وعليكم السلام ورحمة الله وبركاته
الغالي أبوأشرف
في العام الماضي ذهبت لتصوير بعض الطيور في كورنيش الخبر قبل منزل الأمير سلطان
ودخلت بالسيارة والبحر كان وقتها جزر ...
مع بداية الشروق ..
المهم ... ذهبت إليه .. وسلمت عليه
كيف دخلت ؟
في الليل وكنت مادري عن المنطقة وجيت أديور حتى أرجع ولكن مافيه أمل وقعدت فيها !!
أنت ماتعرف المكان من قبل ؟
لا .. الحقيقة أني من أهل الرياض وجيت صدفة أتمشى !!
معك واير سحب ؟
لا
طيب كلمت أحد ؟
كلمت الشرطة ويقولون أنهم جايين بالطريق !!
........
إنتظرت مع الرجال حتى وصلت الدورية ( جيب ربع )
وبعد السلام .... نزل الواير ... وأنا أضحك من الداخل (
واير أبو 20 ريال )
ويشبك بالسياره ..... ويروح داعس وينتله وينطقع الواير
والحمدلله عدت على خير
أعتذر الشرطي ... وماقصر أعطانا رقم ( سطحه ) وقال أنا ماشي بروح " أسلم " ..
بعدها حضر جيب من نوع باترول " سلاح الحدود " وكانوا يناظرون .. فقط ويسولفون .. ويعلقون
سألتهم هل بالإمكان تساعدونا لأن الوقت يداهمنا والبحر بدا يقرب .... قال حنا تعبنا كل يوم نسحب 5 إلى 6 سيارات ..
اتصلت على أحد أقربائي ليحضر ويساعدنا بوايره وكذلك سيارته
و حصلت سياره بالقرب منا من نوع جيب لاندكروز والحمدلله كان رجل شهم و معه عائلته
ساعدنا بوايره 2 طن ... ولكن لامحاله
بعد ساعة تقريباً ... حضرت دينة ( السطحة )
وقلنا مافيه حل إلا .. ان يسحبه عن طريق الونش .... نزل الرجال الونش وكان قصير
ركبناه بالسياره .... وبدأ بتشغيله .. 1 .. 2 .. 3 ...
قال طق طق طق طق ..
وفجأة أنطقع الواير
على فخذي الأيمن .. والحمدلله جت سليمة مع شويت أحمرار .. وحرارة
مع أني بعيد لكن قدر الله وماشاء فعل
حاول الرجل أن يشغل ويسحبه بالدينه ... وماقدر
أحضرنا سيارتين من نوع لا ندكروز وكذلك همر ..... وركبنا الوايرات عليهم
حيث الهمر في المقدمة حتى يثبت الاند ويمنعه من الإنزلاق .....
وبعده الجيب ..
وبعده السياره الموحله
ولكن مافيه فايدة .....
وصل رجل الله يجزاه كل خير مع عائلته ..... وقال لاتحاولون
بدون الشيول ماراح يطلع
وقالنا أصبروا... حتى أدور .. وذهب الرجال ولله الحمد وبعد ساعة تقريباً
أتانا ومعه الشيول ....
فقط ركبنا الواير 2 طن ......... على الأسنان
وبكل خفة ورقة سحب السياره وأخرجها من الطين وبكل سهوله
هذا كان مكان الصبخه ويلاحظ الخشب و الأثر
واعذروني على دقة الصورة