شاش لحن التلاحم وابن وائل تغنا =جر قوس المعاني و القصائد ربابه

كان /أبويه/ يسولف لعبة الحرب فنا=الحداء بالمعارك روحها ينتشآبه

إيـــه يامحمد النايف حضرنا*لِي أنا = نحتضرها مواقف قبل ماهي كتابه

بارك الله بغرس(ن) حاكم(ن) في وطنا=مثمر ظل وافر كل عاقل رضابه

قبح الله منهو بالخيانه شبنا = وانت كفــك كريمه من قلط ياهــلا به

استباح رمضانه بالغدر لك تعنا = محتزم به خوارج لثمنه ثيابه

برمجوه* بحسدهم كل فكره تدنا = صار أعمى بصيره جاهل(ن) ينغدابه

اللئيم أن كرمته نخر سوسه أمصنا= والكريم ان كرمته ينعسف لك جنابه

إيه ياتاج راسي* لا * تَحسنـون ظنا = سيدي لاعدمتك بالملامح تشابه

ياسلامي سلامي عد مانساق بنا= وعد ماجاء سوال (ن) يرتجي له إجابه

ياسلامي سلامي عد أنس وجنا = وعد ماب الجزيره من حصى مع ترابه

والسلام يــتــســنـــد ملزمــه مايـتـثـنـا= صوب من هو سعودي فيه عرف ولبابه

منهله من شريعه مايصيد المخنا=والخبايا كشفها قبل تدخل حسابه