|
صيدنا من الدخّل في شعيب العصل ........... أبو شعلان ...
بسم الله الرحمن الرحيم إخواني أعضاء وزوار منتديات الرحلات ... السلام عليكم ورحمة الله وبركاته ... الأسبوع الماضي في تاريخ 10و11 / 8 / 1428هــ الماريّه دخول سهيل ذهبنا في رحلة صيد (( الدخل )) في شعيب العصل ... شمال تمير ... والحمدلله وفقنا بالصيد حيث يوم الخميس صدنا مايقارب 385 دخله و3 صفاري ... وأما يوم الجمعه ... كان صيدنا مايقارب الــ 150 دخله وصفارى واحده ... وأترككم مع الصور ... هذي الصورة أثناء التنتيف وهذي الصورة تجهيز بعض الدخل للشوي يقالي محترف ...على هالصورة ... بس الصراحه جازت لي ...:p وهذي بدايه الشوي ... للمعلومية ترى كلّه خلص ذواقه ... (هاه زبط لا يبيله شوي) ... إلين خلّص :D وهنا بدايه المعركه ... حيث إنهم من العجله مافيه وقت يوقفون اللبن والقواطي ...:D وهذي صوره عن قرب للدخل الغير مشوي ... وتراني أصور هالصور وأنا ماسك الكميراء بيد والشوزن بيد ... مهددهم ماحد يمد يده قبل ما أصور ... وهذي صورة ... لموتر رفيقنا بالرحله (( أبوفهد )) الله يطول بعمره ... وأهدي هذه الصورة للعمدة أبوفراس وللغالي الجارمن وللغالي شايب الصمان ... وأقولهم ودي بس تويقون بهالموتر وتشوفون العزبه ... بس أخاف تكرهون عزبكم :D :D وهذي الصوره مع الجنب ... وبعد هذا كله أتمنى أن يحوز هذا الموضوع على رضاكم ... (( وإدعولي بالرحله الجايه )) ,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,, |
عليكم السلام ورحمة الله وبركاته الله يغفر لك ويجزاك خير
ما شاء الله تبارك الله بيض الله وجهك يا النشمي الله يهنيكم ويسعدكم وين ما رحتوا وفقكم الله لكل خير اخوي ابوشعلان صايدين وفايدين صور رائعه مهابيط العافيه نغزه -- الشوايه تباع جاهزه وين |
ماندري وش
الاخ الغالي
ابو شعلان السلام عليكم مشاء الله موضوع غير شامل فية نقص ...... رح يم ...... همسة صيد طيب و عدة ولا مثلها ياخيي ماندري وش نشوف وش نخلي الله يحفظكم امين اخوك خشم الحصان ............. نغزة......... الصفاري وشفنة والدخل هم شفناه ....... بس هالي فارد جنحانة اول مرة نشوفة........ اعتقد انة تصميم هبال دقشة............ الله يستر علي الموتر وراعيه امين همسة...... ابو شعلان لو تمر بالكمرة علي الموتر وتصميمة وعدته ......... وتجي في مواضيع ........ اعتقد هم هبال |
ابو شعلان وش هالصور الحلوات قصدي المالحات اللي كلهن ملح وطعم بالدماغ
وبعدين اعقل وخل عنك الهبال هالحين يبي يدربون عليك هالمفترسين اياهم والله ما يفكك منهم لا شوزن ولا خرازة وخر ايديك لا ياكلونه بدربهم وبعض الناس منهم اباهم يبي ياخذ هالصورة ويخليه توقيع له http://www.alrahlat.com/vb/uploaded/27_1188118417.jpg |
الله لا يهينك يا ابوشعلان
وعز الله صيد طيب من وجه اطيب .... ورحله مفصله بالكامل مع الشرح والصور الرائعه اثرك منتب سهل راعي تصوير احترافي :cool: وهلا ومرحبا بك يالغالي |
اقتباس:
هلا بالغالي أبوعبدالعزيز ... ماعليك زود والله يجزاك ألف خير على هالدعوه الزينه ... وعلى طاري الشوايه ... تلقاها عند محلات الرحلات جاهزة ... وهذي من عند المقناص ... مشكور على مرورك ... ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
اقتباس:
الغالي خشم الحصان ... هلا وغلا والله ... وياربي لك الحمد إن الموضوع جازلك ... اما الموتر بإذن الله إني أبحاول أصورة ... لاهنت على مرورك يالغالي ... ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,, |
وش هالشغل المرتب .... وش هالشغل المتكتك .... وش هالزين ....
والله ما اخفيك .... اطمرت كم سعبولة ويالله لحقت عليها قبل ماتفرع من ثمي المحترم ههههه ... ابو شعلان ... شاكر لك ومقدر هالترتيب .... واقول والنعم بك وباخوياك ..... |
بسم الله الرحمن الرحيم ابو شعلان دائماً رااااااائع ومواضيعك متميزة حتى محارشتاك مميزه :D بس الله يستر عليكم الصراحه شكل الخل في سيخ الشوي شي وانا ماتغديت:p الله يجعله بالعافيه على قلوبكم يارب مشكور يابو شعلان |
ابو شعلان ::::
بيض الله وجهك يالغالي ,,, والله يرزقكم بالصيد الطيب ,,, ماشاء الله على الموتر الله يعطيه من خيره ... http://www.alrahlat.com/vb/uploaded/27_1188118126.jpg صوره خطيره (: ـــــــــــــــــــــــــــــــــــــــــــــ ـ سلا111111111111111111111م |
ماشاء الله عليكم يابو شعلان رحله موفقه انشاء الله وبالهناء والشفاء اولوماجاكم من هالطلعه الا شمة الهواء الطلق بعد طلوع سهيل وبعد البيات الصيفي الممل... اشكرك اخي على الموضوع وتقبل تحياتي |
صور جميله و شيقه وياليت من كان معكم
|
اقتباس:
هلا بالعمدة ... الله يملّح أيامك بالدنيا والآخرة ... أما من ناحية هالمفترسين لاتخاف أعرف لهم معي كتلوجات لهم ... وأجل يبي يحط هالصورة توقيع:D ... عاد هذا ماهوب نجر وبس ... هذي كل أغراض البر :D ... مشكور يالعمدة على مرورك الغالي ... ,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
الغالي ابو شعلان كل الشكر على هذا الموضوع الجميل عشنا معك اجمل الحظات عساك على القوة والله يوفقك بالدخل والجوال اللي تذبح منه وتشبع والله يجيب البرادي اخوك |
:D
اقتباس:
حياك الله يابومحمد ... ومرورك أسعدني يالغالي ... ومشكور على هالإعجاب ... أما من ناحية التصوير الإحترافي .... وخّر عني تراني حيل محترف :D لاهنت يابومحمد ... اقتباس:
هلا وغلا يابوحمد ... وهذي الساعة المباركه اللي شفناك بموضوع لنا ... والحمد لله إن الموضوع جازلك ... وبإذن الله المواضيع القادمه يبي يصير لسعابيلك مجرى بس إصبر :D ... لاهنت يابوحمد ... والنعم بك يالغالي ... شاكر ومقدر لك على مرورك ... |
| الساعة الآن 10:55 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir