بسم الله الرحمن الرحيم ياجماعة الخير إسمعو وأعو ... إجتمعنا في رحله أنا وبعض أعضاء المنتدى يوم الإربعاء والخميس وكانت من أجمل الرحلات (( مشروع تسمين )) . وفي يوم الجمعة الصبح جتنا هاك العجّه اللي تاخذ من الأرض شبر على ماقال الشرهان ... وحنا شمال التنهات بين هاك السدر ... المهم كدّر علينا العج وتفرقنا وتوادعنا وأهل الرياض مسكو الخط وكانو سيارتين أنا و المغترب بسياره وأخونا ثهلان بسيارة ... كنا مسرعين مع الخطوط اللي عند التنهات ... قلت للمغترب إنتبه إنتبه إنبته جرف قوي ويالله يالله ردّ الموتر بنمرة مع الجلنط والحمدلله الله ستر علينا وطاح الكفر اللي قدام وتعلّق الموتر وعلى طول راسلنا ثهلان وجاء وسحبنا ... ويبنما حنا ننتظر ثهلان ألتفت وسط الجرف وأناظر هاك العزبة الصغيرة وبعدها بمترين دافور سمين كن له كرشه ههههه وفيه حطب منتثر يمين ويسار ... المهم جمعّت هالأغراض وحطيتهن بالسياره ... وحطينا إحداثية غار حول بويب ورحنا وتغدينا وبعدين جبت العزبة الصغيرة أبشوف وشهي ... طلعت عزبة قهوة تركيه وش حليلها ... طقطقنا القهوة التركية كله ... عاد اللي مشبه عليها أو فيه أحد يعرفها يبلغني الله يجزاه خير ... ما أحب أبلش بأغراض ماهيب لي ... ... هذي صورة الدافور وهذ شنطة القهوة التركية منثولة وهذا الدافور مشخّص وش رايك يابو فراس وش كنّه ههههه ... ههههههههههههه بشّر ياشايب الصمان عساك عرفت راعيهن تراني بلشت بهن ... ,,,,,,,,,,,,,,,,,, تحياتي ,,,,,,,,,,,,,,,,,,,
...