بسم الله الرحمن الرحيم
والله ياعليك مواضيع ياراعي ساموده ... لكن حلوه بالحيل ...
من ناحية أطول مدّه جلسناها بحدود 19 يوم ... مقناص بدون خيمه ... طلعنا من الرياض سيييييده على رفحا ـــ لوقه ...
بدأنا المقناص من هناك ... وآخر المقناص طلعنا من عند شويه ... وكانت من أجمل الرحلات 
...
ــــــــــــــــــــــــــــــــــــــــــ
وبعدها مادخلت البيت إلا بواسطه قويّه (من الوسخ) ... جيت للبيت وكنت مشتاق للأهل ويوم فتحت الباب ودخلت يقالي مسويها مفاجأه ....
وفجأه صرخوا حرامي ... حرامي ... حرامي ...
بغيت أروح فيها بفشقه وتصير (( نهاية رجل مبطي عن أهله )) 
...
وواحد من أخواني غايلني
ويقول دقوا على الشرطه ... وأنا أقوله فك فك أنا أبو شعلان ...
ويالله يالله صدّق يوم طلّعت إثباتي وحكيت الوسخ اللي على حبّت الخال اللي بخدّي>>> (علامة جودة )... يالله إقتنع وفكني ...
وبعدين وشلون حرامي وداخل وهو مبتسم 
...هذي ماهضمتها إلى الحين ...
بس تبي الصراحه عرفت إن معهم حق بعد مافصخت الثوب ... لا لا مافصخته أنا طلعت منّه تصدّق إنه وقّف وأخذله إسبوع ماتحرك هالثوب ...
شهاب في شهاب ... الخدود تقل صنفره من المشق ... واليدين من كثر مخوش الطير صار بوحده من اليدين 7 أصابع ...
وفي النهايه أخوي راعي ساموده ترى كل ماسبق ذكره من تحت الخط غير صحيح 
فقط للتسليه ههههههه
وإلا أنا عكس ذلك تماماً ...
والله ياأنا طولتها بعد ...
عموماً مشكور كل الشكر على هالموضوع الرائع ...
وننتظر المزيد ... من كل جديد ...
,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,