|
سلاااااااام مني عزيز ن بالمضاميني *** يامزنة النت ياروحه وريحانه .....@(@
بسم الله الرحمن الرحيم السلام عليكم ورحمة الله وبركاته ،،،،،،،،،،،،،، أحبتي الكرام ،،،،،،،،، هذه الكلمات النابعة من القلب إلى القلب كانت هدية إلى معشوقتي ومحبوبتي ،،،، والتي ارتسمت في سويداء القلب له مقصورة ،،،،،،،،، وبين الأهداب صورة .... وعلى صفحات الزمن حب سلسبيل ،،،،،،، ..... أهديها لكم عقب أن استقرت في أحضان معشوقتي ،،،،،،،،، هيضـنـي الـرجـم والـذكـرى تناديـنـي فـي ساحـة الشعـر والقيـفـان طربـانـه مع همي اللـي علـى البيـداء مخاوينـي مـن فـوق خـد ن مـن الهمـال رويانـه فــي سـكـة العـمـر يامـاخـوذ مشقيـنـي والنـفـس مـمــا دهـاهــا دوم زمـلانــه أسـيـح مـنـه بـسـاع وســاع يطـويـنـي لادار بالفـكـر ذكــرى أيـــام مقـطـانـه ذكرى ن على القلـب سجّتهـا تشافينـي والعينـي فـي شوفهـا بالصبـح شفقـانـه بـيـن الـحـزوم الـعـذيـة والمطامـيـنـي قلبـي سـرح يالربـع فـي جـو صمـانـه الـبـر فــي مهجـتـي بـلـسـم يـداويـنـي والبـيـت سجـنـي ولــو فتـحـت بيبـانـه وبعض العرب عندنا يسـوى ملايينـي طــلــة مـحــيّــاه يـاحــيّــاه عـنــوانــه عنـوان خيـر ورشـاد وحـفـظ للديـنـي والمرجلـه مـن بحرهـا حـاز مرجـانـه عـذب السجايـا وسيـع الصـدر آميـنـي ربـي يحفظـه مـن الشيطـان وأعـوانـه دايـم علـى الـدرب بالخـوة مصافيـنـي مايعرف المكـر قـول الصـدق برهانـه متحدر ن مـن عمـوق رجـال ذربينـي ماصـك بابـه عـن أصحـابـه وديـوانـه هذاك هـو مسنـدي لا قلـت مـن وينـي يجـيـك كـلـه كـمــا الـمـزنـه وربـانــه وسلاااااااام مني عزيز ن بالمضاميني يـامـزنـة الـنــت يـاروحــه وريـحـانـه " |
وعليكم السلام ورحمة الله وبركاته الله ،،، الله الغالي صاحب الإبداع أبوعبدالعزيز صح لسانك قصيده رائعه بكل ماتعنيه الكلمه http://www.alrahlat.com/vb/images/icons/icon14.gifhttp://www.alrahlat.com/vb/images/icons/icon14.gif لاتحرمنا من هالزين يالغالي خالص الود والتقدير محبكــــ عبدالله |
الـبـر فــي مهجـتـي بـلـسـم يـداويـنـي والبـيـت سجـنـي ولــو فتـحـت بيبـانـه اخوي ابو عبد العزيز الله يحرم وجهك عن النار قصيده جزله بارك الله فيك |
صح لسانك يابو عبدالعزيز
عسى انطلق عوقك هالحين |
اقتباس:
حياك أخي عبد الله وعليكم السلام ورحمة الله وبركاته وأشكرك على الزيارة |
اقتباس:
جزاك الله خير وأنت والملسلمين شكرا على مرورك |
اقتباس:
:smailes81::smailes81::smailes81: شكرا على هالصباحية وتشرف الموضوع بزيارتك |
صح لسانك ياريف
قصيدة جميلة ومعبرة عن الصديق الوفي . بارك الله فيك. |
وبعض العرب عندنا يسـوى ملايينـي طــلــة مـحــيّــاه يـاحــيّــاه عـنــوانــه لا عدمناك يالامير وقصيد يفتح النفس لاعدمناك |
اقتباس:
:flex::flex::flex: يابو أحمد والله يأنت كبرت الخط ،،،،،،، يارب راسي رد راسي مكانه :D الرجاء تصغير الخط ،،،،،،،، ونشكرك على الزيارة ابا أحمد تحيتي |
اقتباس:
مشكور وجبور أخي الكريم راعي الذوق على مرورك الكريم وزيارتك وبارك الله فيك تحيتي |
قصيدة ممتازة جداً صح لسانك ريف النشاما
الله يبارك فيك تحياتي يالغالي............. |
اقتباس:
|
صح لسانك أخوي ريف النشاما تقبل مروري أخوك أبو حياة |
اقتباس:
صح لسانك واعتلى شانك ولا هنت يالغالي ريف النشاما عز الله إنك جبتها ع الوتر الحساس بيت عن قصيدة ليت اللي مثلك وشرواك ما يحرمون اخوانهم من روائعهم بإنتظار ما لديك ابوخالد نوماس سدير |
| الساعة الآن 02:32 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir