أخوي بسام... لك كل الشكر على جهدك الطيب
رائع كعادتك...
ماشاء الله ...الله يبارك لك بهاالشغل الطيب.
استميحك في الرد على الأخ سعد:
اقتباس:
المشاركة الأصلية كتبت بواسطة سعد
مشكور ما قصرت على الشرح بالصور لكن كيف تثبيته وهل تركيبه وفكه سهل انا عندي مثل سيارتك لكن وش رايك بالسله الخلفيه للحطب والاشياء اللي فيها حمل اكثر مقارنه بالسله اللي فوق التنده مع ان كلهم منظرهم لك عليه لكن الحاجه
|
أخوي سعد.. أختلف معك في أن السلة منظرها لك عليه...فهي تعتبر مخفية لمن لا يفضل منظر السلة على الموتر.
السلة الخلفية على لسان من جربها: تعوق استخدام الباب الخلفي..تشكل طول اضافي خلف السيارة يجب اخذه بالحسبان عند الرجوع للخلف أو ادخال السيارة في موقف جانبي...أيضا من مشاهدتي للسلة الخلفية على الاكسبدشن و اليوكون في الطرق السريعة.. لاحظت ان خشم الموتر مرتفع و قفاه نازل في حال الوزن الثقيل على السلة.
الأخ بسام بيفيدك انشالله في سهولة فك و تركيب السلة
لك الشكر