|
ها أهل الدعامة !! ويا اهل التظليل !! مهم
بسم الله الرحمن الرحيم .. صبحكم/مساكم الله بالخير يا الربع .. الحقيقة هو تحذير للشباب الموجودين في المنتدى من أمر ما دريت عنه صراحة إلا أمس !! البارح في وقت متأخر من الليل .. قدر الله وصار حادث قدام بيتنا (الله يكفينا واياكم شر الحوادث) ، الشاهد إن أحد أطراف الحادث كان جيب اكسبلورر مركب دعامة (نيكل لتعديل الشكل) .. المراد لما جاءت سيارة (نجم) قال إن التامين ما يشملك !! :dunno: لييييييه ؟؟؟؟ :smailes26: :smailes26: :smailes26: قال انت مركب الدعامة وهذي من الاكسسوارات "لاعب في الموتر" وبالتالي ما يشملك التأمين !! الحقيقة إني أنصدمت !! :eek: وانصدمت أكثر لما قال لنا : إن التظليلة الأمامية "ولو كانت خفيفة" تكون عذر لشركة التأمين بعدم أحقية صاحب السيارة في استيفاء حقه من التأمين !! أحد الجيران لما كنا نسولف عن الحادث ، قال إن جمسه 2009 ومركب سلة خلفية لوقت السفر !! رجع على واحد والسلة (مطوية) ودقشة ,, جاء التأمين وقال إن السيارة ما يشملها التامين بحكم إن هذي من الاكسسوارات المعدلة والمزادة على السيارة !! اللي ابي أقوله لكم يا جماعة .. اللي مظلل ولا له حاجة بالتظليل .. يفكه فيما لو قدر الله حادث(الله لا يقوله) ولا تأمينه يشمله !! وراعي الدعامة مثل .. إذا كان مالها لزوم ففكتها أولى من قعدتها .. حبيت أبلغكم يا الربع بالامر ,, من باب النصح لأخوك المسلم .. وقبل ما (تبط) كبدك قهر من شركات التأمين يا جعلها للفلس !! :mad::mad: |
وعليكم السلام ورحمة الله وبركاته
والله انهم مالقوا احد ومن امن العقاب اساء الادب همهم الوحيد جمع المبالغ وياروح ما بعدك روح كل الشكر لك يالغالي اخوك |
اقتباس:
معك على نفس الخط جبت الحقيقه كامله يا ابو محمد برق: سلمت يالغالي على هذا التحذير وفقك الله ورعاك |
التظليله الأمامية مهمه لأنها تجمع الزجاج حال تكسره ولا يطير بوجه الركاب
والدعامة ايضا مهمه ولكني لست ممن يرغبون بها الله لا يهينك يالغلا ع التحذير |
لا حول ولا قوة الا بالله
عسى ما يقولون ان التأمين نلغي عليك بسبب انك لابس شماغ موهب غترة :cool: يدورون على اتفه سبب على اساس يروح التأمين طيب ليه مايعاين السيارة وهي عليها الدعامية وتسجل في التأمين ان فيها دعامية ويشملها |
اقتباس:
هذا الصحيح.. يوجد بند الاكسسوارات الاضافيه يضاف لبوليصة التأمين ويكون فيه زياده بالمبلغ شوي وترتاح وشخصيا أضفت كل الاكسسوارات . وأحرص على الشركه الرسميه القويه . |
مشكور على التنبيه اخوي برق وايضا الشكر موصول لاخوي ابوعبدالله على الاضافة |
اقتباس:
معلومة تشكر عليها ابوعبدالله سؤال .! هل التظليلة تعتبر من الإكسسوارات .؟ لأني لا استغني عن التظليلة الخفيفه جدا |
اقتباس:
التظليله لاتعتبر من الاكسسوارات . التظليله المصرح بها المرور لايرفضها التأمين .وبأمكانك تركيب التظليل الشفاف ( سعره غالي شوي ) ويعطيك نتيجة مفيده . |
الله لا يهينك يالغالي كفيت ووفيت واللي عندي مره شفافه ( زيرو زيرو )
تسلم وماقصرت |
زين ابو عبدالله والله انك ماقصرت
كنت اتوقع انه مافيه شيء خاص بالاكسسوارات ..... اجل المره الاخرى يبيلنا ننتبه لهالامر |
الله يجزاك خير يا ابو عبدالله على هذال معلومات المهمه بخصوص التأميين .. |
بارك الله فيك على التنبيه
|
| الساعة الآن 12:06 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir