[جمعان الخثيمي]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

هذه قصيدة فيها نصح للجميع ولكنها كانت موجهه للأخ الغالي/ عبيد بن حمد البكر الشمري...

وقد دار بيني وبينه موضوع عن الأخويه والصدقات

فقلت:

بعض البشر ياعبيد خوته عله=وبعض البشر خوته ترفع لك الراس
أما الردي باعد دروبه وخله=وخوت عريب الاصل عز ونوماس
رجلن عن السفلات عالي محله=يرقى بعيد الحوم مع كل قرناس
إن كان سوى خير رجواه لله=لا دور الدنيا ولا دور الناس
دايم على الدرب السوي حط رجله=وإلا دروب الشر ماهو بدواس
صافي فؤاده والحسد ما يدله=والطيب له مبداء وساس ونبراس
إليا جفاك الصاحب اللي تجله=وشانت ظروف الوقت والوضع محتاس
تبغى رفيق ينقذك قال لله=ماقدر على توريط نفسي وأحتاس
تلقى عريب الاصل يغزع لخله=فيه الكرم موروث والطيب له ساس
هذا الخوي واصحك بيوم تمله=رجلن عديم الجنس والناس أجناس

وسلامتكم
.............
...........
.........
......
...
..
.