في إحدى رحلاتنا الى مهرجانات المناطق وبالتحديد محافظة الدوادمي كان من الواجب المرور على الغالي الأخ محمد بن سيف(عليم العطش)، والسلام عليه في مزرعتهم في بلدة الشعراء اللتي تبعد حوالي 30 كم الى الشرق من مدينة الدوادمي.
مزرعة محمد بن سيف على يسار الذاهب الى بلدة الشعراء لا يجاورها أحد سهلة الوصف
المزرعه أو الإستراحه، وهي فعلا إستراحه، هدوء رهيب وأرض مد النظر.
انا غرامي في أرض نجد الوسع والرقه إللي العين ما تلحق مداها، هذي المزرعه ماشاء الله قدامكم بعد ما تعدينا البوابه وأبو عبيد في انتظارنا
هذي عادة أبو عبيد يترك مكانه ويروح للضيوف
كان معي إثنين خاووني للدوادمي وهم راجح البشري من قرية الشاميه قرب عسفان ويوسف الخطابي من مكه المكرمه
يامال العافيه يابو عبيد على طول خش سوالف مع أبو مبارك
وقبل المغرب نقلنا على الدكه، هبوب زين ومنظر أزين
طولنا مع أبو عبيد، ماودنا نقوم والربع منتظرين في الدوادمي، وهذا اللي جالس في اليسار من عياله أو عيال اخته
أبو عبيد لزم علينا نبيت عنده الليله الثانيه، وحصلنا عنده خالد الشريهي وغالي الغالي من حفر الباطن وكلهم جايين على مهرجان خريف الدوادمي 1430 هـ
أيضا حضر أبو علي (جلمود الجبيري) من الرياض وأبو دوخي وفهد الدخيل وولده عبد العزيز.
نشكر أبو عبيد على كرمه وحفاوته.
*******
قهوه في مزرعة محمد بن سيف
العرض العادي
