|
هل يمكن ان يتم تسوير اي بقعه خضراء ؟؟
السلام عليكم ورحمة الله
باختصار ... كل شخص يطلع البر ويمر على فيضه مفتوحه أو يمكن للسياره ان تكون داخل الفيضه بصراحه يتمنى هالامنيه .. ان يتم تسوير اي بقعه خضراء وأن يكون هناك تشديد بالمراقبه من قبل الحياه الفطريه ليش ؟؟ أعطيك مثال : خذ صوره من اعلى لاي فيضه في بداية الربيع ( قبل الغزو) وفي اخر الربيع خذ صوره اخرى من اعلى ( بعد الغزو) تجد ان الكشاته يمارسون سياسة الارض المحروقه بعد الغزو ( يعني اني مثقف :d ) يعني اللي يطلع البر يقول انا ومن بعدي الطوفان -وصاخه - زبايل - تدخل الفيضه من اي مكان وتمشى بسيارك كنك بالتحليه وتعدم الارض. لا ويقولك لاتقعد تفلسف وتسوي نفسك فاهم ؟؟ تراه بر مهب ضاره :( طيب ,,, لو استمرينا على الوضع مع كثرة الكشاته اللي تزايد كل سنه ؟؟ بعد عشر سنوات وش راح يصير ؟؟ |
هلا براعي سامودة
مواضيعك سهلة ممتنعة فكرة رائعة ولو أن ادارة الغابات بوزارة الزراعة سورت الفياض وحمتها من الاوادم والحلال لأصبحت الفياض جنة . أنا مؤيد لهذا الإقتراح ... وأتمنى اليوم اللي اشوف فيه الفياض مسورة ومحمية عن اللعب والعبث الغير مسؤل. مشكور اخي راعي سامودة . وبارك الله فيك. |
إي والله وانا أخوك خاصة في السنوات الخمس الأخيرة ظهرة حركات الشباب اللا واعية من تفحيط في الفيضات خاصة بعد نزول الأمطار والأستعراض امام كمرات الجوال والمشكله انهم يرون ذلك مرجله امحق مراجل :( ولهذا يتسببون في قلة الغطاء النباتي في الفيضة وربما تدميرة بالكامل وبعد كم سنه يقال: كانت هذي الفيضه مليئه بالزهور والخضرة والله يهدي الشباب |
شف . . .
مايعالج مثل هذولا الهمج ألا برد مثل برد حريملا يفقع روسهم ويحرمون طلعة للبر من جد شي يقهر ... ياخوي في طريق يقطع الفيضة أمسكه ماهوب لازم تفتح لك طريق جديد الله يهدي الجميع |
شاكر لك موضوعك الرائع والذي يدل على حرصك البيئي وعقليتك الواعيه ( انا مع تشبيك الفياض بشده ) الفياض اللي بالصمان وغيرها ومسوره تلقاها معدومه من المخلفات الورقيه وغيرها واضافه لذلك قيام بعض الناس بأشعال الحطب داخل الفيضه مما يسبب انعدام الربيع في مكان شب النار لسنين بعيدة المدى فما بالك لو تركت الفياض بدون تشبيك !!!! الله لايهينك يالغالي |
مشكور اخوي راعي ساموده على هذا التذكير لكن التسوير يحتاج الى متابعه مستمره انظر الى الكثير من الفياض المسوره بالصمان على سبيل المثال كسرت البوابات أو شلعت البتر وصار الوضع مثل ماقال المثل ماكنك يا ابو زيد غزيت فبدون المراقبة المستمره لافائدة من التسوير والتبتير ثم تأتي للنفايات والحرق وغيره والله المستعان تقبل تحياتي |
| الساعة الآن 07:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir