|
.:. تفصيل + تركيب صاجه لحماية السيارة .:.
السلام عليكم ورحمة الله وبركاته أسعد الله أيامكم بكل خير يا أحبة يوم الخميس صباحاً توجهت إلى الصناعية القديمة وتحديداً إلى مراكز الحدادة وذلك لتفصيل صاجة حماية أسفل السيارة نظراً لعدم توفرها في السيارة أساساً وبعد أخذ القياسات تم تفصيلها حيث كانت سماكة الصاجة 2ملم وهذا أمر إختياري ، ثم توجهت إلى أقرب مركز إصلاح ولحام شكمانات وعندهـ تم تعديلها وقصها مرة أخرى وأخيراً تركيبها.. وإليكم الصور.. هذه الصورة إلتقطت بعد تعديلها لتكون مناسبة للحيز المتاح أسفل السيارة بعد شراء بخاخ طلاء (اللون أسود) تم صبغها بها بعد الإنتهاء من عملية الصبغ ..:1aa: صورة أمامية.. بعد التركيب والتثبيت على نفس البراغي الموجودة سابقاً صورة خلفية للصاجة.. وأخيراً كانت هذه الصورة.. طبعاً من عيوبها أنه من المفترض أن تكون كبيرة ومائلة إلى الأسفل لتحمي عمود الدركسيون.. الأمر الآخر وهو الأساس من المفترض أن تكون بدايتها أعلى مما هو موضح بالصورة وهذا الأخطاء سيتم تفاديها وتعديلها لاحقاً بمشيئة الله.. تم ولله الحمد وتقبلوا احترامي وتقديري - ولا تحرموني من نقدكم البنّاء أخوكم.. أبو فهد |
مشكور اخوي لى الفكرة
بصراحة من فترة وانا افكر اسوي صاجة لسيارتي الباترول والحين شجعتني اسويها يبي لي مشوار للصناية القديمة افصل وحدة مكان الصاجة البلاستيك دمت بحفظ المولى |
وعليكم السلام ورحمة الله وبركاته
ما شاء الله شغل عدل مشكور يا ابوفهد لكن هل الموديلات الجديده ما فيها الصاجه وسؤال آخر المساعد الاصفر الي جنب الصاجه هل هو مساعد الدركسون علشان الرجه |
عز الله ابدعت الحمايه مطلوبه وتعديل مثل هذا مهم لتفادي الصخور والعقبات المفاجئه |
وعليكم السلام ورحمة الله وبركاته
اخوي ع.ف.الدرويش موضوع جميل جداً واداء متقن بيض الله وجهك وما قصرت سؤال // ما تركب صاجة الموديلات القديمة على المديلات الجديدة ؟ على حسب معلوماتي فأن الشاصي لجميع الموديلات واحد ؟ تحياتي ولد ناصر |
اقتباس:
موادع.. حياك الله بالنسبة للصاجة البلاستيك فهي ما تناسب لأن الصدام شكله مختلف وما فيه حيز لها وهذا هو السبب الدافع لتفصيل الصاج وبإذن الله هي أفضل وأجود .. ويا هلا بك . . اقتباس:
أبو عبدالعزيز.. هلا بك أما الموديلات الحديثة وتحديداً فئة الربع للأسف ما فيها صاجة بلاستيك ولا فيها حماية من الأسفل والمشكلة الخرطوش السفلي للراديتر ظاهر يعني إحتمال يكون فيه ضرر ، والمساعد الأصفر فمثل ما تفضلت هو مساعد الدركسيون أضفته من 3 سنوات وإلى الآن وضعه تمام وأنصح به .. وحياك الله . . |
اقتباس:
آيكوم.. هلا ومرحبا وكلام سليم ، وميزتها إن كل واحد هو اللي يفصلها بمزاجه :1aa: . . اقتباس:
ولد ناصر.. حياك الله ووجهك أبيض يالغالي ، بالنسبة للشاصي صحيح كله واحد كما تفضلت ، لكن الصاجة تعتمد على الفراغ بالصدام والصدامات تختلف فموديل 99 غير 2004 وأيضاً غير 2005 . . |
فعلا ضروري تركيب صاجه حماية واشوف الان فيه محلات تفصل وشغل ليزر وشكل انيق وتكون جاهزه والسماكه لايقل عن 4 ملم
|
| الساعة الآن 01:31 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir