|
الرطب ،،، يخفف لواهيب الصيف نفسياً
السلام عليكم ورحمة الله وبركاته كل صيف وأنتم بخير هالسنه جانا الصيف ( بعياله ) ،،، ومن بدري أخذ حقه وافي بس يوم بدأنا نشوف الرطب ،،، بدأت نفسياتنا في التحسن قليلاً هالرطيبات ( ماشاء الله ) من النخل الموجود بالبيت ( ولله الحمد ) وينك ياراعي الكيف ،،،، ووين الدله المبهره بالهيل والله مدري وش اللي صاير بكاميرتي ؟؟؟ أعتذر عن عدم وضوح الصور بس أوعدكم ،،، بكره لكم صور للرطب وهو بالنخل ( قبل الجَنِيْ وبعده ) إن شاء الله اطيب تحية للجميع |
مشاء الله تبارك الرحمن على هالرطيبات و الله يبارلك بماعطاك .عزالله أن الحراره هاليومين تطبخ بدون نار ...:smailes26:
هذي يابوفهد يبيله دلة قهوه على جميرات وزغفران أبوفراس ( اللي من علبة الزجاج الصغيره اللي غطاه متحكك ;)) ... |
وعليكم السلام ورحمة الله وبركاته ماشاء الله تبارك الله بالهناء والعافية الله يطرح فيها البركة |
الأرض الطيبة ماتنبت إلا الطيب
وأنا اشهد إنك للطيب ساس تسلم يالغالي وعوافي يارب ماشاء الله صدق تثلج الصدر لا خلا ولا عدم ابوخالد |
أبوفهد الله يبارك لك ولا تنس نصيبنا نبغاه سفري مع أول قطار
دمت سالما يا أبوفهد |
يا سلام عليك يا ابو فهد الحقيقة صوره جات بوقتها واما الصيف هالسنه غير ياهو حر بس بهالصوره بردت علينا الله يبرد عليك بالجنة.
|
ايييييه يا الروثان
تسلم يا ابوفهد ومشتاقين للخراف والكمره يا ابوفهد ما فيها إلا العافيه لكن مثل هالصوره تبي وضعيه الماكرو وتركيز للفوكس |
وعليكم السلام ورحمة الله وبركاته
ماشاء الله تبارك الله وش الزين يابوفهد مخمخت مع الصور وعلكيم بالعافية .. والله يطرح فيه البركة الله يقرب المسافات محبكـ عبدالله |
السلام عليكم ورحمة الله وبركاته
جت بوقتها والله هالرطب مع غضارة لبن بارد ......هايسه هالحر يطبخ الرجاجيل خل الرطب هل هي روثانه الله يطعمك خيرها ويكفيك شرها ماشاء الله تبارك الله بالعافيه لا هنت |
الغالين : خالـ شايب الصمان ـد السحيمي / صدقت ... الله يجمعنا فيكم عل خير حرمل / يعافيك ربي ... الله يسمع منك نوماس سدير / ماعليك زود يالغالي ... بارك الله فيك قلم رصاص / أبو محمد ،، إن كان فيها مراسيل ،، ترآنا الكاسبين .. نرسل ربيعه روثانه .. وننتظر السكريه ،،، والفاخر بعد .. بس وينك يالقطار ؟؟ :1aa: :1aa: محمد العبدالسلام/ هلا بالغالي صدقت .. هالسنه الحر شيء عجيب .. الله يجعل الجنه مثوانا جميع أبوعبدالعزيز / هذي الربيعه ( أخت الروثانه بالرضاع ) وأخوك غشيم بالتصوير ... والكاميرا مشي حالك Abdullah K. AL-Hassan/ هلا بالغالي .. الله يبارك فيك ،،، ويسمع منك .. (( ياشين بعد المسفات )) محمد بن سيف / غضارة ( طاسة ) لبن ,,, عرفتها .. بس هايسه .. يبيلها شرح :eek: :eek: الرطب هو الربيعه ... وهو أول الرطب عندنا .. مسيكينه ماتتحمل الحر ( تستوي بدري ) أما الروثانه تجي تالي ،،، شاكر لكم مروركم الجميل ،،، |
وعليكم السلام ورحمة الله وبركاته
حبيبنا ابو فهد يبلنا صطل من المنصف لا تنسى يا جعله بلعافيه:smailes81: تحياتي |
الله يبشرك بالجنة يابو فهد الحربي
وصدقت انه يخفف لواهيب الصيف الله يعين اذا جاء موسم صيد الدخل ! لاهنت. |
اقتباس:
السطل طال عمرك شفه بالصورة رقم 4 والسلّم الخشب يناديك يابو عبدالله :smailes79: :smailes79: |
اقتباس:
آمين ،،، يبشرنا وإياك يالغالي مرورك عطر متصفحي لاعدمناك |
مشكور اخي عبدالحميد
تقرير جميل ورائع وبارك الله فيك. |
| الساعة الآن 01:53 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir