|
أسرع وأرخص وعلى حد علمي أفضل رشة ع الإطلاق ( وفي بيتك تصنعها وترشها ) هدية نوماس سدير لكم
مسيتم بالخير جميعا
عن تجربة رحنا للأردن وكان اول طريق القصيم سافي وبعد حائل سااااااااااافي لييييييييين قبل الأردن بشوي وانتم ادرى بالطريق وسافيه الشاهد خويي حاط شمع لونه ثلجي شفاف وشكله رااااايق ع السيارة سالته وشو ذا ؟ قال جبت سكر وخلطته بماء وخليته ثقيل شوي وحطيته برشاش ماء ورشيته ع الموتر وبس قلت يا بلاش رخيص بس تقل نعمه ولالا .؟ قال والله ما افتي فيها بس واحد جربها بعد ما جاه رشاش من رشة تباع طعمها سكر بس مالكم بالطويله وصلنا للحدود وحنا متأكدين إن مابقى فيه اثر من قوة السافي ويوم شفناه ولا تغير ولا تأثر ابد ابد ابد عجيييييييب والله لكن يوم جاء مطر خفيف علينا لقينا الموتر ولا كأن فيه رش عليه يعني طارت الرشة بس ما قصرت والله كفت ووفت :Taj43: حاولت اسويها واصور بس ما فيه سفره إلى الآن اجرب ولا ودي اتأخر على اللي بيسافرون جربوها وربي فعاله معنا وارخص من الرخيص دمتم بود ابوخالد |
سلمت يا ابو خالد بس رأيي إنها مادام فيها نعمة من نعم الله ( السكر ) فتركها أفضل رأي شخصي ،،، لايتغير ،،، ولو تكلم فيها من تكلم سابقاً ،،، ومازلت ضد تلميع الكفرات ( بالتوت ) كما يفعل الكثير وهذا يأتي من ضمن السياق أبو خالد / أحترمك وأعتز بصداقتك مهما إختلفت الآراء نغزه : عندي حكي كثير .. بس يوم شفت توقيعك .. هونت |
شي ممتاز يا ابو خالد
واما بالنسبة انها نعمة فالبترول نعمة ايضا والمطاط نعمة كذلك هو لم ينثرها على الارض بدون سبب بل الماء وهو من اكبر النعم نستعمله لتنظيف السيارة |
اقتباس:
هلا والله ابوفهد فرق بين التوت اللي يحط ( للزينه ) أو اللي يحط السكر ( للحاجة ) صح .؟ لا ادري لكن لا ادري :D تسلم يالغالي وبالنسبة للتوقيع وش فيه :smailes26: رايك أغيره .؟ :rolleyes: تسلم يالغالي ولاهنت ابوخالد |
اقتباس:
هلابك ابوفراس يا سلام عليك رد مقنع وبالنسبة لي محتار بس كلامك يريح لني شفت قوته في صد السافي تخيل سافي خط القصيم حدود 100 كله سافي والنفود الكبير كان كله سافي تقريبا 300 كيلو والخط الشمالي اقواهن سافي حدود 150 كيلو ومع ذلك ولا اثر لأي تغير في الرشة والحماية كانت تقريبا 100% إن لم تكن كذلك والتجربة خير برهان انا اشوف الرشات الرمل وغيرها تروح مع السافي على طول وهذي معنا ولا احلى والله العالم هي نفسها اللي بعلبة ( رش وامش ) اللي علبتها بـ 60 ريال لاهنتم جميعا ابوخالد |
الف شكر اخوي نوماس سدير
لاهنت. |
العفو وياهلابك ياراعي الشاص
ابوخالد |
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية . |
وعليكم السلام ورحمة الله وبركاته
هلابك ابودوخي تسلم يالغلا ولاهنت ابوخالد |
وعليكم السلام ورحمة الله وبركاته
دائماً لاتأتي إلا بكل جميل لكن عقب مامسكنا خط ابوحدرية اظن الموتر يبغاله وجه جديد :d كان خبرتنا يابوخالد قبل مانسافر كل الشكر والتقدير أخوكـ عبدالله |
السلام عليكم ورحمة الله وبركاته
أخي الفاضل أنا من الأردن ولم أفهم أي شيْ مما كتبته , يا ليتك تكتب باللغة العربية الفصحى لأتمكن من فهمك ولك جزيل الشكر |
يعطيك العافيه اخوي على الطريقه الرائعه
راح اخبر ابوي ههههههههه |
والله طريقة حلوووووووة تسلم اناملك على طرح الموضوع الاكثر من رائع |
اخي الغالي و الكريم / أبو خالد . . . السلام عليكم ورحمة الله و بركاته . . . نعم وسائل الحماية التي توضع على مقدمة السيارة أنواعها كثيره . . . لكن ، ماهو الأفضل منها التي تحافظ على بوية السياره من الزوال . . . و أما فكرة الماء و السكر فهي جديده و إحساسي يقول بأنها العلبة التي تباع في المحطات بقيمة 60 ريال على قولتك ، لأنها منتشره بكثره هذه المادة . . نشكر لك طرحك و نتمنى لك التوفيق . . . عاشق عيون الجواء . أبو تالا |
أخي نوماس السلام عليكم ورحمة الله موفق في الطرح وجزاك الله خير جزاء بنسبه للي يقولون نعمة (( معهم حق )) لاكن هل توجد بدائل لهذه النعمه ولتجنب الخلافات من جهتي أرا أن الصابون مثل التايد ونحوه ممكن ينفع بس ممكن مايثبة أخي نوماس ابدي رايك من الممكن أن نصل لحل :Taj43: تقبل مروري أخوك: الــقـداح |
| الساعة الآن 07:48 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir