|
يالربع أبي شوركم بتفصيل التانكي
السلام عليكم ورحمه الله وبركاته مساكم الله بالخير جميعاً ودي أفصل تانكي بسيارتي لاندكروزر وتشربكت أسلاكي مدري وش المقاسات الزينه وشلون شكل التانكي قررت أفصل التانكي واقف بس المشكله وشلون المقاسات بتصير مع العلم أن التانكي بيصير ( 100 ) لتر رايكم ياجماعه التانكي طبعاً بيصيل على المرتبه للي بالوسط يصير التانكي فيه ميلان من تحت بس وشلون كم يصير مقاس التانكي من تحت والأرتفاع كم وأخر شي كم يصير مقاسه من فوق ؟ ؟ ؟ ؟ ؟ ؟ أدري بشغلكم معي بس مالكم إلا الأجر والدعاء أنشاء الله وأي الورشات تنصحون بالتفصيل ووشرايكم بالألمنيوم وأن حصل صور توانك سياراتكم علشان يعرف الواحد والزين |
هلابك يالغالي
لا تهتم من حيث المقاسات أهم شي وش نوع التانكي ووين تشتغل فيه عندك أفضل شي أستيل بس غالي لكن انس يصدي بإذن الله وبعدها الألمنيوم ما يصدي إلا بعد زمن طويل وإذا أهمل بعد لكنه جيد وبعدها الحديد العادي بس يصدي بسرعه والأماكن اللي يفصلونها ما عندي علم غير إن أفضل ثلاثة والله العالم ( المواهب بس غالي مره وبعده المميز ومعقول وبعده السوافي وغويلي ) والإستيل تقريباً يكلف إن ماخاب ظني 1700 ريال تقريباً وإذا كان موترك اسبير علاقي خله تحت الموتر خلف الصدام ولا احلى معنا موتر ماشاء الله شال له 100 لتر هوا ولا بان ( مخفي ) وبكذا تستغل المكان الموجود فوق والله يوفقك ابوخالد نوماس سدير |
اخوي البارود
فيه توانك بمقاسات متعددة وجاهزة عند محلات الرحلات طب وتخير |
فيه خزانات جاهزه لسيارتك عند برق الحيا على كيف كيفك... طب وتخير |
ومنها ماده شبيه بالفايبر اسمه خزان الوادي يسع 140 لتر تقريبا
|
اقتباس:
والأفضـل إنك تفكر 100لتر وزود والله يوفقك يالبارود أخوك.. أبو فهد |
عليك بخزان الوادي
ضمان 5 سنوات اي عيب فيه تكلامهم ويبدلونه على طول عند بيتك ((على كلام المندوب و شباب اعرفهم صار لهم الشي هذا )) نفس طلبك 140 لتر |
اخي الحبيب حياك الله شوف الموضوع هذا عن تجهيز اللاندكروزر راح يفيدك جداً
http://www.alrahlat.com/vb/showthread.php?t=7412 |
انا مجرب خزان الوادي 140 لتر رائع ................والجديد من الوادي 90 لتر الواقف كذلك رائع
|
| الساعة الآن 05:03 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir