|
يا حمامه لا يصاليك السموم 0000000 لا تظنينه مطر هذا عسام
يا حمامه لا يصاليك السموم=لا تظنينه مطر هذا عسام واصرفي قوقاك عن صوتن يلوم=استمع لحداك قلب المستهام جيت طلحه قفرها دون الحزوم=في شعيبن هملت فيه الرهام مبرضات فروعها ملفا القروم=ظلها الواسع مثل سود الغمام في هضابن كاثره فيها الرجوم=من تعلا في حصاها ما يلام عندها قلته عثت فيها الوسوم=سيل مزنن تمكث ايامن ركام اشهد ان النفس ما عنها تزوم=عزلتن غنا بها جوز الحمام طارت ام غرير بالحاجر تحوم=والحصى النابي عليه الطير حام ساحتن تبعد هواجيس الهموم=حتى لو يعوي بها ذيب الظلام نبتها النوار والقار معدوم=تنبهر من ضلعها وقت الجهام ما ترا فيها سوا لمع النجوم=والبدر نصف الشهر غادي تمام صاح فيها هجرسن مع صوت بوم=واستلج الذيب من بين الثمام بالدعايب هايماتن والردوم=سارحاتن مع زواحيف الهوام موقدن ناري خلاوي دون نوم=مستلذن عند كيفي يا سلام عندي الرسلان باسفلها الرقوم=في حشاها الهيل له فيها التطام في فراغ الوقت ما عندي لزوم=لا ارتباط ولا وعود ولا دوام العشا وبران ما عندي بحوم=واحدن يكفي مع الخبزه ويدام والغدا صايد خرينق به شحوم=من طوارف حرتن فروه سحام ساهرن بالبيدا قصادن جزوم=واسلا بالقرقوف عن كتم الزحام احلا من ملاد مداح الرخوم=مستلجن لا فتاة ولا غلام ضاحكن وجهه وقلبه ريح ثوم=اسود النيه مع صفوف اللئام لبتدا المذن ينادي ما يقوم=الصلاة اثقل من النير وسنام رفرف الخفاش ما عز الخشوم=يروي البهتان محزوز اللثام ناقل الفيوم قطاع اللحوم=تايهن بالدار لو كانت هدام يحسب انه مع مواليه معصوم=والحقيقه في ضلالات الهيام منكرين الحق لاوين الزقوم=غارقينن في زخاريف الحطام يالله المخراج من علمن جثوم=صارت الدنيا عجاريف وكتام دوبحت فيها تعاريف السلوم=ما يدوم الحال لله الدوام يوسف الخليفة ( أبو عبد الله ) |
الغالي ابو عبدالله صح لسانك والف مليون مرحبا فيك في منتداك وكل الشكر لكل على هذه الجزاله لاعدمناك |
[quote=يوسف الخليفة;118983]
احلا من ملاد مداح الرخوم=مستلجن لا فتاة ولا غلام ضاحكن وجهه وقلبه ريح ثوم=اسود النيه مع صفوف اللئام لبتدا المذن ينادي ما يقوم=الصلاة اثقل من النير وسنام رفرف الخفاش ما عز الخشوم=يروي البهتان محزوز اللثام ناقل الفيوم قطاع اللحوم=تايهن بالدار لو كانت هدام يحسب انه مع مواليه معصوم=والحقيقه في ضلالات الهيام منكرين الحق لاوين الزقوم=غارقينن في زخاريف الحطام يالله المخراج من علمن جثوم=صارت الدنيا عجاريف وكتام دوبحت فيها تعاريف السلوم=ما يدوم الحال لله الدوام يعطيك العافية على هذي الرائعة التي تلامس الواقع بكل صدق وجراءة وأنا لست شاعر ولكني من متذوقي الشعر وحبذا تشرح لي معنى الفيوم هل قصدك البصل ؟ فعلا جلوسك في البر يمنحك النظر من زاوية مختلفة للحياة و الدنيا وبها تحس أن المدينة و المدنية (عجاريف وكتام ) وتقبل تحياتي |
صح لسانك يابو عبدالله
أجدت في هذه القصيدة الجميلة المليئة بالجمال بارك الله فيك. |
وعليكم السلام ورحمة الله وبركاته أبوعبدالله اخذتنا معك بهذه القصيدة الرائعة :) صح لسانك لاتحرمنا من جديدك يالغالي خالص الود والتقدير والمحبة أخوكـــــ عبدالله |
اقتباس:
الأخ الفاضل عبد الكريم اليوسف صح بدنك وبارك الله فيك وتقديري والشكر الجزيل |
[quote=خيال النعام;119047]
اقتباس:
حياك الله أخي العزيز خيال النعام وبارك فيك والفيوم الكذب أي أنه ينقل الكذب ويقطع لحوم الناس بالغيبة أجارنا الله وإياكم منه وتقديري واحترامي أخي الفاضل والشكر الجزيل |
اقتباس:
أخي الفاضل محمد المعارك صح بدنك وبارك الله فيك والشكر الجزيل |
اقتباس:
صح بدنك أخي العزيز عبد الله وتقديري واحترامي وحياك ربي |
الله يجزاك خير --تسلم
|
صح لسانك لكن بودي القصيده كامله (دخلت متحمس وبعدين مالقيت شي) |
اقتباس:
حياك الله أخي العزيز فتى الرابية وسلمت وغنمت |
اقتباس:
الأخ الفاضل هاوي قنص صح بدنك والقصيدة مكتوبة فما الأمر أخي العزيز وحياك ربي |
أبو عبدالله صح لسانك يالأخو |
| الساعة الآن 04:17 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir