وهذي شكوى يابو شعلان مقدمة من الضب
الضب قدم للوزارة شكية=يقول انا مظلوم وسط الصحاري
الحيوانات تعيش عيشة هنيه=وانا مع الكبسات تحت الكباري
مسكين مالي واسطة خارجية=الواسطة عند الضبا والحباري
اشكي من الازمة ظروف قوية=خصوصا وقت الصيف والجسم عاري
محمية الغزلان دون الحوية=وانا مقطع وسط الرز البخاري
انا لحالي عيشتي جاهلية=انصاد لو اني بالبنك العقاري
في سوق منفوحة يحرج علية=مكتوب اسمي في السجل التجاري
احتج واقدم للازمة قضية=ممنوع صيدي بالسلاح الناري
اعيش انا والحباري سويه=مافيه فرق بين هيس وهواري
اذا طلعت ابتمشى شوية=وايا الددسن كوم تضرب بواري
الصيد جرى يتمشى واهنيه=في محمية الغزلان وام القماري
وانا مسلسل طاش يضحك عليه=وين التقدم والاسلوب الحضاري
كيف الورل مرتاح وانا خويه=يلعب معي بالليل بعظم ساري
ان ما لحقت عليه منيه=وان عاش راسي تاكلونه اجباري
يا ناس روحوا صيف ابها البهية=حفر العتش ما فيه غير الغباري
وسلامتكم