المشاية الاخوه الغالين السلام عليكم قهوة مشرقنا اليوم بيرجع بنا الي ايام فيها من القدم الشي الكثير وربما مرت علي البعض قهوة المشرق اليوم عن المشاية وهذي صورة المشاية حقت عيال تالي طيب حقين منول وشلون مشايتهم هذ هي وشف الفرق بينها وبين مشايت عيال تالي من ناحية الراحه والديكور والامان وهو الشي المهم حيث ان مشاية منول لا يوجد بها اي شي يذكر عن الامان او الدناديش فتجد ان الطفل كثير ما يتعرض الي السقوط علي جنبه خاصة اذا كان على اول بداية وقوفة او على خشته اذا تفختت رجليه مع المشايه اي ابعدت المشايه عن البزر مايرد خشته الا الارض مالحاجه لابتكار المشاية الاولين عندما نشدناهم عن الاسباب قالو السبب الرئيسي اذا تاخر البزر عن المشي اي انه يرتاح للحبي اكثر لذالك صنعو المشاية وكذلك تفتك امه من شيله حيث ان هنالك اشياء تشغلها في البيت والبعض حريص علي ان وليده يمشي بسرعه علشان يقلون ولد فلانه او فلان مشى قبل ولد فلان والمشاية تمر على العائيله يعني مهوب مثل هالحين البزر الواحد تمر عليه ثلاث او اربع مشيات من زود الفسق والتبذير واذا انتهو منها وقام الولد او البنت تمشي رفعوها في (الصفه) اي المستودع يكيف يتم صناعة المشاية صدق من قال ان الحاجة ام الابتكار او الاختراع اهلنا منول جعلهم في الجنه امين خذو حقهم من الذهانه وهذي احد الابتكارات يؤخذ اغصان وافرع شجر الاثل الصغيره او الاتي لا يحتاجها النجار في صناعة الابواب اوالسحاحير حيث يقوم بالزدوم بنجر العيدان التي تتكون منها المشاية اما الكفرات فانه ياخذ غصن اثل متين ويكون قد وضع فتره طويله في الظل اي ليس في الشمس والاسباب حتي لا يتصدع او يتشقق الغصن من الحراره بعد ذلك يقوم بالقص من الغصن ثلاث دواوير لي هي الكفرات ثم ياتي بالفرجار ويقيس القطر او نصف القطر والزايد من الكفرات يقوم ببرده حتي تصبح الكفرات بمقاس واحد ثم يقوم بثقب الكفرات ثم بعد ذلك يلف علي طرف العود حق الكفرات (زد) جلد رقبة هرش (يدق له الماء علشان يشرب) بعد ان يدخل طرفه في خفس قد خفسه في العود حق الكفرات والطرف الاخر يثبته بقمع او يستعمل المسمار او ينجر عويد ثم يثبته في الخفيس والشيبان يقلون ان (الزد)احسن ويعمر اطول اما المسمار مع الوقت يحفر في الكفر والعويد مع الاحتكاك يتاكل (ذهنين الله يجعلهم في الجنه امين) ....... طيب البعض يقول ورا هذا ممسكه عريض والاخر ممسكه صغير او الدركسون هل هذي حق البنيات الله يستر عليهن والعريض حق الاولاد الله يصلحهم امين قالو لا .... قلنا ليش اجل قالو العريض هذا حق بعض البزران لي صديراتهم مشاء الله عريضه يعني سنه صدير (كنغر) صغير وذريعاته مشاء الله ماليانه سنه استك سيكل سته وعشرين لذالك يصعب عليه انه يلايم ذرعانه ويدف المشايه لذلك صلحنا الممسك او الدركسون عريض اما لي دركسونه صفير هذا لي مايكلون اهله حنيني وتمر ولا يشربون حليبه يعني وليدهم سنه فرخ عصفور يكون صديره وذرعانه علي قد دركسون المشايه هذا ياخواني نبذه علي عجل عن ادوات كانت تستعمل في الماضي ارجو ان اكون قد وفقت في طرح الموضوع وتقبلو حبي وتقديري اخوكم خشم الحصان ............... نغزه........... الحين عرفتو ليش روسنا كبار بلا من كثر الدبجه علي جوانب الراس دقشه.......... وشلون تعرفهم اذا شفت البرطم العلوي مرتفع سنه كبوت فورد 56 فدر من كثر طيحاتة علي خشته صدمه....... من الصعب ايجاد مقاس طاقيه بسبب عدم انسيابيت الدمجه همسه........... الله يرحم اهلنا ودهم يوسعون صدورنا ولكن امكانياتهم محدوده ومع ذلك ندعو لهم بالمغفره والرحمه امين ................................. نرجو ذكر المصدر (الرحلات) عند النقل