|
مشكلة في الباترول حيرتني؟؟؟؟؟؟؟؟
السلام عليكم ورحمة الله وبركاته
عندي مشكلة في الجيب الباترول طفشتني منه وهي جيبي موديل 98سفاري فل كامل تجيه أحيانا حالة غريبة مع بداية الصيف لاحظت فيه ضغف في عزمه حيث أن عزمه تردى بشكل ملحوظ ولايقبل الزيادة مع دعس دواسة البنزين . مع أنه كان في السابق الـ 150كم والـ160كم ماتعوق معه وغيرت بواجي وفلتر هواء ولا فيه فايدة . فارجوا من الأخوان الكرام وخاصة مشرفنا الغالي اللي يعرف السر في هذه المشكلة أن يدلنا عليها وله ألف شكر وقد ضاق صدري عندما قال لي أحد الزملاء إن هذه المشكلة مالها حل وهي في كل الجيوب الباترول النيسان وقال إنها تزين في البراد وفقكم الله لكل خير ,,,, |
بسم الله الرحمن الرحيم
أخي الكريم كان عندي سوبر سفاري نفس الموديل ونفس المشكله .... عانيت الأمرين معه عندما ذهيت به إلى أبها وظهرت مشكلة العزم المترادي بشكل ملحوظ أخذته إلى الوكالة هناك على أمل إيجاد حل وكدت أجزم بأن المشكلة من الكلتش ( السيارة أوتوماتيك ) ولكن بعد الفحص على جهازهم ذكر لي مدير الورشه أن الكلتش سليم !!!! وعدت بخفي حنين |
وعليكم السلام ورحمة الله وبركاته
اخوي ابو جبل حاول تغير فلتر البنزين قيمتة بحوالي 20 ريال فقط وجرب تحياتي ولد ناصر |
العزم عادة يكون من البخاخات وفلتر البنزين وانا واجهت مشكلة مشابهه في السوبر بان والحمدلله الحين ممتازة بس فيها رجة خفيفة ما تأثر
وصار مشكلة ضعف العزم عندي في سيارة اللانكروزر وغيرت البواجي وطلعت المشكلة من اسلاك البواجي ودبة الشكمان غيرتها وركبت ماصورة والحمدلله راحت المشكلة بس انصحك انك تبدا بالارخص فالاغلى مثل البواجي واسلاكها وفلتر البنزين لكن انصحك تمر أكثر من ورشة لأن حتى الوكالة احيانا ما يشخصون الحالة صح لأن كان عندي رجة مو طبيعية وكانت الدودة سويت لها اصلاح وخفت لكن كل الرجة رجعت وكل ما وديتها ما عرفو وش الحل وسألت عن المساعدات وقالو سليمة حتى الوكالة دفعت لهم فحص 100 ريال او 150 وعطوني ورقة السيارة سليمة طلعت المشكلة من المساعدات كان اليمين منتهي مرة واليسار فيه شوي قوة مر الصناعية القديمة ومر لك أكثر من ورشة |
السلام عليكم
قم بتغيير (( كتاوت )) طرنبــة البنزين ...... الموقع / يسار الكلتش ... فك الديكور اللي عند رجلك اليسار . يعني أسفل الرفرف . والسلام ختام . |
اقتباس:
جرب الموتر والشكمان مفكوك --بعدالقزوز مباشره-- وتعرف المشكله هي من الشكمان اولا واعتقد ان المشكله في الدبات او الماسوره الوكاله مفلسه فنيا |
حياك الله يالغالي
انا ما قريت ردود الاعضاء وهل هم حصلو المشكلة او لا لكن ابقول لك اللي حصل معي وهو تقريبا نفس مشكلة سيارتك انا معي موديل 99 نيسان ابيك تغير الخرطوش اللي بين فلتر الهواء وبخاخ البنزين وترى فيه تجاري بـ 130 ريال والاصلي 380 ريال او 480 نسيت المهم انا غيرته لانه كان يدخل الهواء على البخاخ بدون ما يمر على المنظم كان الخرطوش ناشف من الحرارة ومنكسر قبل ما تغيره شيك عليه شف اذا كان مفتوح او لا ، يعني تأكد انه خربان قبل موتري كان ما يمشي الا 120 ويوم غيرته رجع موتري طبيعي حفظك الله |
الغالي ابو جبل ...
مشكلة قل عزم الباترول البخاخ 4500 من الطرمبه الانها تبدا تقل الدفع ويقل عزم الموتر ... والحل هو فيه طرمبا حقت فورد صناعه المانيه سعرها 150الى 180 ريال انا مجربها ولا كن لزم تشيك على البواجي واسلاك البواجي وفلتر الهوا والبنزين عشان تكتمل الدوره والقوه حقت المكينه ... واذا تبي حلول لزيادت العزم وتخفيف الصرف البنزين عليك بمراوح الكهرب والفرارات مفيده للباترول .... |
:)
ابو جبل والاخوة الكرام.. بداية أشكركم يا كرام على الايضاح و تقديم مالديكم من آراء للإستفادة ، وحقيقة ان نظرنا الى ما ورد فيها فنجد ان هناك امور كثيرة يجب ان تفحص كل فترة وتستبدل بحالة ردائه عملها.. سؤالي :::: هل جرب احد منكم المراوح الكهربائية..؟ مكينة موتري 4500 بخاخ (معدلة) ولاحظت هالشيء ومن تجربتي "والله اعلم" السبب احد امرين.. - المروحة الميكانيكية للسيارة. - طرمبة البنزين. وبصراحة استبدلت الاثنين.. - تركيب مروحة جراند شيروكي (او) مروحتين سوبارو. - تركيب طرمبة وقود بنزين امريكية مكلفة لكن لها الآن 3 سنوات. ولله الحمد بدون مشاكل صيفا اوشتاء. هذا ما لدي والله اعلم.. أخوكم.. أبو فهد |
الغالي أبو جبل
أولاً ::: قم بعمل فحص كمبيوتر للتأكد هل المشكلة من الكهرباء أم هي ميكانيكية . ثانياً ::: أفيه واحد من الزملاء معه 2006 ربع باترول مكينته 4500 لا جاء الصف تفتف وتردى عزمه وراح لميكانيكي وقال الحساس حق منظم الهواء من حرارة الموتر يفوت فما يقرأ صحيح للكمبيوتر وتراها عادي جداً والدليل إذا جاء الشتاء وش حليل الباترول وسلامتكم |
عندي لك الحل نضف ثلاجت اللي بالمكينه الباترول وغير حساس القربه حقت فلتر الهوا وانشالله يضبط معك
|
السلام عليكم
اللي حصل معي مثل ماحصل معك تما ماً مرتين والسبب اني اخلي البنزين الين تولع اللمبه حقت التانكي . الين خربت و ضعفت طرمبة البنزين تحتمي بشكل لا يصدق المهم اني غيرتها وحطيت حقت فتك 4800مديل 2004 والحمد لله زان عزم الموتر احسن من اول وكلفتني 380ريال والتركيب 150ريال . ويمدحون الشباب طرمية vxr 8سلندر ممتازه جداً واعتقد فيه نوع اسمه ادفانس مايتعدى سعره 250ريال . هذا اللي عندي والسلام ابو ناصر رعي كيف |
| الساعة الآن 12:43 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir