصدقين ... و كونهم يماطلون بالمواعيد ... فهذا شيء متعودين عليه في الجزيرة العربية !!!! و اما السعر عادي و لا هوب مرتفع حسب نظري ============================ يمكن توي فهمت !!!:- تتصورون :- يعني على شاني أقشر معهم ..؟؟؟؟ ما يقاشرون ؟؟؟ ============================ |
المميز احس انه تغير عن اول كان احسن الان مشغول مع اللي يدفعون اكثر
|
السلام عليكم ورحمة الله وبركاته:
أنا من جهتي جربت ورشة المميز ولقيت شغلهم نظيف وأسعارهم مناسبة ومواعيدهم دقيقة وأهم شي شغلهم نظيف حتى محمد يلي يشتغل بالورشة حددلي موعد ودقيتله واسلمت السيارة بالموعد يلي حدده |
أنا جربت ورشة الغرابي الخدمات:
1-خدمات مميزة 2-تصليح ممتاز ولكن توجد ملاحظة على ورشة الغرابي : غلاء السعر إلى سعر غير متوقع |
ورشة المميز
السلام عليكم ورحمة الله وبركاته
ليش كل هالهجوم على ورشة المميز مع العلم إني عملت عندهم سيارتين.:smailes42: وما تنسى يا أخوي كل إنسان ممكن ينضغط بشغله بس المهم تاخد يلي تبيه على كل الأحوال لكل إنسان وجهة نظر:thumbup: وإن شا الله أحطلكم صور لسيارتي |
بالنسبة لي .. ومن خلال تجربة أنصحك بالمواهب .. خاصة إن أبوخالد صاحب الورشة رجال ماشاء الله عليه طير بر وراعي مقانيص وعارف شغله صح فيما يتعلق بتجهيز مواتر البر
|
السلام علكم ................. مااح معصوم من الخطاء ولكن حسب مقارنة الشباب.. المميز.. ارخص سعر وامتن او اسمك حديد وغير ذلك محمد رجل راعي طاعة وصلاة للي يقولون انة نصاب الله يهديهم ماحد معصوم عن الخطاء ......... ابو خالد انعم اكرم رجل طيب وكريم ولكن اغلى من المميز واقل سماكة حديد.......... في بعض الاشغال وليس كلها....... وللزبون الخيار وبانسبة لي شخصيا دعامات المميز اجمل شكل من المواهب............... وهي حقيقة ومن واقع تجربة وتدقيق ......... وكلهم امينين على سياراتنا الله يجزاهم خير ..............مع ان اكبر مشكلة فينا يالسعوديين مافينا صبر ونحكم بسرعة ......... وشكرا
|
اخي العزيز للعلم يجدر الإطلاع على هذه الخزانات الجديدة لعلها تصلح لك
ادخل موقع www.travelmate.com.sa http://www.travelmate.com.sa/arabic/catageory/42_.htmlhttp://www.travelmate.com.sa/arabic/catageory/42_.html قسم مياه و خزانات ستجد خزانات مرنه و سعرها معقول |
يعني اغلب الأصوات رشحت ورشة المواهب ( ابو خالد ) ويكفي إنه ابن البلد .
|
كنت ادور الرقم بس الأعضاء ما قصروا
|
اقتباس:
يا اخوان احد منكم جرب هذه الخزانات في الرابط هل تتحمل هل هي عملية |
السلام عليكم جميعا
|
| الساعة الآن 10:37 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir