للمشاركة من الجميع: لماذا السيل والربيع في براري نجد له سحر خاص مميز ؟؟؟
 

لا أخفيكم سراً أني قد عايشت أجواء ربيعية ممطرة في بلاد ومناطق أخرى ( خارج السعودية)، ولكن لم أحس لها طعم خاص عندي، فقد يكون مكان المنشاء له دور، ولكن من خلال المناقشات مع بعض الزملاء والاصدقاء، أجدهم يتفقون معي أن طبيعية براري نجد في موسم الأمطار لها طعم وسحرٍ خيال ، وطبعاً من المؤكد أن لكل منطقة سحرها الخاص الذي يميزها عن غيرها وخصوصا شمال المنطقة الشرقية مثلاً، ولكن لم يسبق لي ان صادفت أجواء مطيرة خارج منطقة نجد لذا فمن الصعب علي المقارنة مع ربيع تلك المناطق.
السؤال: هل يخالجكم نفس الشعور والأحساس .

والله انا مثلك واكثر وماضن ان فيه احد يقول لا

شرحك يابو سلطان ولا يهون اخوي الحريقي وباقي الربع
والله اني دوجت وشفت من الخضره والاشجار في مناطق لايمكن يجي ربيعنا عندها شي
بس والله ياجلسه في احد فياض الصمان اذا كانت مزهره انها تسوى الدنيا

ويارب يغيثنا

مشكور يالغالي

اخوى ابو سلطان بارك الله فيك انا من اهل الدوادمى شفت الربيع فيها مرتين مره واناصغير وهي السنه اللي توفى فيها الملك فيصل بن عبدالعزيز رحمه الله واسمع من الخوال ان اغلب مقانيصه كانت مابين ظلم وعفيف في العبله وسجي وهاك المناطق والمره الثانيه كانت 1418 وللاسف كنت خارج الوطن واللي شاف كبر حجم الفقع اللي كان يطلع في منطقة الدوادمي ودخنه يعرف سر جمال وخصوصية الربيع في هالك المناطق ناهيك عن جمال الربيع في مناطق جبله وطخفه وماسل وانا اذكر فى الربيع الاول اللي شفته كان الفقع محطوط بصواني الذبايح ومنظره الي اليوم ماغاب عن ذهنى ومن 17 عام وانا في حفر الباطن صحيح ان الربيع هنا حلوا ولا يعلي علي الصمان لكن يبقي ربيع نجد غير سبحان الله هذا غير ان ربيع نجد (مرى) علي الحلال يعني فايدة افضل سبحان الله وذلك لاختلاف نبته كما ان قصيدة الشاعر عبدالله بن عون اللي قالها في كان في فرنسا كانت تتحدث عن جمال نجد وربيع نجد ولا اخلا ولا اعدم من نجد واهلها بدو وحضر وعزالله انهم غالين وطبايعهم تختلف عن غيرهم بعد واسال الله ان يرحمنا برحمته وان يغيث البلاد والعباد وتقبل تحياتي اخوى انت وجميع الاخوان في المنتدي...

شكرا لك اخي الكريم على هذا الموضوع

واعتقد ان مافيه احد يخالفك الرائ من ناحية جمال نجد في الربيع نجد غير في الربيع

والله انكم صادقين عام 1424 رحت للنعيريه ايام عيد الاضحى والحفر والسفانيه انا ورجال شرواكم

تصدقون مالقينا فيها زود ربيع واللي قهرني يوم نشدنا اهلها وين الربيع اللي يقولون قالو انتم من وين قلنا من الخرج قالو افا عليكم الربيع كله عندكم هالسنه

زبده القول
لن نجد افضل من نجد

انا من نجد يكفيني هواها
___________________ ويبري لوعتي شربي لماها

هلا ومسهلا عدد ما حقت وأمطرت

شرفت الموضوع بمرورك الكريم .

تحياتي وسلم لي تكفا على ابو محمد .