|
في وقتها العبرات تخنقني إخناق**وأداري الدمعه وأخاف الفشيله ...... ثامرالماضي
هذي قصيده سندتها على أخي وزميلي أبوسعد .. ونعم من سندت عليه والله يوجد صور مرفقه أتمنى أن تحوز على إستحسانكم للبر حب وللمقانيص عِشاق=وللطير نقشـ(ن) صعب شيـ(ن) يزيله وإليا نظرت الجو ثم لاح برّاق=وسمّت علينا خير هاك المخيلة والارض من بعد المطر عشبها ساق=وقام يتخالط نبتها بالمسيله يطري علي المقناص في وقت الاشراق=يوم إن كلـ(ن) طيره خليله في وقتها العبرات تخنقني إخناق=وأداري الدمعه وأخاف الفشيله يطري علي غشام ثم موت براق=وموتت غنيم ودمّها في شليله وعبّاث أعلن من بعد حبه فراق=لكني أبقى بالصحيح أرتجي له كنّي بحلمـ(ن) والفكر مابعد فاق=والله يستر من ليالـ(ن) دخيله همـ(ن) عنيد(ن) وأصبح الهم حرّاق=ومن عادتي كل الهموم أرتكي له يابوسعد شفت الكِدر والصدر ضاق=ومن غيرك اللي بالقصيد أشتكي له وسلامتكم هذا غشام بآخر سنه له عام 24 ولم أجد له صوره عندما توّفي وهذا براق قبل وفاته عام 28 وهذي براق عند وفاته هذا غنيم قبل وفاته بيوم عام 30 وتوه صايد حباراه وهذا غنيم بعد وفاة وهذا عبّاث غدا علينا الله يعقله عام 29 وما أقول إلا الله يستر علينا وعليكم وعلى طيورنا جميع ومع السلام عليكم |
صح لسانك يابو شعلان
إلى الله المشتكى ، فهو من يعوضك بخير منها جميعاً. بارك الله فيك. |
صح لسانك واعتلى شانك ولاهنت
وأبيات تبين حرقة صقار على طيور غدت عنه معوض خير يابوشعلان |
معوض خير يالامير
واذا سلم العود الحال تعود باذن الله صح كلك |
صح لسانك يابو شعلان الموضوع بأكمله بكفة وهذه الصورة بكفّة حي هالبلاغة حيث لم يسبقك أحد عليها آآآآآآآآآآآآآآآلمتني بقوّة هذه الصورة وعسى الله يعوّض عليك |
اقتباس:
هلا وغلا يابو أحمد صح بدنك .. نعم وهو الملجا سبحانه ... لاهنت وأسعدني مرورك ,,,,,,,,,,,,,,, تحياتي,,,,,,,,,,,,,,, |
اقتباس:
هلا أبوخالد صح بدنك يابعدي بارك الله فيك وبيض الله وجهك ولاهنت ,,,,,,,,,,,,,,, تحياتي ,,,,,,,,,,,,,,,, |
صح لسانك ابو شعلان ابيات معبرة ومعوض خير بارك الله فيك |
صح لسانك يا ابو شعلان والبر من تعلق به صعب يسلاه وعسى الله يخلف عليك طيورك بخير منها والحقيقة الصور محزنه والفراق صعب لكن هذه حال الدنيا ومخلوف خير بإذن الله
|
إني أعزيك لا انـي على طمـعٍ ======================== من الخلود ولكن سنـة الديـن فما المعـزي بباقٍ بعد صاحبـه ======================= ولا المعزى وإن عاشا إلى حين ،،،،،،،،،،،،،،،،،،،،،،،،،، الله يخلف عليك بأفضل من ماإفتقدته أما بالنسبة للقصيده فليس مثلي من يقيّمها سلمت يمينك ،، أيها الشهم الكريم خصاله محبكـــ / أبو فهد |
يابوشعلان
صح لسانك وماتجيب إلا الطيب والله مالومك لو دموعك ذواريف .. زعلان من فعل الزمان الزعولي :( معوض خير يالغالي محبكـ عبدالله |
صح لسانك يابو شعلان
ومعوض خير ان شاء الله بس لدي سؤال لو سمحتلي وانت مخير بالأجابه ويش سبب وفاتها هل من مرض او غيره بذات هذه الصوره http://www.alrahlat.com/uploads/201...1313490831.jpg كأنه طايح من فوق الوكر الله يعطيك العافيه |
اقتباس:
هلا أبومحمد صادق جعل يسلم راسك لاهنت على مرورك يابعدي ,,,,,,,,,,,,,,,,,, تحياتي ,,,,,,,,,,,,,,,,,, |
اقتباس:
هلا ومرحبا يابو عبدالعزيز هالصوره تهون عند أول مامات .. ماتنحط .. أخاف على مشاعركم وإلا علوم :o لاهنت يابعدي وبيض الله وجهك ,,,,,,,,,,,,,,,,, تحياتي ,,,,,,,,,,,,,,,,,,, |
كنت أول من شاهد الموضوع ولاكني لم أرد ): موقف وصور مؤثرة والله يلوم اللي يلومك طيور فاعلة الله يعوضك عنها خير |
| الساعة الآن 05:34 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir