|
حط الغلا عذروب ياناس وايقنت...بوح المشاعر في زمنّا ندامه
السلام عليكم ورحمة الله وبركاته..... هذي ابيات عساها تحاكي شيئا من الواقع . ضاق الفضا ياناس من هول ماشفت ......................والحزن بيّن في جبيني علامه يومين والثالث وأنا ماتكلمّت ................... بس آتأمل وأفتكر في كلامه هايم على وجهي ولا أنلام لو قلت ..................مقهور وصدري ضايق ٍ بانكتامه جاني جوابه والحقيقة تألمت ..................من قو جرحي حاصرتني الملامه ياما على شانه سهرت وتصبّرت ....................وياما سعيت براحته وانخدامه ويا ما كرهت الي يعاديه وازعلت .......,,,,,..........ناس ٍ تبي شوفي بحب وكرامه غديت كنّي والده لاتأملت .....................أرجي له التوفيق ويّا السلامه واليوم عقب العز والطيب والسمت .......................روّح مثل برق ٍ تمزّع غمامه حط الغلا عذروب ياناس وايقنت ...................بوح المشاعر في زمنّا ندامه وأنا بفعله والله اليوم حرّمت ....................خوّة مثل شرواه خوّة رخامه وسلامتكم............... (ابو فهد) __________________ |
وعليكم السلام ورحمة الله وبركاته
صح لسانك يا ابوفهد وجعلك ما تفقد غالي |
هذا زمان ٍ شفت انا منه ما عفت ........... الصادق الوافي حقيق انعدامه اكتفي بهذا البيت وصح لسانك يالغالي حفظك الله ورعاك |
اقتباس:
صح لسانك يابو فهد العيد قصيدة فيها نصح وإرشاد. بارك الله فيك. |
صح لسانك واعتلى شانك ولا هنت
ابيات تحاكي شي بالنفس فأبدعت بيض الله وجهك ولا هنت ابوخالد |
صح لسانك يالامير لاتبطي علينا من هالزين اخوك |
واليوم عقب العز والطيب والسمت .......................روّح مثل برق ٍ تمزّع غمامه حط الغلا عذروب ياناس وايقنت ...................بوح المشاعر في زمنّا ندامه صح لسانك يابوفهد .. وبيض الله وجهك ... وفيت وكفيت الله لايهينك ,,,,,,,,,,,,,,,,,,,, تحياتي ,,,,,,,,,,,,,,,,,,,,, |
السلام عليكم ورحمة الله وبركاته صح الله لسانك يالغالي أبيات في قمة الروعه لآ تنسانا من جديدك الشعري لآ هنت |
بارك الله فيك مشاعر واحاسيس غاية الروعه
|
أبو عبد العزيز / صح بدنك يابو عبد العزيز ,ولاهنت على المرور يالغالي
سليمان المطرودي / صح بدنك .وصح لسانك ,وبارك الله فيك. صقر / صح بدنك اخي الغالي صقر ولاهنت . نوماس سدير / صح بدنك يابو خالد ووجهك ابيض يالقرم ,لاهنت على المرور العطر راعي الذوق / صح بدنك يالغالي .. وابشر بسعدك. ابو شعلان / صح بدنك ووجهك ابيض جعلعمرك طويل..لاهنت يابو شعلان الوافي عزام / هلا بالغالي وصح بدنك ,وابشر بالجديد ان شاء الله konet2006 / لاهنت وتسلم مشاعرك يالغالي .مرورك اسعدني لاهنت. لاهنتم يالربع على الردود الطيبه .. وبارك الله فيكم.. شكراً لكم.. |
| الساعة الآن 03:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir