كيف تقنص......(..قرناس..الشمال..)

[قرنآس آلشمآل]

هذا ثاني موضوع لي في هذا المنتدى وهو عن كيف تقنص
حبيت اطرحه بينكم ونستفيد منه..ونشووف تفاعلكم،،،

موضوعي يتكلم عن مقناص معشووقة الصقاقير..(الحبارى)،،،



كل صقار ليه طريقة مقناصه وله اسلوب وله امكان يميل لها اكثر من غيرها،،،


ابي كل صقار يقول لي؟؟،،


وشلون يجيك احساس ان هالارض حروه..؟،،،


وش تحب النفوود والا الوعر..؟،،،


فيه نبات معين اذا شفته تحب تدوج في الارض..؟،،،


تحب تقنص القيعان والمصاطيح والا المسايل والشعبان..؟،،،،


وانت قانص تحب احد معك بالسياره والا لحالك..؟،،،


تحب سياره وحده والا اكثر من سياره وانت تدوج..؟،،،،
،،،،،،،،،،،،،،،،،،
،،،،،،،،،،،
،،،،،
،،،
،،
،
اتمنى من الجميع الاجابه على هذي الاسئله ،،،،


وانتظروا جديد قرناس الشمال المشوق والممتع باذن الله،،،،


تحياتي للجميع،،،
اخوكمـ المحب لهاذا المنتدى (قرناس الشمال)

[ثامرالماضي]

حياك الله أخوي قرناس الشمال ... موضوعك مشوّق وأنا بجاوب على الأسئلة ..


وشلون يجيك احساس ان هالارض حروه..؟،،،
إذا كانت خلا وفيها متاقي للحبارى ويتخالط فيها الحصى والرميلات ونبتها عرفج أو حمض يزيد الأحساس .

وش تحب النفوود والا الوعر..؟،،،
أميل إلى الوعل بشرط إنه يسترمل .

فيه نبات معين اذا شفته تحب تدوج في الارض..؟،،،
الحمض والعرفج والعاذر والكتاد والقيصوم

تحب تقنص القيعان والمصاطيح والا المسايل والشعبان..؟،،،،
ياحبي للمسايل والشغايا .

وانت قانص تحب احد معك بالسياره والا لحالك..؟،،،
بلحالي زين وإذا معي أحد أبرك وأزين .

تحب سياره وحده والا اكثر من سياره وانت تدوج..؟،،،،
أكيد أكثر من سيارة .


لاهنت ياقرناس الشمال ... وننتظر إجابتك على الأسئلة ...

ننتظر جديدك بشوق


أخوك أبو شعلان

[عبدالكريم اليوسف]

وعليكم السلام ورحمة الله وبركاته

موضوع جميل
لاعدمناك
وارجو التفاعل مع الموضوع من الصقاقير

[ثامر الخالدي]

موضوع جميل أخوي قرناس الشمال أتمنى يتفاعلون الصقاقير .
مع العلم أني موفق بالحبارى وأنا ما عمري دورتها .
أعتقد والله أعلم أن الحبارى تلقاها بالمكان ألي ما تتوقعه أبدآ أنا السنه الماضيه لقيت ثنتين وحده منهن بطرف رشاش محوري في مشروع زراعي وهالسنه شفتها على راس نور السياره بعد المغرب شرق مشذوبه .

[A L I]

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .