مشكور اخوي على المشاركه واسف لاني قمت بتنسيق القصيده
الى ريف النشاما مع التحيه
اليوم في قلبي من الوجد لهاف=اخطف اخبار الطراقي تخطيف
سمعت علم حط بالقلب رجاف =وامسيت من علم الخبر خارب الكيف
ياسعود يعله خبر كل مزهاف=ماكان يعرف من رجال عواريف
ياسعود من دورات الايام ينخاف=كل النفوس معرضه للصواديف
النوم والمطعوم والضحك ينعاف=لين افهم المعنى بكل التواصيف
اما ضحكت من الفرح ضحك ميلاف =والاعملت لطربة البال توقيف
ياليتني بسرارالاخبار عراف =اليوم اسنع وش خبر مكرم الضيف
امالقيته مثل حر بمشراف =والاصفقت الكف بالكف تعريف
ليت الدبور اللي للعمار قصاف=يبطي عن اللي فعل يمناه قد شيف
هذا هواي وكل نفس لها اهداف=الخبر يحكم فيه والظن تهديف
ومن يدعي بكمالة العرف ماناف =ومن عاف فكر الناس في فكرهم عيف