|
الغاط تراث وطبيعة وأمطار
هلا حبايبي كيفكم ان شاء الله مستصحين وبعافية هالخميس براسي طلعة بس وين مادري تنبله خالصين ابي اروح لاي شي واصبخ هالدميجه بران معالم أماكن كلها مشتاقه ...ياشين المصاله وتولع براسي لمبة شارع بس بدون حساس يعني مافيه امل تطفى قلت فيه مكان أباصله واصور له كم صورة واعطي حقين منتدانا الغالي فكره عنه المكان مدينة الغاط وهي تابعة لمنطقة الرياض تبعد عن مدينتي بريدة 100كلم امزح 99 وعن الرياض تقريباً 200كلم يعني ساعة بالسيارة ان شاء الله وانت واصل ( اعاني روحي ) ما أعجبني في الغاط انها تجمع الماضي والحاضر والطبيعة صراحة روعة ومنطقة بالنسبة لي محببة لنفسي خاصة الشلالات في أوقات الأمطار طبعاً هاذي احداثية المنطقة N 26.01.39 E 44.57.45 مدخل محافظة الغاط من طريق الرياض القصيم السريع وهاذي صور لبعض القصور البيوت القديمة وقد وجد فريق من هيئة الأثار يقومون بترميم بعض المباني وهاذي بعض مساقط المياه في اوقات الأمطار مازالت تنمو عليها الاشجار والحشائش وهذا الطريق الى المطل فوق المزارع وهذا منظر من المطل على المزارع يتبع يعني لاحد يرد |
الغاط مدينة جميلة مثل ما قلت اخي زوووم ... فهي تجمع بين الماضي والحاضر وتنوع التضاريس ... جيال ورمال بنفس الوقت وشعاب كبيرة وشلالات رائعة .
مشكور أخي زوووم على هذا الجهد الجميل والرائع . وبارك الله فيك. |
تسلم اخي صقر على المرور الرئع وهذ جهد بسيط لايساوي شياءً مما تقدمه لهذا المنتدى الرائع لك تقديري |
تشكر أخي زووم
تقرير رائع وصور جميلة .. لا شك كما ذكرت وذكر أخي صقر أن الغاط تجمع الماضي والحاضر .. |
حياك اخي الليل وشكرا لتعطيرك موضوعي المتواضع لك تقديري زوووم |
الف شكر اخوي زوووم مشاركتك ممتازة ورائعة بيت الطين شدني بالحيل |
بيض الله وجهك هذا الي لك علي |
بسم الله الرحمن الرحيم مشكور أخوي زوووم على هالتقرير الرائع ... والسرد المميز ... والغاط مشهره أيضاً بالطلعه ( طلعة الغاط ) ... لاهنت أخوي وبيض الله وجهك ... ولاتقطعنا من هالتقارير الحلوه ... وإصبخ الدميجه الأسبوع الجاي وإظبط لنا موضوع يحبه قلبك ههههههه وننتظر المزيد ... من كل جديد ... ,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,, |
راعي الشاص الشكر لك لتعطيرك هذا الموضوع راعي اللاند لاعدمتك اخي طيب الله فالك هلا والله بأبو شعلان مايصير خاطرك الا طيب بس الله يجيب الوقت على الكيف تحياتي لك |
الغالى زوووم الحقيقة أبدعت بابراز تراث الغاط العريق وطبيعتها الخلابة وحتى اللقطة الأخيرة لسقوط الأمطار على البحيرة شكرا على امتاعنا بهذا التقرير المنعش |
السلام عليكم ورحمة الله وبركاته
أخي الغالي زوووم موضوع قيم ووصف ممتع مبين لنا جزء من الطبيعة الحلوة في الغاط في جزء الثاني والله يحفظ ويخليلك الحلوين المعطرين الصورة ، والتراث الخالد في جزءه الأول ، ولا تحرمنا من مثل هذه الزين فجزاك الله خير |
ريع الدياب
الله يعافيك ويعطيك الصحة مرورك الكريم وسام على صدري ابو مروان مشكور اخي وان شاء الله نكون عند حسن الظن وشكرا الف لمرورك الكريم |
أخي الغالي زووم هلا بك وجمال مواضيعك اتحفتنا بالابداع والله يوفقنا واياك واحرص على الفريق المرفق وان شاء الله نشوف ابداعهم معنا اخوك |
هلا براعي الذوق هلا ابو محمد
مرورك اسعدني والفريق المرافق كل يوم افرجهم على المنتدى الله يجزاك خير اخي الكريم جزيت خيرا اخي الكريم |
| الساعة الآن 08:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir