أنا هوى بالي طويلات الأعناق = دلال رسلان لها وسط وعنوق
جيب الهشيم وشفت للنارسوراق= شفت السنا من مفرق الجمر مفهوق
اليا فاحت اللقمه ترى الهيل لحاق= يازين كف الهيل بالنجر مصفوق
اشرب دق الهيل يامال الاعتاق = خل الشفاوي يسمع الهيل مدقوق
ليا من راع الكيف من مرقده واق= ادعه على الفنجال والحي مرزوق
يوم الهدوس بسكرة النوم غراق= يا ماحلا صوت الفناجيل مسيوق
بيت يزورونه شريفين الأخلاق = بيت شريف وراعي البيت ماثوق
مدهال من يعبالهم صلف الإطلاق=واللي تشايل ديدها تقل جالوق
صفرا إلى حنت عطيفه تفهاق= جاها حويرها من الحبس مطلوق
وناسة الخاطر يزبلن الاغلاق= ودنياك ما داوم طربها لفاروق
صيور زفرات الهبايب بالادواق= لابد من يوم يصير الهوى دوق
من حسب الدنيا على جبر ودقاق = ماطاب عيشه لو يحوق الذهب حوق
ماضاع حرفي على السفن حداق= ولادام من عد الذهب وزن وعروق
والبخل ما يغني رديين الاوفاق= كثيرهم ثوبه على المتن مشقوق
لوتشنقه مادرك ثمن موس حلاق =ان كان ماحد خلصه مات مشنوق
والجود مايضعف زكيين الأعماق =اللي على الزابن دفع منهم السوق
مكرمين الضيف بكبار الاشناق=جل الغنم والا عداو من النوق
يفداهم اللي لاشرف السلم هتاق= اللي ولد جاره من ابناه مفلوق
وصلو على المختار مالاح شعاق = مانزاح ليل وبزت الشمس بشروق
..=..
>>>>>>>>=>>> الشاعر مرشد البذال يرحمه الله
فتى الرابيه ’’’’’’’’ راااااااااااااائع ورحم الله أخونا مرشد رحمة واسعة