|
قولوا لخلي...كلمات((جمعان الخثيمي))..ونداء إلى الأستاذ((سليمان المطرودي))
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته كيف حالكم إن شاء الله دائما بخير ؟ هذه القصيده لها مناسبه أحتفظ بها لنفسي...ويهمني تعليق الاستاذ الغالي سلميان المطرودي وتكرمه علي بالنقد..فالمجامله تضرني..كما يهني مروركم وتعليقكمم أترككم مع القصيده جعل الهموم الي تزايد وطاها=في خافقي تنزاح ويرتاح بالي
تكثر هموم الرجل لامن نساها=يابو سعد والقلب ماهو بسالي من جاذب الونه يحس بلظاها=ويلقى لها مثل المحاميس صالي وما كل من واجه مصيبه قواها=إلا صبور للثقيلات شالي يامن لعين كل ما هل ماها=تلت عروق القلب تل الحبالي هي عبرة تسرق لعيني مداها=يابو سعد والشوف ما له مجالي عيني تهل الدمع مما لفاها=والقلب جاذب ونته بالليالي سبت عذاب الروح خلن جفاها=طال الهجر من عقب عز الوصالي قولوا لخلي يرهب اللي براها=فيها ويلطف بي ويلطف بحالي قلبي صويب والحنايا ملاها=من كل هم شيء مثل الجبالي يهتز قلبي والمحاجر سقاها=من دمع عيني ذكرك اللي طرالي يرتز في بالي عيون حلاها=لا سلهمت عود ربيع الخيالي في نظرته سحر ليامن رماها=يسحر بها رجل مع الحب مالي يعقل بها المجنون ليا من لقاها=ويتجنن العاقل بسحر حلالي في نظرته حلمن وكبرن كساها=وليا ارمشت ترمش برمش يلالي وليا اغمزت يا ويل قلب رعاها=انا اشهد ان الحب مر((ن))وحالي انا وصفت العين والعين جاها=من الوصف يثبت كمال الخصالي قولو لخلي هو لروحي دواها=وهو سنين قد مضت في الخوالي قولوا يخاف الله نفسي غشاها=من سهم عينه شيء طبه محالي وإن كان روًح والموده عصاها=فاناوليفي راح ودمعي بقالي وسلامتكم .......... ......... ........ ....... ...... ..... .... ... .. . |
وعليكم السلام ورحمة الله وبركاته
تكثر هموم الرجل لامـن نساهـا يابو سعد والقلب ماهـو بسالـي اخوي جمعان تسلم على القصيدة وصح لسانك ولد ناصر |
صح بدنك..وسرني مرورك يا بو ناصر..
حياك الله |
وما كل من واجه مصيبه قواهـا ،،، إلا صبـور للثقيـلات شـالـي أنشهد إن ما للثقيلات ،،،،،،إلا جمعان صح لسانك وياجعلك على القوه |
اقتباس:
حياك الله |
حياك الله يالشاعر جمعان الخثيمي
وصح لسانك على هذه القصيدة وانا كما اوضحت لك بالرسالة ( لست استاذ الشعر ) ، وقد يحتمل رأيي الصواب او الخطأ فيما ذكرته بالرسالة ، وشاعر مثلك ليس بحاجة الى رأيي او تقييمي فقد استعرضك قصائدك بحكم انني جديد على المنتدى ووجدت انك تطرقت للكثير من اغراض الشعر وعلى مختلف بحوره ويغلب عليها المسحوب ، وقد استوقفتني قصيدة على الهزج الرباعي بعنوان ( المشهد ) اشكرك على ثقتك بي ، وهذا من حسن ذاتك يالغالي تأخرت بالرد هنا بانتظار ردك على الرسالة والمعذرة على القصور يالغالي وبانتظار القادم من قصائدك بكل شوق حفظك الله ورعاك |
تسلم يااخ جمعان على القصيده وصح لسانك --- تقبل تحياتي
|
يعقل بها المجنون ليا من لقاهـا ====== ويتجنن العاقـل بسحـر حلالـي صح لسانك يا جمعان |
صح لسانك يابو عبدالعزيز، قصيده جزله فيها المعاني والأحكام تسلم ودربك خضر. |
| الساعة الآن 02:22 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir