يآمحمد ُالبحآر قلـبيً يحني
للصيد خص ولبرق الريش لاغير
والقيض كمل والنجوم ضهرنيً
وسهيل فوقً ونحترئ لاول الخير
وطيورنا يابو علي قرنسني
الشكر لله عالمن بالمقادير
بآقيً،اليا طاح الحياء واخضرني
كل الرياض وسندن المظاهير
ليا ركبنا فوقهن و سحبني
مسناد ما تطري عليه المحادير
مواترن في مشيهن يطربني
وللا العكاش يعانقن الطيايير
يطون بعيد الخد لا روحني
ان سمح الله دربهن بالتياسير
وانا طرب قلبي و شغلي و فني
وبغيتي يا بو علي هدت الطير
لا شفتهن في فيضتن يدرجني
متخالطات ارقابهن و النواوير
ليا بخصهن ناظره هدمني
جر السبوق و هدت الكف و السير
و ليا نحرهن خاربن خيشني
ثم قيدن مثل النياق المعاشير
و ليا علق في خربهن قوضني
متهاربات و يطلبن المعابير
و ليا تردى حظهن و ربطني
ثم جيتهن حوله و حدره مخامير
نديرهن باللي ندبها يرني
شد القريز مكايلن بالمعايير
يا خبلكم ياللي تقولون عني
متولعن و الطير كله مخاسير
يا لا يمي بالطير لا تمتحني
لا طالبن منك فلوس و دنانير
الشكر لله عايشن و متهني
و الله مدبرني على خير تدبير
لو الطيور قلوبهن يبخصني
حبي لهن جني ضيوف و مسايير
ما حاجتن طاروح هن ينحرني
و يربن في بيتي سوات الزرازير
مير الحسافه هن ما يفهمني
بهايمن تمشي على غير تفكير
الشاعر -الشيخ - عبدالعزير الصباح
رحمه الله