سألني حبيبي وعزوتي وأقدر أسميه جنيني << أصبروا وتعرفون وش سالفة المدح أقول لكم سألني إبن أخي عن كشاف يكون قوي ومتين ولك وللزمن قلت له أدخل موقع الرحلات شف هالكشاف .. شور فاير ... هالكلام من فترة ... اليوم مشى الرياض ...وراح للمحل بعد ما مرمطن كل يوم متصل يقول لي وينهو الموضوع ..وش إسم المنتدى ...من اللي كاتبه .. المهم صبرنا اليوم أثمر .. وش أثمر عنه ؟! أثمر عن كشاف شورفاير جانا هدية من ولد أخوي العزيز << هالمدح في محله إتصل علي من المحل ...وقال لقيته بـ 170 ...ويشتغل على بطاريات ليثيوم ويقول دخل المحل زبون يبي له بطاريات لنفس الماركة وسألته عنه قال إنه معي من ثمان سنوات ..ماإشتكيت منه أبد ولا هنا أروع منه عاد قلت له أرسل لي صوره بالوسائط ...وأرسلهن لي ويقول مافيه إلا لون أصفر فقط وبدون أي إكسسوارات ... ويقول لقيت نوع ثاني بإكسسوارات مغرية جدا وبنفس الحجم وجودته جيدة جدا حسب كلام صاحب المحل ..بس تشاورت أنا وإياه على الجوال على " شين تعرفه ولاشين تجهله " عاد يوم جا طاري اللون الغريب العجيب " اللي هو الأصفر" قلت له عشان بالليل يكون باين إلامنك ضيعته ...أنا عندي جارمن إيتريكس ولونه أصفر مثل هذا قريت في كتالوجه إن هاللون مخصص عشان يكون واضح لما يكون على الأرض ومايضيع . . وهذي صورة الكشاف الشورفاير . . عاد تلومونن بولد أخوي إلامني حبيته .. "" وجه حق مصالح ""