الكيف لهل الكيف وفيت وكفيت يابو جراح
يقول الشاعر المرحوم محمد القاضي رحمة الله تعالي والذي ولد في مدينة عنيزة عام 1224 هـ وتوفي فيها عام 1285 هـ عاش حوالي 61 سنة إحتواها منذ صغرة با الخصال الحميدة التي كانت مضرب المثل به ورمزا للكرم حيث كان رحمة الله كريما إلي حد يفوق الوصف
يـا مـل قـلـب كــل مــا لـتـم الأشـفـاق* مـن عـام الاول بــه دواكـيـك وخـفـوق
كـنـه مــع الــدلال يـجـلـب بـالأســواق*وعاميـن عنـد معـزل الوسـط ماسـوق
يجاهـد جنـود فـي سواهيـج الاطـراق*ويكشـف لـه اسـرار كتمـهـا بصـنـدوق
الى عـن لـي تذكـار الاحبـاب واشتـاق*بالـي وطـاف بخاطـري طـاري الشـوق
دنَّيـت لــك مــن غـالـي الـبـن مــا لاق*بالكـف ناقيـهـا عــن الـعـذف منـسـوق
احمـس ثـلاث يـا نديمـي علـى ســاق*ريحه على جمر الغضى يفضح السوق
وايــــاك والـنـيــة وبــالــك والاحــــراق*واصحـا تصيـر بحمسـة البـن مطـفـوق
الـى اصفـر لونـه ثـم بشـت بـالاعـراق*وغدت كما الياقـوت يطـرب لهـا المـوق
وعـطـت بـريــح فـاخــر فـاضــح فـــاق*ريحـه كمـا العنبـر بالانفـاس منـشـوق
دقــه بنـجـر يسـمـعـه كـــل مـشـتـاق*راع الهـوى يطـرب الــي دق باخـفـوق
ولـقــم بـدلــة مــولــع كـنـهــا ســــاق*مـصـبـوبـة مـربـوبــة تــقــل غــرنــوق
خـلـه تـفـوح وراعــى الكـيـف يشـتـاق*الـى طفـح لــه جـوهـر صــح لــه ذوق
أصـغـر قـمــوره كـالـزمـرد بـالاشـعـاق*واكبارهـا الطافـح كمـا صافـي المـوق
زلـه علـى وضحـا بهـا خمـسـة ارنــاق*هـيـل ومسـمـار بالاسـبـاب مسـحـوق
مع زعفـران والشمطـري الـى انسـاق*والعنبـر الغالـى علـى الطـاق مطبـوق
فـلـى اجـتـمـع هـــذا وهـــذا بتـيـفـاق*صبـه كفيـت العـوق عـن كـل مخـلـوق
بفنـجـال صـيـن زاهــى عـنـد الارمــاق*يغضـى بكرسيـه كمـا اغضـي غرنـوق
الـي انطلـق مـن ثعبتـه تقـل شـبـراق*أو دم جـــوف امـــزع مــنــه مـعـلــوق
خـمـر الــى مـنـه تسلـسـل بـالاريــاق*وعلـيـه مـــا صـافــي الـــورد مـذلــوق
راعـيــه كـنــه شـــارب ريـــق تــريــاق*كاس الطرب وسرور مـن ذاق لـه ذوق
يحتـاج مـن خمـر السكـارى إلـى فــاق*طـفـل تـمـز شـفـاه والعـنـق مفـهـوق
عـبـث يمـيـل بحبـتـه مـــا بـعــد مـــاق*وهــو يـزاهـي بـاهـر الـبـدر بـعـشـوق
بيـن اشفتـيـه الــى غـنـج حــق بــراق*عجـل رفيفـه بالطهـا يعـطـى اطـبـوق
سطـر كتـب مـن حبـر عيـنـه بــالأوراق*خـديـه صـاديـن ونـونـيـن مـــن فـــوق
كــن الـعـرق بخـدودهـا حـمـر الارنــاق*ينثـر علـى الوجنـات باللـون مشـعـوق
بالعـنـق كــن المـسـك والـخــد بـــراق*والمشخص بصدره كما الشاخ مدقوق
يمشـى برفـق خايـف مـدمـج الـسـاق*يفصفم حجول ضامها الثقل مـن فـوق
الــى حـصـل سـاعـة وانــت مـشـتـاق*فاقطـف زهـر مـالاق والعمـر ملـحـوق
فيـلا حـضـر ماقـلـت عـنـدي فــالارزاق*بـيــد كــريــم كــافــل كــــل مـخـلــوق
وصــلاة ربــي عــد مـــا بـــارق حـــاق*علـى النبـي الهاشمـي خيـر مخـلـوق
ويقول الشاعر الامير زيد بن سلامة الخوير ... توفي بحدود عام 1334هـ رحمه الله
قال الذي يبدع على كل قافي ............... من ضامرٍ ياتن رْيامٍ مواليف
بمنومسة لقم على بكر صافي .............. عليه من شغل ابن سكران توليف
خلّه ليا ماتونس النذل غافي............ وقرب دلالٍ مثل بطٍّ مهاديف
بدلال ماعنهن سنا النار طافي........... بوجار من لادونهن بابهم جيف
مبرهجٍ تسفي عليه السوافي........... من خلْقته ماطق في ركزة السيف
واحمس ولقّم بالعجل يالسنافي........... بشاميةٍ طرّف لها الجمر تطريف
حماسها قرمٍ من الغوش شافي.......... دايم يقلبها حريصٍ على الكيف
وزلَّه وصَفَّه عن سريب المصافي .......... من خوفة أحدٍ قال بالكيف ياحيف
كِنَّه ليا منه غشاها الرّعافي......... نثر الذّهب من فوق لوح المشانيف
وبهارها من يمّة الهند لافي......... في مركبٍ يقداه زجر العواصيف
وان كان تزمل من طيورٍ هوافي......... بيضٍ فسدّ أفواهها باشقر الليف
فنجالها لاشف بين الأشافي ......... لاكن يجذب من شفا شاربه شيف
يبرالها من مير فِجّ الخوافي....... بكايرٍ تِرْمَهْ سهيلٍ ليا شيف
صبه لمن يثني خلاف المقافي......... يوم الفرنج يقذِّف الملح تقذيف
ونفَّل بها اللي للمروات وافي.......... مادوَّر التَّجْرات به والمصاريف
اللي لياغليت شراها جزافي ........... مارطّله عند الدلاليل بنصيـف
ياسامعٍ مني علومٍ تشافي ........... خذها من اللي نافلٍ كل عرِّيف
دنياك لو ضحكت تراها بخافي ........... يبرم دواليب الشِّقا والتكاليف
إنهب منه من قبل مالعمر يافي ........... صيٌّور ماتقفي ركابك مواجيف
صيُّور عمرك ناهجٍ للذلافي.......... سمر الليالي تكمله بالتتاليف
صيُّور مايمسي لظى الجمر طافي.......... دنيا تفرق كل ربعٍ مواليف
وليا حصل عزٍّ مع الكيف كافي ......... ماني على الدنيا كثير التحاسيف
وهذه قصيده للشاعر / عضيب بن شلاح الحربي ... يذكر فيها مجالس القهوة ويصنف الرجال حسب رؤيته ...يقول
ياما حلا عقب العشا شبة النــــــار *عقب الهجوع لا رقد كل كوبـــــــه
بقفرية ياعبيد يودع له اشعــــــــار*وسواة فنجال يشوق بصبوبـــــــه
حبه على المطلوب من بن وبهــار*يعجبك بالفنجال صبغه وروبـــــــه
كيف يجوز لشارب الكيف والكــــار*لو دوروا به غمزة مــــا لقوبـــــه
في مجلس فيه المشاكيل حضــــار*بغيبة ردي الحظ عنهم بنوبــــــــه
اللي يخزوون المسير بالانظـــــــار*تكاظموا واللي جليس شوشوبــــه
تلافتوا على بعضهم بالانظـــــــــار *وتغامزوا مابينهم وضحكوبــــــــه
الناس فيهم يافتى الجود هــــــــذار*مسترحل لبليس زين ركوبـــــــــــه
عراض غرة مسلم غافل غـــــــــار*يعرضه للناس لو ما حكوبـــــــــــه
دايم لغرات الاجاويد عقـــــــــــــــار*يظهرعيوب ولا درى عن عيوبــــه
وفيهم تبيني لايسرك ولاضـــــــــار*ماغير يحسب للربايع ضروبــــــــه
وفيهم حصيني قبوع قمــــــــــــار*يوصف على ماقيل به طير ذوبــــه
وفيهم بليهي على الكود صبـــــــار*يصبر ولو زادت عليه الصعوبـــــه
لا جا زمان فيه غلين الاسعـــــــــار*غدى لربعه بالمكاييل جلوبــــــــــه
وانا جا نهار الضيق بالموسم الحار*يرخص بعمره مايعد محسوبـــــــه
الاخ ابو جراح بيض الله وجهك على فتح موضوع كهذا
تقبل تحياتي