|
علي الطاير
الاخوه الغالين
السلام عليكم علي الطاير موضوع متعدد او متواصل المواضيع يتكلم او يطرح استفسار للجميع نناقش فيه الموضوع بكل صراحه وليس احد مجبر علي الدخول في الموضوع الا اذا رغب في المشاركه فيه ونقبل الراي والراي الاخر ...................... موضوعنا اليوم هو لو طلب منك ان تشارك في رحله جماعيه مع اعضاء المنتدي او مع جماعتك او زملاك في العمل او اي مجموعه وعند الوصول الي البر وتنزيل العفش والكل لها في شغله لي ذبح ولي نزل العده وقام يهذي البصل والطماط والاخر قبس الحطب وركي البريز ولي يفرش والاخر يحمس القهوه وغسل برزات الشاهي ثم شوي ولا كلش زاهب وقبل العشاء هذو الجحه (الحبحب.البطيخ) وبعد العشاء دزيت لك كم فذحت جحه لين غيمت وتفاجئت ان احد الاخوان قام وجاب اليشيشه والثاني يعسل ولاخر يتتن ولم تكن تتوقع ذلك اي انهم مبتلين بهذا الشي هل تقطع الرحله وترجع ام تتضايق من ذلك ام تقول في خاطرك لن اخرج معهم مره اخري ام تقول هذي فرصه لكي انصح واخبرهم بنقاش اخوي عن التدخين ومضاره لعل الله يهديهم ويتركون البلوي عنهم اخوكم خشم الحصان |
والله الموضوع شيق ومفيد وتشكر عليه اخونا ابو جراح
في رأي الخاص اعتقد ان الواحد ما طلع مع جماعة الا انه عارف طبايعهم لذلك لازم تواجه الموقف بعدم التهرب وقطع الرحلة والعودة إلى الديار بخصوص الشيشة والدخان الجميع يتفق على مضار هاتين العادتين ولا اعتقد ان فيه واحد ما يعرف مضارهما لذلك ما عليك الا ان تدعوا لهم بأن يساعدهم الله على ترك هذه العادة السيئة اما الاشخاض المبتلون بهذه العادة فيجب عليهم عدم ممارسة هذه العادة من القرب من الاشخاص الذين بنفرون منها احتراماً وتقديراً لهم |
انستنا يابو جراح بطرحك الجميل والمفصل المفيد .. بس اظاهر انك تكرف اخوياك هذا ينزل وهذا يحمل :rolleyes: .. ونت متكي تكتب روايه للمنتدى لا رجعت ،، اتصدق كني اشوفك اخلذك سطل ماء ومتوزي ورا اشجرة تقز الشباب :D علا بلك تجدد ,, تقبل الله ;) :::: ذكرتني بعمنلي شايب الله يقومه بالصحة والعافيه .. ابو محمد الملقب بسيف . طالعنا معة انا ولوالد الله يحفظه وبعضاً من ربع الوالد ومثل ماذكرت التنزيل والتحميل والي يقطع البصل ولي ينتف الطيور ولي ورااا اشجرة يتجدد المهم بعد الغشاء قبل المغرب ويمنه غابت الشمس طلعنا البيره ( بربكان ) شافها الشايب سيف قال وش ذا قلو بيرة تهضم الاكل ..:mad: تمعر وجهه وقل والله مني جالس معكم الا انكم ترمون البير ه انتم ماتخفون الله وتاعضون الناس وتقرون ونتم سذا ، والله انا خابركم ارجال :D تبسمو جميعاً وقلو يا سيف هذي مو حرام هذا شراب شعير !! قل هذا البلا ارموها ولا مشيت :mad: قلو ولا يهمك يابو محمد هذنا رميناها . وطول اليل وهو يهذري في البيره والمسكرات . اشكوى لله .. تحمل يابو جراح وخابرنك شبابي .. ون ماجلسو معك وشرواك اجل من يجلسون ويتعلمون المراجل معه .. مع الي ادشر منهم .. اجدد التحية |
والله من الحبرشة هههههههههههههههههه
بسم الله الرحمن الرحيم الصراحه ياخشم الحصان إن الموضوع رايق ... أول شي إذا كان هاللي أبطلع معهم أمون عليهم وتسد طلعت معهم قبل كذا أكثر من مرّه ... الصراحه أبتفاجأ :eek: ... ويمكن تتغير النفس :cool: معهم وقت الرحله ... إلين نرجع ويصير خير بالديرة :mad: ... أما إذا كانوا أول مرّه أطلع معهم ... فلازم قبل مانمشي أحط براسي إني أبواجه كل شي ... من الزين والشين ... عشان نهيئ النفسية للي تبي تواجهه بالرحلة ... (( والنصيحه واجبه لابد منها ... مع إن هالوقت النصيحه مع أخوياك يالله يالله باللكاعة عشان يبطل اللي يسويه )) لاهنت ياخشم ... وبيض الله وجهك ... وننتظر المزيد ... من هالمواضيع ... ولو أي شي بالمقناص .... ,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,, |
القاعده الذهبيه هى ان كل شخص حر طالما انه لا يتعرض حريه الأخرين فمثلا موضوع تدخين السجاير والشييشه طالما انه فى مكان مفتوح ولا يعرضنى للتدخين السلبى فهذه مساله ذوق وتقدير وخاصه لغير المدخنين من كبار السن.و قس عليها ولكن اختيار الرفيق قبل الطريق من الأقوال المأثوره وشكرا اخونا خشم الحصان. وعلى فكره موضوع الثوم والحلبه ينطبق على موضوع الدخان وم شابهه.تحياتى
|
اقتباس:
كفيت ووفيت اخوي yys كلام منطقي وماعندي اضافه |
شكرا اخوي ابو جراح على الطرح الجميل ..
وانا مع اخوي ابو يعقوب بكلامه .. ويجب على كل شخص بلاه الله بالدخان او الشيشه .. انه يراعي مشاعر الجالسين .. |
اقتباس:
واحب اعقب على اخوي ابو يعقوب حنا هنا ما نتكلم عن انه ضايك ولا ما ضايك العكس ممكن انه يبعد عنك ويجلس حدر طلحه (ويتتن) لكن القضيه انك ما تتوقعها من هالرجال !!!!! لذلك اجد الحل المناسب انك تبين انك متضايق وتصير هالطلعة اولة تالية تحياتي لك يو جراح ولا يهونون الجماعه |
مشكور الغالي أبو جراح
أخي الغالي يجب على أي مسلم أن ينكر المنكر ولو بقلبه وذلك أضعف الإيمان أخوك أبو عبدالله |
مشكورين
الاخوه الغالين
السلام عليكم اشكركم كلن بسمه علي المشاركه في الموضوع والنقاش اي ان الموضوع مفتوح للجميع ولن يكون هنالك رد من كاتب الموضوع او نقاش احد بل الموضوع ملك للجميع ومن النقاش نستشف الفائده ولكن اين الباقين اخوكم خشم الحصان |
شكرا لخشم الحصان على طرح الموضوع
إذا حصل فيه احد يتتن ماني راجع ...وكلن ياخذ راحته ... المسألة إيزي وان حصل فرصة لروحة ثانية فما عندي مانع اخاويهم :D والكربات مالها سنع يابعدي |
أن كان في الخلا خله يعفر لكن البلا أن كان خويك في السيارة
العام الماضي تخاوينا ثلاثة من جدة إلى ابها عن طريق الساحل وقطعناه في عشر ساعات والعادة يستغرق 6 ساعات كله بسسب خوينا المدخن كل شوي وهو قايل وقوف ياولد ابي اطير الشراب مشكور ابومحمد على طرح الموضوع والله يهدي الجميع |
| الساعة الآن 05:50 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir