|
ابو شعلان , الوافي عزام , مجبور ... ابي شوركم ؟..
.. السلام عليكم ورحمة الله وبركاته يالله حيهم .. :) ابو شعلان , الوافي عزام , مجبور ... ابي شوركم ؟.. اخوكم ابو فهيد .. صقار مبتدى وعنده خبره بسيطه عن الطيور .. واستفدت كثير من منتداكم الطيب .. والله يعطيكم العافيه على هذا الجهد الرائع ابستشيركم .. وش رايكم وش اشتري طير (اول طير طبعا) .. ودي بوكريه ولا جبليه فرخ او بحريه وودي بحر مثلوث <<< الرجال وده بكل شي :smailes79: طبعا حدي ما يتعدى الـ 3 الاف .. ومتى افضل وقت اشتري طير ؟؟.. ابي بأسرع وقت طبعا .. <<< متولع :D والله يعطيكم العافيه .. |
اقتباس:
اخي أبو فهيد الوكري للمبتدأ بالصقاره أحسن من حيث السعر ووللتعلم إيضاً وأنا أنصحك فيه مادامنك جديد بالصقاره وأنصحك بالفرخ الوكري لأن الفرخ يطيح بسرعه وماعنده خباثه مثل الخلوي وهذا رأي الشخصي وتقبـــــــــــل تحيات أخوك ،،،مجبـــــــــــــــور |
ماقصر أخوي مجبور عطاك العلم
والله يوفقك يالغالي لما فيه خير ان شاء الله |
وعليكم السلام ورحمة الله وبركاته ياهلا والله بخوي أبو فهيد ... وهذي الساعة المباركه ... الله يرزقك الطير اللي يطربك قل آمين ... أخوي مجبور ماقصر كفّى ووفّى ... الوكري طبعه هادي بالحيل وسعره مناسب جداً ... وقليل التعرض للأمراض بعكس الشيهانه ... فهو مناسب إذا كان هذا أول طير تشتريه ... وللمعلوميه الحر المثلوث هو صاحب النزارة والمكافخ وقليل ما تحصل عكس ذلك ... والوقت المناسب : أنصحك بالعشر الأواخر من شهر رمضان ... أو بعيد الفطر المبارك ... هو الوقت المناسب ... تكون أغلب الطيور صفّت الريش وبدأ الليل يبرد بإذن الله ... الله يلحقنا وإياك خير ... والله يرزقك الطير اللي في بالك ... وبالتوفيق ,,,,,,,,,,,,,,,,,, تحياتي ,,,,,,,,,,,,,,,,,,, |
.. يا هلا بكم والله .. ماشاء الله رديتوا كلكم .. بيض الله وجهكم .. :) وإن شاء الله برمضان وعدنا .. وكريه فرخ .. وابنزل صورها إن شاء الله .. ;) الله يعطيكم العافيه .. وما قصرتوا .. |
الله يطرحلك البركه
والاخوان ملوها عدل واهم شي الصبر وخل صدرك وسيع على الطير |
الله يرزقك يا ابوفهيد الوكريه الطيبه انشاء الله واهم شي الصبر وسعة الصدر اخوك وراد
|
| الساعة الآن 06:15 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir