|
مندي يعني مندي .. بالغصب .......... أبو شعلان .
بسم الله الرحمن الرحيم صبحّكم الله بالخير جميعاً ... هذي شهوة مندي الله يكفينا وإياكم الشر ... برميل + عصا عفريته + أسيام إحم إحم إحم + ذرّاية ــــــــــــــــــــــــــــــــــــــــــــــــــ في عطلة الحج اللي راح . ملينا من المقناص في يوم من الأيام ، ويوم جاء مسيّان قال واحد من الربع أنا مشتهي مندي ... :eek: طبعاً كلن قعد يضحك >>>> :D وش هالشهوه ... قال مدري بس مسكت ... عاد تعرفون كلن جايب معه لحم وحنا عقب عيد الله يديم هالنعمة ... معنا لحم واجد ... طيب منين نجيب برميل وباقي العده .. صوت واحد من الربع قال قبل خمسة كيلو شايفن برميل حليل ... أبرجع أجيبة ... وقال الثاني الحطب معي واجد ... واحد راح يدوّر أسيام ... المهم يسّر الله ودورنا محل مراحنا ذيك الليلة ... جانا راعي البرميل مركبة بالمرتبة اللي ورى ... يالله يالله نزلناه ... دفنا البرميل ... وووو..... تدرون خل نشوف الصور أحسن : هذا البرميل بعد مادفناه وشبينا الحطب فيه ... الله ينجينا وإياكم من النار ... وهذا أخونا حاتم وهو صاحب الفكره ويجهز اللحم للتبهير الله يثيبه ... هذا اللحم بعد التبهير ... بهارات حااااااره ... غادين تسننا في عزبة بنقاليين ... وهاللحين صار جاهز للتسقيط ...... تلاحظون عصا العفريته ههههههههه كل شي تلفيق ... واللي قاهرني إن الخروف ميت ضحك ... هذا بعد ماسقطنا اللحم بالبرميل هالصورة عشان تشوفون قدر الزر وهو أهم شي بالطبخه كلها ........ ماعنه غناة طبعاً غطينا البرميل بذراية دافور ... وحطينا فوقه خياش مبلولة بالماء ... وهذا هو بعد الدفن الله يعفو عنا وعنه :D وحنا جالسين كل سواليفنا (( تتوقعون إنه خلّص )) جوعانييييين بالحيل والدليل شف يديهم والله لوهم مواجرين ههههه :D بدت تطلع علينا الريحة اللي شبّعتنا قبل مانشوف هو خلص وإلا لا ... إبتسامة أخونا حاتم دليل على إنه فيه مهاوش بعد شوي ... حي هالشوفة ... قمّه بالخيال ... لا وجوعانين بعد ... يعني إعدام ... وهذا عطيّ الله الرز ... لاخلا ولا عدم الربع ينتسبون الرز ... برد وعشاء .... يالله من فضلك يالله ... وأخيراً بدأ وقت الإجهاد واللياقة ... وتبون الصراحة ماناقصنا إلا أنتم ... ومع كل هالحوسه صارت هالطبه بالدماغ على ماقالو ... لن تنسى أبداً ... أتمنى أن ينال الموضوع إستحسانكم ورضاكم ... وأتمنى الإضافات لمن لديه أي إضافة ... ,,,,,,,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,,,,, |
ياعسا مداخيله العافية يابو شعلان
هذولا الربع اللي ينغزابهم ...... ولكن لسوق الغنم وسلم لي على حاتم ( الطائي ) وقل له ترا اخوي الجارمن وشايب الصمان يسلمون عليه كثير السلام ويقولون متى عادة طلعاته للبر يبون يخاوونه او هم يخاويهم ولا يهون ابو ناصر المترو ترا تمسك معه بعض الاحيان بس تقل بكم واحد ما ياكل لحم الغنم يحب الدجاج او تبيه مل من هاللحم بعذره بعيد الضحية |
شكرا اخي ابوشعلان على هذه الصور الشهية التي تقطر لها السعابيل الله ان يجعل في الهناء والعافية
|
تسلم يابو شعلان
حمستنا وجوعتنا على الصبح .. لكن تبي الصدز والله كننا معكم على هالصور المعبرة . والوصف الدقيق. بالهني والعافية يابو شعلان .... بارك الله فيك. |
هذا الشغل الزين مهوب بعض الناس مابي عشاء منب أتعشى ومن هالكلام .. الله يوفقكم وجعل ذا طبعكم وحنا من ربعكم .
اقتباس:
|
السلام عليكم ورحمة الله وبركاته:
يعطيك العافية يابوشعلان00 رحلة شقردية رائعة00 خصوصآ إذا فيها مسكات من بعض ناس0 وياليت نفرح بكم عما قريب :D . |
ماشاء الله عسى مداخيله العافيه يابوشعلان
يعني طقت بالراس وسويته .. اشهد انكم نشاما الله يعطيكم العافيه انت وربعك |
اقتباس:
هلابك يالعمدة ... عاد سوق الغنم :( أجل حاتم صار نفس النمونه يابوفراس ... بس أخاف نجمعهم ويهلكون ... لا لا لا لازم نفرقّهم ههههههه أشوف شايب الصمان يقول لي عودة ... شكلة عجل أو إنه راح يدوّر صور ... لأن الصراحه شايب الصمان دايم الصور هن دليلة ... إيه ننتظر ونشوف ... :D وعسى النيّه زينه ...:D ـــــــــــــــــــــــــــــــ أما اللحم الصراحه كثرته مملّه فلازم نظيف شي من الدجاج ... لاهنت يابوفراس على هالتعليق الحلو ... ,,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,, |
الغالى أبوشعلان عجبنى الموضوع السنع والصور اللى تهبل وضحكت كثير على الخروف الميت من الضحك جزاك الله خير بردت على قلوبنا بهالقيظ |
السلام عليكم ورحمة الله وبركاته
يأنك جوعت ناس ، أخي الغالي أبو شعلان ، ورفعت إمبير الشوق لمثل هذه الأكلات لأقصى مدى وبالهناء والعافية عليكم هذا المندي |
ما شاء الله شغل عدلللللللللللل .. صحيح إن الكشات متصرف ومايعوقه شي .. جعل محاديره العافية
|
مطرح مايسري يمري يابو شعلان، على هالطهبله والعجله طالع طبخكم سنع، ماعليكم كلام طيور شلوى وسنافيه ويا سعد من خاواكم، وابو حاتم من الصور شكله راعي وناسه، ما عليكم زود كلكم، شكرا على الموضوع فاتح الشهيه بعد العشيه ومع الصحبه الهنيه.
|
اقتباس:
المشاركة الأصلية كتبت بواسطة ابو فراس http://alrahlat.com/vb/rehlatnew/buttons/viewpost.gif ياعسا مداخيله العافية يابو شعلان هذولا الربع اللي ينغزابهم ...... ولكن لسوق الغنم وسلم لي على حاتم ( الطائي ) وقل له ترا اخوي الجارمن وشايب الصمان يسلمون عليه كثير السلام ويقولون متى عادة طلعاته للبر يبون يخاوونه او هم يخاويهم ولا يهون ابو ناصر المترو ترا تمسك معه بعض الاحيان بس تقل بكم واحد ما ياكل لحم الغنم يحب الدجاج او تبيه مل من هاللحم بعذره بعيد الضحية اقتباس:
http://www.alrahlat.com/vb/uploaded/20_1185989882.jpg وهالصوره بعز المطر ولكن الشهوه شينه ويذكره بسام ؟؟؟؟؟ http://www.alrahlat.com/vb/uploaded/20_1170328225.jpg أبوشعلان تراي مستعجل بس الليله بنزل لك موضوع ينافس موضوعك ويرد على العمده بأذن الله لان العمده كلم علي اليوم ويقول شف الموضوع ( مابه صبر حتى أشوف الموضوع ) :D :) ...... ترا الصور تصبيره لاين أنزل الصور الباقيه . |
أخوي ابو شعلان يامال العافيه لهالشقرديه اللي نفذوا اللي في بالهم عليكم بالعافيه لكن ياخوي قاهرني الراس اذا نديته وهو مصلوخ ماباقي فيه الا اللسان عسى مداخيله العافيه تقبل أجمل تحية |
وش هالإبداع يابوشعلان على سرد الموضوع بفبركة التشويق التجويعي صدق إنك مبدع الله يبارك فيك وربعك كمان صدق المهتوي يقطع نفود المستوي . . سلم لي على حاتمكم جوعان الأشهباني شكله الأمير في هالمقناص ... وش تقولون بعد...مالكم اللا السمع والطاعة وننتظر جديدكم القادم بهالإبداع اللا متناهي وتقبل تحياتي --------------------------------- http://www.saqar.com/vb/uploaded/338_1185031967.jpg |
| الساعة الآن 04:20 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir