|
سله الباترول سفاري بالصور
الاخوه الغاليين السلام عليكم ورحمه الله وبركاته السله للسياره معروفه للجميع وفؤائدها كثيره خاصه للرحاله وهواه السفر بالسياره والكثير منا يعرفها وقد ركبها بسيارته او ان سيارته بها واحده من المصنع اصلا ولكن بعض السيارات ليس بها سله من المصنع مثل (السفاري) , وحبيت استعرض لكم بالصور السله التي ركبتها بسيارتي , لكي يستفيد من اراد تركيبها لسيارته. السله تم تفصيلها في احد الورش المتخصصه في مدينه الرس بالقصيم ويصبغونها باللون المفضل لك, او لون السياره بعد اخذ رقم الهيكل لسيارتك لشراء اللون المطابق لسيارتك. التكلفه سيارتي سفاري 2008 واللون لؤلؤي وكلفتني 700 ريال مع التركيب. مع الصور السله بها اماكن كثيره شناكير واماكن للشد بالجوانب http://www.alrahlat.com/vb/uploaded...1222299905.jpg يستخدمون الربلات تحت القواعد التي تحمل السله لحمايه سقف السياره من الخدوش http://www.alrahlat.com/vb/uploaded...1222299950.jpg مكان تركيب انتل الايكوم مدموج بالسله (موقعه رائع) http://www.alrahlat.com/vb/uploaded...1222300090.jpg وجزاكم الله خير . . . . . |
وعليكم السلام ورحمة الله وبركاته ماشاء الله تبارك الله شغل متقن ومرتب وجميل ميزته مهوب واضح أبد وسعره مناسب كما عودتنا أخوي بسام على كل جديد ومفيد ماقصرت , والله يطرح في سيارتك البركة ويحفظك ويحفظها من كل سوء |
مشكور يابسام
على خدمة اخوانك بهذه الطريقة وهذه السرعة والله يطعمك خيرها ويكفيك شرها. وبارك الله فيك. |
مشكور ما قصرت على الشرح بالصور لكن كيف تثبيته وهل تركيبه وفكه سهل انا عندي مثل سيارتك لكن وش رايك بالسله الخلفيه للحطب والاشياء اللي فيها حمل اكثر مقارنه بالسله اللي فوق التنده مع ان كلهم منظرهم لك عليه لكن الحاجه |
اخوي بسام / يعطيك العافيه هل تتحمل السله النوم عليها خاصه للإوزان الثقيله والمتوسطه |
الأخ الغالي bassam
السلام عليكم ورحمة الله وبركاته شغل تمام والشرح بالصور رائع مشكور والله يعطيك الف عافية |
اثمرة الزيارة يابو محمد لعنيزة وركبت هالشبك الرائع
|
أخوي بسام... لك كل الشكر على جهدك الطيب
رائع كعادتك... ماشاء الله ...الله يبارك لك بهاالشغل الطيب. استميحك في الرد على الأخ سعد: اقتباس:
أخوي سعد.. أختلف معك في أن السلة منظرها لك عليه...فهي تعتبر مخفية لمن لا يفضل منظر السلة على الموتر. السلة الخلفية على لسان من جربها: تعوق استخدام الباب الخلفي..تشكل طول اضافي خلف السيارة يجب اخذه بالحسبان عند الرجوع للخلف أو ادخال السيارة في موقف جانبي...أيضا من مشاهدتي للسلة الخلفية على الاكسبدشن و اليوكون في الطرق السريعة.. لاحظت ان خشم الموتر مرتفع و قفاه نازل في حال الوزن الثقيل على السلة. الأخ بسام بيفيدك انشالله في سهولة فك و تركيب السلة لك الشكر |
عوايدك يابومحمد الشغل المتكتك على ماقالوا شغل .....:smailes12: فراغ ;)...... ماشاء الله
عليهم .تكتكتك على fj يابومحمد ترا أخوك مع هالدوام ماعنده وقت للتكتكت االموتر والشتاء قرب . |
الاخوه الغاليين بارك الله بكم جميعا عمار السفينه , حياك الله يالغالي وفعلا الميزه في انها بلون السياره وانها غير رفيعه وعمليه. صقر , جزاك الله خير يا ابو احمد وهذا اقل الواجب. سعد , حياك الله , بالنسبه للفك والتركيب سهل ويحتاج منك 15 الى 20 دقيقه لفك 6 مسامير التي تربط السله بالقواعد (بشرط يكون معك احد يساعدك يشيلها معك لانها ثقيله على شخص واحد) بالنسبه للسله الخلفيه ممتازه جدا ولكن للسيارات اللى مثل الباترول بابين جانبيات ستكون متعبه جدا وغير عمليه, لانك لا تستطيع اخراج او ادخال الاغراض من الباب الخلفي, ولكن للسيارات اللتي بها باب شنطه (لاند , يوكون , باث , وغيرها, اي ان باب الشنطه يكون قسمين باب علوي وباب سفلي ) ستكون ممتازه خاصه للحطب والاشياء اللتي توصخ السياره مثل الربيان والاسماك, بشرط عدم تحميلها وزن زائد حتى لاتؤثر على رسواه السياره بالخط. بالنسبه للشكل اذا قارنتها بسلال اخرى ستجدها رائعه ويمكن تسميتها مخفيه. حرمل , حياك الله , بعض الشباب اللي مركبينها على لاند ناموا عليها ,,(حط السليب باغ فوقها وخذها نومه) , ليتهم يحطون صوره للنومه ياللي عندهم الصوره , واتوقع تشيل الثقيل , والله اعلم . الأحنف , حياك الله يا ابو ابراهيم وجزاك الله خير. الانيق , يا هلا وفعلا زياره باريس نجد لها دور في زياره الرس الجميل. طير الفلاح , يا هلا بالغالي اللي خلاني استعجل واحط الموضوع , وبارك الله فيك وعقبال ما نشوفها مركبه على سيارتك ان شاء الله. جزاكم الله خير |
اقتباس:
ياهلا بالطيب الغالي ابوعبدالله انت تأمر امر يالريس (بخليك مانجر ان شاء الله ونخلي الاداره كلها تكشت عشانك) :thumbup: تستاهل كل خير (جب الموتر نطلع به للطعوس وابشر ان شاء الله بالافكار الجهنميه) :1aa: والله يجيب السيل,,, يارب |
ماشاء الله
الله يعطيك خيرها ويكفيك شرها |
طير الفلاح عافاك الله على الشرح والمشوره الطيبه اخي بسام ماقصرت على الشرح الوافي وذا تعرف مكان بيع لها في الرياض انت او احد الاخوان اكون لكم من الشاكرين |
وعليكم السلام ورحمة الله وبركاته
سله عملية جدا واذكر ان الوالد مركبها بسيارته (مشابهة لها لحد كبير) وكانت عملية جدا تحياتي اليك |
الاخوه الغاليين حياكم الله جميعا وبارك فيكم المثالي , يا هلا وجزاك الله خير. سعد , حاضرين للطيبين وامل ان الشرح كان واضح , وبالنسبه للرياض ما عندي علم ولكن ان شاء الله الشباب يفيدوننا. اين تصنع السله المخفيه بالرياض؟ ......أفيدونا طايربالعجه , يا هلا بالغالي , وينك ترا لازم نشوفك بهالشتاء ان شاء الله , والله يوفقك انت والوالد ويبارك لكم. شـكــ وبارك الله فيكم ـــرا لكم ... لكم مني أجمل تحية . |
ماشاء الله عليك يابو محمد على هالشغل السنع .
وبالنسبه لسؤالك للي مركبينها على اللاند انا عندي قويه مره ماشاء الله مثل سلتك لكن المشكله ان السياره فتحه وتكون قاصره شوي يعني مايمديك تنام عليه ولا التحمل ماعليك حمل وانت مرتاح بإذن الله ولكن الحرص على توزيع الحمل بالتساوي . |
اقتباس:
هلا والله بالغالي ,,وحياك الباري وجزاك الله خير على الافاده عن التحميل وقوه التحمل والله يعطيك خيرها ويكفيك شرها شـكــ وبارك الله فيك ـــرا لك ... لك مني أجمل تحية . |
ما شاء الله تبارك الله
ابو محمد .. هلا وغلا وشغل مرتب ونظيف حبيت أسألك كبداية كيف أداء السلة معك الآن؟ والأمر الآخر مع السرعات العالية هل هي مزعجة؟ هل توجد لديك صور لها وانت محمل عليها عفش الرحلة؟ هل فصلت لها سلة خاصة أم لا؟ أخيراً لا هنت يالغالي رقم الهاتف الخاص بالورشة وموقعهم؟ وشكراً لك وبارك الله فيك.. أخوك أبو فهد |
انا اذكر ان الوالد كان مركب واحد على سقف الصالون (الجيب)
لكن لو ركبت خلفية كان افضل لانها اوسع في سلك نازل من السله على باب السائق وش هذا؟ http://www.alrahlat.com/vb/uploaded...1228236738.jpg[/URL] تحياتي .................................................. ..................... |
السلام عليكم ورحمة الله وبركاته
ماشاء الله ابو محمد مبدع وراعي شغل متكتك الله يباركلك ويرحم والدينا والديك ابو ناصر راعي كيف |
اقتباس:
ياهلا بالغالي ابوفهد حياك الله وبارك الله فيك الصراحه السله ممتازه وليس لها صوت يذكر مع السرعات العاليه لان صوت الهواء اللي بالباب يغطي على كل صوت ثاني اذا كان هناك صوت (اقصد من سرعه 140 وفوق) نعم عندي لها جراب جلد من عند محلات الخيام اللي تحط اغراضك بوسطه وتسكره بسحاب وتربط الجراب بالسله ويحفظلك اغراضك من المطر والغبار وغيره, والصوره اللي عندي (نفس الجراب اللي اقولك عنه ولكني كنت حاطه على سيارتي القديمه الباث) http://www.alrahlat.com/vb/uploaded...1228297733.jpg والعنوان بأحاول ادوره لك وارسله ان شاء الله شـكــ وبارك الله فيك ـــرا لك ... لك مني أجمل تحية . |
اقتباس:
يا هلا ومرحبا بالغالي وهلا بك في منتداك وبيتك السلك اللي تشوفه , هذا سلك الجهاز الا سلكي (الايكوم) ميزه بالسله يجي معها قاعده لتركيب سلك الجهاز. بالنسبه للسله الخلفيه بتكون متعبه لاصحاب السيارات اللي باب الشنطه صفقتين مثل الباترول لانك ما تقدر تأخذ اغراضك من الشنطه والسله موجوده شـكــ وبارك الله فيك ـــرا لك ... لك مني أجمل تحية . |
اقتباس:
يا هلا بك يالغالي وحياك ربي ومبروكين الخيرات موفق بإذن الله ... لك مني أجمل تحية . |
الغالي ابو محمد دائماً تتحفنا بكل جميل لاعدمناك اخوك |
جزاك الله خير أخوي بسام على طرحك الرائع ومواضيعك المميزة .. وأحب أضيف على كلامك الموجه لأخونا الغالي سعد ( انا عندي هالسلة هو صحيح إنك تفك الموتر من غثا الحطب وما إليه ، لكن استبنت الباترول الآن عندي عليها خطين متقاطعين سود !! والسبب إنك إذا طويت السلة يكون وجه السله يحك في غطا الإستبنة ) |
اقتباس:
يا هلا بك يالغالي وحياك الله ومشكور جدا على التوضيح لاخوانك موفق بإذن الله ... لك مني أجمل تحية . |
اقتباس:
اخوي الغالي بارك الله فيك وياهلا بك وانتم الاساتذه شـكــ وبارك الله فيك ـــرا لك ... لك مني أجمل تحية . |
ذوق يا راعي الذوق شغل عدل وتسلم على الشرح والتوضيح بس بصراحه قاعدة الاريل ابداع
|
اقتباس:
بارك الله فيك يالامير وجزاك الله خير للمشاركه شـكــ وبارك الله فيك ـــرا لك ... لك مني أجمل تحية . |
السلام عليكم ورحمه الله وبركاته
وبعد التحيه الطيبه لكم جميعا ما اقول الا ماشاء الله تبارك الرحمن (( استفسار بسيط طال عمرك)) انا من الرياض ومعي باتروال 2007 اس وودي اروح للقصيم عشان اسوي نفس السله بصراحه شغل طيب فـــ ودي لاهنت انك توصفني الورشه ولك مني جزيل الشكر...... http://up109.arabsh.com/s/5e32nv3bft.jpg |
اقتباس:
يا هلا بك يالغالي وتراي ارسلت العنوان على البريد الخاص شـكــ وبارك الله فيك ـــرا لك ... لك مني أجمل تحية . |
لااااااااااااهنت ياBASSAM
والصراحه انا اتعبناك معنا الف شكر لك http://up109.arabsh.com/s/3ov9vkjivp.jpg |
اقتباس:
حاضرين للطيبين يالغالي موفق بإذن الله ... لك مني أجمل تحية . |
وعليكم السلام ورحمة الله وبركاته
شغل عدل يابو محمد وتسلم على الشرح والتوضيح |
اقتباس:
عمدتنا الغالي حياك ربي وبياك جزاك الله خير ,, وشغل القصيم كله خير على خير شـكــ وبارك الله فيك ـــرا لك ... لك مني أجمل تحية . |
ابو محمد شاكر لك هذه المشاركة الرائعة
الله يبارك لك ودي ترسل لي وصف الورشة الله يعطيك العافية |
اقتباس:
حياك ربي يالغالي وعنوان الرورشه ارسلته لك على الخاص وتقبل احترامي موفق بإذن الله ... لك مني أجمل تحية . |
ابو محمد
السلام عليكم ورحمة الله وبركاته... قلدتك بعد الباثفندر اشتريت فتك 2008 واستفدت من مواضيع ومن بينها هذا الموضوع ، ممكن تخدمني هل البوية اللي دهنت بها السلة من نوع بوية السيارة ، وأرجو أن ترسل لي رقم الورشة اللي صلحت عندها السلة . بارك الله فيك . أخوك / ابراهيم ابو عبدالله |
اقتباس:
يا هلا بك يالغالي وزين ما سويت وبتشوف الفرق ان شاء الله بين الباث والباترول نعم استخدمت نفس لون بويه السياره (بس ما ادري هي نفس النوعيه او لا) وعنوان الورشه بأرسله بالخاص موفق بإذن الله ... لك مني أجمل تحية . |
الله يحييك أخوي ابو محمد الحمد لله على أني ما شريت إلا الباترول لأنه يفرق بكثير عن جميع السيارات . أنا قصدي بلون بوية السيارة هل هو على رقم اللون اللي جاي مع السيارة وألا بوية من عندهم لونها أبيض وبس . وترى رسالة الخاص وصلت ، وصلني الله وإياك بفضله ومنه. الله يوفقك ويستر علينا وعليك |
هلا بالغالي صحيح اللون يجيبونه على رقم اللون حق السياره وليس اي لون ابيض موفق بإذن الله ... لك مني أجمل تحية . |
شـكــ وبارك الله فيك ـــرا لك
|
اقتباس:
ياهلا بك يالغالي وجزاك الله خير |
ابو محمد .. مساك الله بالخير .
الله لايهينك ولا عليك امر , ابي عنوان ورقم الورشة بالرس اللي ركبو لك هالسلة المزيونه وبأسرع وقت لاهنت ... وانتظرك على الخاص يا بعدهم بأسرررررررررع وقت . والله يطعمك خيره ويكفيك شره ,,, |
اقتباس:
يا هلا بك يالغالي تراي ارسلت لك العنوان على الخاص وربي يوفقك |
شغل تمام وإذا ماعليك أمر نبي اسم الورشة والعنوان الله لايهينك |
اقتباس:
يا هلا بك ارسلت لك على الخاص العنوان والتلفون موفق بإذن الله ... لك مني أجمل تحية . |
اقتباس:
وصل العنوان وركبنا السلة وعلى الله التوفيق |
اقتباس:
الله يبارك لك فيها موفق يالغالي |
اخوي بسام.. بيض الله وجهك على هالتقرير الوافي الكافي.. والله يبيض وجهك..
ياليت ترسل لي العنوان والاسم والتكلفة... لاهنت يالغالي.. |
| الساعة الآن 01:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir