|
بيكال - الروسيه ( دعوه للنقاش من ذوي الخبره)
السلام عليكم ورحمة الله ,,
الإنسان لم يولد عالم ,, ومهما وصلت من العلم بأي مجال لابد وان تستنير ياراء من سبقوك ( وهذا المطلوب الان ) بندقية صيد جميله - متوسطة السعر ولكن بلغت مبيعاتها ارقام خياليه مقارنه بمثيلاتها من اسلحة الصيد , بنيللي - ريمنقتون - بريتا مازالت موجوده وبجوده عاليه جدا ؟ اذا لماذا الاتجاه الى البندق الروسيه ؟ طبعا لايمكن ان يكون السعر لوحده هو السبب لاننا على معرفه ان محبي الصيد يمكن ان يقوموا بدفع اي مبلغ في سبيل ممارسة هوايتهم المحببه . اذا ماهو سبب شهرة هذه البندقيه ؟؟ نأمل المشاركه لاصحاب التجربه |
والله ماعندي علم يالغالي
بس حبيت اسأل عن سعرها الله يحفظك |
مشكووور لاكن كم السعر وين المكان
|
يمكن علشانها تتحمل وسبطانتها ماتسخن مع كثر الرمي
هذا اللي عندي |
هذي ونخوك بندق عجيبه جداً تتحمل جميع الضروف والأجواء وترمي ولاتقول لا ... قويه ومتينه وفي نفس الوقت لو أخذت النوع الي يجي فيبر ستجدها خفيفه ولا كأنك تحمل بندق في الوقت الحالي اعتبرها افضل بندقيه رش شوزن ومناسبه للجميع لامن ناحية السعر ولا من نايحة الجوده أخونا الصياد المصري خبير الأسلحة يقول هي افضل سلاح عرفته والأكستريما صحيح انها جميله وخياليه ولكن البيكال تتفوق عليها في أمور بسيطه وفي كل هالبندقيتين خير بس لو انا باشري ماشريت الا بيكال الروسيه mp-153 الي انت تسال عنها ... ياغالي وهذه صورتها النوع الي يجي خشب http://www.alrahlat.com/vb/uploaded/199_1190730835.gif هي سوبر ماقنوم و تأتي بمقاسات 30 - 28 - 26 غازيه توزن يدوي نصيحه اشتر 30 ولاتشتري الا فيبر لأن الخشب ثقيله بينما الفيبر خفيفه ماكأنك تحمل بندق ابد ابد أخف مارأيت .. طبعاً هي لن ولم تصل لمصاف البرتا اكستريما 2 http://www.alrahlat.com/vb/uploaded/199_1190729133.jpg فالأكستريما 2 خيال لايقآآآآآآآآرن حتى ان البعض يسميها باسم غريب شوي من جمآلها .. هههههه حقيقه اكرمكم عن ذكر هذا الأسم ... بس ترى العقل زين وشهو له 11 الف في بندق او 14 الف اذا هي مصرحه ... نصيحة البيكال كافيه وزياده وستجده بسعر 4200 جديده وفيبر وليست خشب ... ورح لهلك ترآها بندق ولا فيه افضل منها الا الأكستريما 2 وتتفوق البيكال على الأكستريما في تحمل الأجواء ... محبك ابو حمد ... ولي عوده ارفق لك صور عديده لكلا البندقيتين ... أذن المغرب باروح افطر ... |
اقتباس:
|
اقتباس:
|
اقتباس:
|
انا اخالف ابو حمد في نقطة البيكال تتفوق على الكستريما في تحمل الاجواء
الاكستريما من التجارب اللي اجريت عله انهم حط البندق في بحيرة لمدة 12 ساعة وطلعوه بعد 12 ساعة ويرمون فيها زي الحلاوة والاكستريما ما تحتاج تنظيف زي البيكال ولكن البيكال بعد حمار مكده الله يكرمكم وصدق ابو حمد العقل زينة وشوله 12 الف ببندق البيكال توفي بالحاجة وزود بعد ولكن يعيبه انك تداوم على تنظيفه |
السلام عليكم
اخواني انا ما انصحكم بالبيكال قبل فتره واحد من العيال جايب البيكال حقته ماصارله اسبوع شاريها طبعا جديده اذا رمى فيها تطلع نشارت حديد ان اقول مافيه الاالاكستريما2 ولو انها سعرها غالي بس تستاهل ولا يهون راي الاخوان وتقبل مروري |
اقتباس:
تسلم يابو حمد على هالمشاركه اللي اثرت الموضوع |
السلام عليكم
انا جربت حقيقة بيكال فيبر ولهالحين معي الحقيقة انها بارود وبس وجربت البلجيك الماصورة الطويله 32 انش لكن احب افيدك بأمر ان البلجيكية تحتاج كل بعد طلعه تنظيف ولا تتعبك بالكلكه تبدا ترمي على فشقه فشقه من الوصخ . اما الروسية اجدعه مع العزبة وادخل به كل مكان وارم به اي فشق هباااااال هباااااال وبس . فيه نقطه ترا مافيه فرق بين الرمي بـ 28 والـ 32 الرمي وااااااااااحد ومجرب . لكن اذا احببت تشتري وحده لا تنسى تشري وصله معه تصير خابور الوصله بعد كذا انس يطير طيرك إذا ضبطة الخابور . لا واقع ولا طيار :) ياخي لو ابتل اهرج لك عن البيكال ما وفيته حقه . اقتباس : السلام عليكم اخواني انا ما انصحكم بالبيكال قبل فتره واحد من العيال جايب البيكال حقته ماصارله اسبوع شاريها طبعا جديده اذا رمى فيها تطلع نشارت حديد ان اقول مافيه الاالاكستريما2 ولو انها سعرها غالي بس تستاهل ولا يهون راي الاخوان وتقبل مروري ________-------- من المؤكد اخي الفاضل انه بيطلع منه براد حديد هذا دليل على انه جديدة لكن ماتدوم هذه الحاله مع مرور الوقت والاستعمال تبي تلاحظ انه تتلاشى . ومهب عيب بالبارود هذا طبيعي جداً . دمتم بخير. |
اقتباس:
ولكن البيكال اثبتت جدارتها بشكل كبير جدا وماحد ينكر شهرتها الان |
السلام عليكم ورحمه الله وبركاته
هاذي اول مداخله لي معكم بالنسبه للبيكال انا جربتها الفيبر 28 انش دمار مدريمن ي او من البندق يخوي قميريه من 15متر ماجابتها جربت التشكات كلها مافيه فايده ياليت من عنده خبره بالتشكه المحليه الصنع يقولون تغير البندق 180درجه علا الكلام اللي قريته ودمتم اخوكم هاوي صيد |
اقتباس:
شكلك ماعرفت توزن الغاز |
الغالي راعي سامودة ،،، حفظك الاله وبارك فيك والإخوة الأعضاء
البيكال الروسيه بارود متوفر من سنوات وكانت بسعر رخيص جدا وبعد ان انتشرت زاد سعرها ومازال بعد الزيادة رخيص نسبيا _وانا اعتقد انها بسبب رخصها كثرة اعابتها لان ربعنا هذا ديدنهم :الغالي هو الزين_ عموما انا والله العضيم اشتريت خمس لي ومن حولي ومن باعها علي سألته نفس السؤال الموجود في موضوعك وهو : هالبندق كلن يسبه وراااااه ؟؟؟؟ فأجاب :من الي يسبه !! والله اني بايع الى الحين 800 قطعة ثمان مائة قطعة ( قلت :العدد طبعا يزداد بعد محادثتنا)ولا عمرنا بعنا مثل هالعدد واني ماشفت احد شكا منها ولا شي .ا .هـ . بعدهذا اقول ومن واقع التجربه البندق خالية من العيب ترمي انواع واشكال الفشق ولا رجف ولا شي توسخ صحيح ولكن ترمي مع توسخها بكل جوده وبالنسبه للغالي الي يقول تطلع منها براده اقوله هذي مهب براده هذي ماده مثل البلاستك داخل المنظم تستمر في التفتت لين تنتهي وخلاص تختفي وهذا الي شفته في البارود الي معي والي حولي عموما البارود حلوه وتبرد الخاطر والتوصيلات الي معه زينه والي ترهم عندنا ممتازه جدا وانا للحين ماجربتها للأسف ياشباب ختاما اروي لكم هذه الحادثة الحاصلة امامي احد الاشخاص يرمي طيار بروسيه بيكال واخونا لايجيد الرماية مطلقا المهم كان يرمي ويسب في باروده ويعيبها ووالله انها نفسها استلمها آخر يجيد الرمايه لم يرمي شيئا الا ويقع عندها قلت: وكم من عائبا بارودا بديعا وآفته من الحول العظيم <<< يعني خوينا يقول البندق دمار وهو الي مايعرف يرمي!!!! ملاحظة اخيره للغالي راعي ساموده عدم اصابة المرمى من 15 متر ماله اي اي دخل بالغاز الغاز فقط لتنضيم خروج الخرطوش الفارغ وادخال الجديد ودمتم بود |
بسم الله الرحمن الرحيم
تحية طيبه وبعد،،،،،،،،، بالنسبه لسعر البيكال الروسيه كما يلي : 1/ بيكال روسيه فيبر ماصوره (28) سعرها 4200 ريال 2/ بيكال روسيه فيبر ماصوره (30) سعرها 4500/4700 ريال بالنسبه لفعل البندق ماهو شين لكن جربت( مضواق ) يباع عند اهل الصنف وسعره يتراوح مابين 400/600 لكن بعد تركيبه تتغير البندق 100ب100 وللمعلوميه المضاويق الي تجي مع البندق ماتنفع ولا بـــــ(كحه) لو يصير الطير بعد 10 أمتار ما طاح ،،،،،، وسعر البندق الخشب ابسئل عنها واردلك،،،، لكن الروســـــــــــــيه لم يصنع مثلها بتحمل <الضغوط> ابداً... وتقبل فائق تحياتي |
بالنسبه للتشك فيه التشك الجديد ممتاز ويخلي البندق تجمع الفشق وتسوقه لمسافه كبيره وهو موجود اذا بغيتوا منه ارسلولي علي الخاص اذا مافيه مانع من قبل الاخوان المشرفين وهو علي فكره اصلي من نفس مصنع البيكال الروسي...وتقبلوا تحياتي..
|
السلام عليكم ورحمته الله وبركاته
بانسبة للبيكال فيبر السودة فية شوك أمريكي يجعل نثر الفشق لبعد مسافة متجمع أما الشوكات اللى تجى معها من شركتها ماتنفع نهائيا والشوك يبيعونه عندنا بالكويت محل الصياد وكيل الشوازن الروسية وجربت البيرتا والبنيلي والبراونج والبيكال وماعجبنى الا بنيلى - رفاييلو بدون شوكات بيبه 30 أنش وسلامتكم . |
|
للفائدة لجميع منتدى الرحلات عندنا في ( القصيم - بريدة ) يسوون لها مضواق بي 350 ريال احسن بكثير من التشوك المصنعي من الشركة الام المسمى تشوك 6600
عند اخونا أبو فايز اسوق الداخلي الجردة |
البيكال طيبه لائنها تبرد الي في الخاطر وسعرها معقول على حسب قدرة الشخص متوسط الدخل
والله الموفق |
السلام عليكم
كم سعر الشؤزن |
| الساعة الآن 08:32 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir