Canon PowerShot SD900 كاميرتي

[سهيل]

هلا بالرحلاتية كلهم كيفكم طيبين الله يتمم عليكم بنعمته

قدر الله علي وشريت هالكمرة من جرير بسعر 1600 ريال ونفس السعر لدى جيان

طبعاً دقتها 10 ميجا بيكسل وهاذي بعض الصور لها

وهاذي ملحقاته طبعا ربعنا يضفون نص الملحقات الله يهديهم ويبوعنها مفرده

اتمنى اراء اخواننا الأفاضل

مع محبتي

[ولد نجد]

ماشاء الله مواصفات قوية ..بس يبلها ذاكرة اكبر من 32 ميقا
الف مبروك اخوي زوووم .. لكن وين زكاتها

[الجارمن]

اختيارموفق
لكن ممكن تعطينا مواصفات الكاميرا التفصيلية

[العنبري]

ماشاء الله

مبروووك عليك الكاميرة الجديدة

ان شاء الله نشوف ابداعاتك قريبا

وباذن الله لي عوده الليلة بمواصفات الكاميرة التفصيلية

لاني مشغول هالحين

تقبل تحياتي

[سهيل]

ولد نجد اكيد اخوي 32 ماتسوي شي
وزكاتها ان لاحال الحول
الله يطيب فالك


هلا بالجارمن صراحة انا مالي بالكاميرات مره
بس اخوي صقر موصي عليها ومابعد صقر
كلام ليت احد الاخوان يتفضل بمعلومات عنها


العنبري تسوي اخوي خير الله يشرف مقدارك

رفيقك طاف انواع التصوير ماخليت جدار ماصورته
نحاول نطلع افضل وضعية
ياليت تفيدنا بمواصفاته

للجميع تقديري

[محمد المعارك]

مبروك اخي زوووم
الكاميرة ميزتها صغر الحجم مع 10 ميغا بكسل ... قمة الروعة .

الله يطعمك خيرها ويكفيك شرها .

وننتظر أولى رحلاتك بهالكاميرة المبروكة .

بارك الله فيك.

[أبوعبدالعزيز]

اخوي زوم كميره رائعه وصورها ممتازها والوانها قمه

فيه بس انه لا يوجد فيها مانع اهتزاز

[سهيل]

اخوي صقر امين والله يجازيك بخير
وابشر باللي يسرك
والله يبارك فيك اخي الكريم


ابو عبدالعزيز مشكور لمرورك الكريم

ومثل ماتفضلت تنقصها هاذي الميزة
سلامي للجميع

[ابو صقر]

بسم الله الرحمن الرحيم

مبروك ياخوي زووم
الله يعطيك خيرها ويكفيك شرها

وبنتظار ابداعاتك

ماهوب لازم ننتظر للرحلات الجايه تلفت حولك تلقى شي زين اكيد

بالتوفيق يالغالي

[سهيل]

الله يبارك فيك اخوي ابو صقر

مرورك اسعدني وعن قريب ان شاء الله

بتشوف صورها

لك تقديري

[عبدالكريم اليوسف]

بالبركة يالامير
ومادام صقر هو اللي شار عليك
ما بعده حسايف

لاتبطي علينا بالابداع

اخوك

[سهيل]

هلا بالغالي ابو محمد الله يبارك فيك

ويسلم استاذنا صقر

مالك الا الي يطيب فالك ابو محمد

تقديري لك

[سهيل]

وهاذي من الميزات اللي صراحة

اعجبتني في هاذي الكميرة

ميار الله يصلحة وعناق مع فشقة جحة




محمد راصه على الجدار لين اخلص




وهذا كوب شاهي





اتمنى ان تحوز على رضاكم


محبكم زوووم

[العنبري]

هلا والله باخوي زوووم

اسف على التاخير نظرا لانشغالي

بالنسبة للكاميرة انا لم اجربها ولم اتعامل معها

ولكن ساسرد لك مواصفاتها واحكم عليها من خلال المواصفات

10 ميغا بكسل مايحتاج كلام

السنسور 1.8/1 جيد

الايسو Auto, 80 ,100, 200, 400, 800, 1600 ممتاز

ماكرو 5سم جيد

فتحة العدسة F2.8 - F4.9 لا باس بها

الشتر 1/2000 مناسب جدا

تصوير الفيديو ممتازة

الذاكرة 32 MB SD قليلة وينبغي شراء ذاكرة اعلى منها

مثلا 1 غيغا فهي رخيصة بحوالي 60 ريال تقريبا

حجم الشاشة 2،5 ممتازة

والوانها عالية جدا 230،00 بكسل

عموما مواصفات الكاميرة ممتازة وشركتها غنية عن التعريف

والله يطعمك من خيرها ويكفيك شرها

وان شاء الله نشوف ابداعاتك قريبا

تقبل تحياتي وتقديري

[سهيل]

اخوي العنبري الله يخليك لعين ترجيك

الف الف شكر على هالمعلومات الوافية الكافية

وهذا المجهود الرائع لك تقديري اخي الكريم