|
طلعة الى ارض المدعى + كبيسة تحبها قلووبكمـ .. ^_^
بسم الله الرحمن الرحيم السلام عليكمـ ورحمة الله وبركاته .. وأسعد الله جميع أوقاتكم بكل خير ومسرة .. :smailes81: قبل فترة قريبة نسقت مع بعض الشقردية لطلعة خفافية الى المدعى ويكون فيها طبخ وتمدد وفلة حجاج والراحه من غثى الديرة وزحمتها .. :smailes79: وتم الانطلاق الى المكان المحدد بعد صلاة العشاء بنصف ساعة تقريبا .. ! واثناء الوصول وتنزيل الاغراض وترتيب المكان .. تم تزبيط القهوه والعلوم السنعة كالمعتاد .. :flex: ننتقل واياكم الى الصور التي اتمنى ان تحوز على رضاكم بعد رضى المولى عز وجل .. :cool: http://dc11.arabsh.com/i/02139/yprtkzufem5y.jpg ياحسين لاكني على الجمر مجضوع .. من فقد خلاني وفقدي ربوعي قم سو فنجالٍ ترى الراس مصدوع .. صفه وزله عن سريب الخموعي فنجال فيه مخموس الكيف مجموع .. بدلال يشدن الخباس الوقوعي ونجر دلاله ماو بالصوت مفجوع .. يا زين حسه والخلايق هجوعي وانجاك بالمجلس سنافي وبالوع .. عده على الطيب وكب البلوعي وايضا لابد من هالامور الي تجعل الرحلة أجمل وتجعل السكر أكثر ارتفاعا :smailes42: .. [:smailes12:] الشقردية والسوالف الفلاوية وانا طبعا كنت اسولف معهم لكن من وراء الكاميرا .. :smailes79: أبو الحوز واقفا .. وأبوخالد + أبوعمر بدوا يقطعون البصل الله يعطيهم الصحه والعافية .. :D محدثكم وتزبيط العشاء .. :1aa: بعد اغلاق الكاتم .. ماتبقى الا الانتظار .. [املأ اوقات الانتظار بكثرة الاستغفار .. :smailes81:] بعد الانتهاء ويظهر قوة البخار ماشاء الله تبارك الله .. :flex: اقلطوا حياكم الله .. واعذرونا على قل الكلافة .. :rolleyes: صورة أخرى .. ;) ثناء أبوخالد الله يعطيه الصحه والعافية على العشاء .. :flex: الدليل ولله الحمد على ثناء أبوخالد والشباب .. :smailes44: بعد الكبيسة والامور السنعه مايعدل الراس الا شاهي تلقيمة .. :thumbup: وبعد شرب الشاهي والرواقة يارب لك الحمد .. انطلقنا الى الديرة بعد ان قضينا وقتا ماتعا ولله الحمد والمنه .. ! كان معكم في التقرير أبوعمران - الريااااااااااااااااااض ذذ |
ماشاء الله عليكم وش هالزين .. يا ابو عمران شغل عدل .. ومرتب مبروك الفوز على الكبسة هههههه |
الغالي
ابو عمران السلام عليكم خوش طلعة مشاء الله و القدر جديد ماحاشته لهايب سمر او ارطى الجوع اقشر ليمن شفت الكبسة .......... لكن بين من الصحن انها جنان الله يصبرنا الين الوسم و تزين الطلعات بارك الله فيك واكثر من هذا الصنف و التصوير اخوك فهد |
وعليكم السلام ورحمة الله وبركاته تسلم يمينك ياابوعمران المدعى يشرح الصدر بالبراد خصوصا هالايام شكرا لك على التقرير الجميل |
المدعى وش هو ؟
الف شكر اخوي ابو عمران العزبة جديدة ، لكن آخر الموسم وش بتكون؟ الله يجزاك الجنة وسعت صدورنا بهالطلعة. |
أحبائي الكرام أشكركم على طلتكم الحلوة وتشريفكم لموضوعي المتواضع .. ^_^
|
الله يعطيك العافيه يا ابوعمران شكل الكبسه تجنو والمدعى يا راعي الشاص هو المكان اللي يدعون فيه الصقاقير طيورهم |
وش هالزين يابوعمران كبسه زينه واخوة نشاما الله يوفقكم ويبارك فيكم لكككككككككككككن انتبهو من وضع السفره في الصحن ترى لها مضار مهيب طيبه الله يحماكم وكل مسلم
|
^^
أخوي ابو الجازي .. شاكر لك طلتك الحلوة واجابتك لشيخنا راعي الشاص .. ^_^ أخوي جلمود الجبيري الف شكر على مرورك الطيب ونصيحتك الطيبه .. ^_^ |
وعليكم السلام ورحمة الله وبركاته
ماشاء الله تبارك الله وش هالزين والطلعات الحلوة يابوعمران الختات زينة خاصة الليلية هالايام تقرير ليلي ممتع محبكـ عبدالله |
وعليكم السلام ورحمة الله وبركاته
ما شاء الله تبارك الرحمن الله يسعد قلبك والشقردية اللي معك لاعدمناك |
رحلة موفقة وجميلة اخي ابو عمران وكما تفضل اخينا الكريم / جلمود الجبيري في ملاحظة المهمة من خطورة البلاستك وتفاعله مع الحرارة مما يسبب اضرار صحية نتمنى لكم الصحة والعافية والتوفيق شكراً لك |
| الساعة الآن 12:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir