|
اخر رحلات الموسم الماضي (خريم)
بسم الله الرحمن الرحيم في اواخر الشتاء الماضي قررنا ان نمدي اعمارنا ونزور روضة خريم من كثر ماسمعنا عنها وشفنا الصور قبل مايصفر الربيع وفعلا تجهزنا للرحلة ومشينا يوم الاربعاء العصر من عنيزة على طريق الرياض السريع مالكم بالطواله مشينا لين وصلنا رماح وبعد ماتعديناها بحوالي 7 كيلو فرقنا يسار في منطقه يقاله غيلانه كاني مانسيت موقع ممتاز رمل ومربع ربيع حلو طبعاً وصلنا بليل وهذي بعض الصور ابو جراح بلا...... نغزات الزمزميات هذي عشاننا تونا واصلين وشف البرقان على النار:D وهذا ابو صالح باشر بأعداد الكبسه http://www.alrahlat.com/vb/uploaded/69_1180967271.jpg اصبحنا واصبح الملك لله وهنا روضة خريم مازالة مربعة اشوى:D http://www.alrahlat.com/vb/uploaded/69_1180968576.jpg وهذا ابو عبدالرحمن يجمع البابونج http://www.alrahlat.com/vb/uploaded/69_1180968674.jpg وهاهم الشباب يتذوقونه شوف الربيع لوين واصل ماشاالله والنفود من الخلف http://www.alrahlat.com/vb/uploaded/69_1180968973.jpg مشاالله انواع الازهار البريه الريحه ترد الروح بعد ما امساء علينا الليل رغب اغلب الشباب في المبيت في النفود لعدة اسباب اصبحنا واصبح الملك لله وهذه نظرة لنهاية الرمال وبداية الروضة وهنا الشباب يتفرجون على المنظر الخلاب وتوكلنا على الله رجعنا لاهلنا بعد رحلة موفقه ولله الحمد ربنا يعيدها علينا وعليكم وعذراً على تأخير نزول الموضوع لظروف خاصه:D والسلام عليكم ورحمة الله وبركاتة |
ابو صقر شكرا على هذا التقرير المصور عن رحلتكم اسعدكم الله دائما وابدا
|
هلاااااااااااااا
ابو صقر وشلوووونك منهو اللي معكم أبو منشفه صفراء....!!!! ههههههههههههههههههههههههاي بارق أمل |
ابو صقر ما شاء الله عليك رحلة يبدو انها كانت رائعة وخير ختام لموسم الربيع
بس وشلون صدتو هاللي بالصورة الله يجيبه لحدا هالكشتات http://www.alrahlat.com/vb/uploaded/69_1180970452.jpg ورا ما طلع معكم ابو نواف او خاف تنفضح عزبته ام ريالين |
الله يابوصقر ،،، رحلة جميلة وموفقة اخي الكريم
مشكور على اتحافنا بها وباللقطات المعبرة الرائعة لاتحرمنا من جديدك يالطيب تحياتي |
بسم الله الرحمن الرحيم الغالي كــــان واسعدك ربي ان شاالله شكرا على مرورك ياخوي بارقة امل اولاً ارحب فيك في منتداك ويارب تفيد وتستفيد ولا تخلينا من مشاركاتك ثانياً انا بنعمه ولله الحمد ثالثاً هذا اللاعب الخفي:D اسعدني مرورك عمدتنا الغالي ابو فراس كانت رائعه ولله الحمد ولا نقصها الا تواجدك والوجيه الطيبه وختام طيب الحمد لله هذا جابه الله صيده يابو فراس ههههههههههههههههههههههههه هههههههههههههههههه ام ريالين عاد يابو فراس الملقاط حق العزبه لحاله استاذنا ابو اشرف شرفني مرورك الله يجزاك خير يارب يكون عندنا جديد يستاهل وابشربه يابو اشرف شكـــــــــــــراً |
مشكور اخي ابو صقر
خريم السنة هذي كانت أغزر الفياض بالربيع . بارك الله فيك. |
اخوي الغالي ابو صقر صور ابداعية ورحلة جميلة تنقلنا معك فيها لاعدمناك يالامير اخوك |
بسم الله الرحمن الرحيم هلا ابواحمد وانت صادق احنا مارحنا الامتأخرين بس كان الربيع شي امير الذوق الله يجبر بخاطرك ويوسع صدرك بالعافية شكرا يالغالي |
بسم الله الرحمن الرحيم ماشاءالله عليك يابوصقر ... إيه شوي شوي .. ويظهر اللي عندك كله إنشاءالله ... ههههههه رحله رائعة ... والصور حلوه بالحيل ... ولاتقطعنا من هالمواضيع ترانا مبطين عنهن ... مشكور وماقصرت ... وبيض الله وجهك .... وننتظر المزيد ... قديم أو جديد ... ,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,, |
الغالي أبو صقر مشكور
سرد جميل وتصوير رائع الله يجزاك خير أخوك أبو عبدالله |
آه ما زين ذيك الأيام ..
ذكرتنا أخوي أبو صقر .. لك كل الشكر. |
هههههههههههههههههه ام ريالين عاد يابو فراس الملقاط حق العزبه لحاله ابو صقر منب صادق انا ؟ |
بسم الله الرحمن الرحيم الغالي ابو شعلان الله يبارك فيك ويجزاك خير نفظنا الخرج كله ماعد بقي شي:D اسعدني مرورك اخوي ابوعبدالله مشكور على كلماتك الطيبه والمشجعه هلا والله بخوي الليل الله يبيض وجهك شكــــــراً العمدة الله يجزاك خير لاتدخلنا في متهاهات:D كلاً بعزبته راضي مشكور يابو فراس . |
صور روعة وجمعة مباركه
يابو صقر ترى صور الربيع لو لها مية سنه لها طعم غير .. واذا عندك زود عطناه ماقصرت الله يجزاك خير |
| الساعة الآن 08:10 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir