[هزيم الرعد]

دقشه........... انت ملصق الكشمت بغراء غريبه ماطاحت في السحله حقت الحليب

مع إني ما فهمت وش تقول ... هرجك كأنه هرج واحد كردستاني بس ضحكت عليه
أخيي شايب الصمان.. ياهلا والله
موضوع مهم جدا ورائع ...وأخيك اللي هو هزيم الرعد من ذوي الأوزان العالية يالله لك الحمد والشكر ..
ومن كم سنة قررت التغيير للأفضل وبديت أسوي رياضة الدراجة الثابتة همن المشي ..والحين لي تقريبا 4 سنوات على المشي يتخلله تقطيع أحيان لكن لي فترة الحين تقدر تقول 6شهور مستمر بالمشي + مركز رياضي لمدة شهر واحد .. الحمد لله صار فيه تغيير ...ولو إن التغيير هذا بسيط ... خسرت ثمن الوزن تقريبا ولله الحمد ومازلت أجاهد من أجل أن أخسر ما يقارب الثلث
امارس المشي يوميا لمسافة 3 كم ونصف والفترة الأخيرة زدناها لـ 4.5 كم وأكثر شوي تقريبا 4.7 كم
تقليل بسيط للأكل ..الصراحة الحمية مهيب جادة كثر ما المشي جاد يعني ملتزم بالمشي غير ملتزم بالحمية كثير ...
يكفيك الشعور الجميل اللي تشعره بعد ماتخلص من المشي وتاخذ لك دش ..تصير نفسيتك بالعلالي ..هذا غير الفوائد الصحية اللي انت ذكرتها
وأبو أحمد يبي يحكم إلامنه شافن ييقول لي أنت نحفت أو ييقول لا ما بان عليك
عموما انا مجهد هاليومين ومنب أكثر فطور ومشي وهرولة بسيطة ,, وأجيك أوزن وأثري زايدن كيلوين تقريبا
وأنا اللي اتحطم .. يوم شكيت معاناتي لأحد الشباب قال لي أنت شكلك ماراح تنحف لمين تمشي بالريوس
عاد اكتشفت إني وازن عقب الفطور يقولون أزين وقت للوزن إلامنك قمت من النوم وبعد ماتطلع من دورة المياه أعزكم الله
هذرت واجد بس الموضوع أثار الشجون لأنه من إهتمامتي
وأحب أقول لصقر ..إلامن الله أراد وشفتن ...قل لي إنك ناحف ياهزيم الرعد حتى لو تسذب لاتحطمن تكفى