شعيب اخضر على الخط السريع الرياض - القصيم

[راعي الشاص]

الإخوة الأعزاء في منتدانا المحبوب الرحلات
السلام عليكم ورحمة الله وبركاته

وانا راجع من الرياض الاسبوع اللي زلّ لقيت مخرج بعد مدينة المجمعة وقلت اوقف اصلي وامغط رجولي وفجأة لقيت شعيب مربع والخضار بكل محل فيه والزهور تملآ المكان

اسم الشعيب حطابة أو الحطابة

والاحداثية 2656139و4510186















وانا اقول ان الشعيب ممتاز للي مسافر ويبغى ربيع قريب من الخط .

[الليل]

مشكور أخي الكريم .
نعم هو مخرج 18 كما أذكر ..
ويتجه للزلفي .
لك كل الشكر .

[النداوي]

أخوي راعي الشاص
لا هنت يا الغالي
الله يجزاك خير

أخوك أبو عبدالله

[راعي الشاص]

اضافة مهمة اخوي الليل والف شكر أخوي.

النداوي الف شكر لك على قراءة هذا الموضوع.

[نقا خريم]

بارك الله فيك..
لكن الارض محتاجه للمطر..عسى الله يسقيها..

[راعي الشاص]

هلا بك اخوي نقا خريم
كلامك صح الارض محتاجة المطر ، وما ذلك على الله بعزيز
الف شكر على المداخلة.

[bigbird]

thank u v m

[راعي الشاص]

bigbird: welcome , where are you from?

[الجارمن]

الاخ راعي الشاص
مشكور على هذه المعلومات الطيبة وعلى هذه الصور الرائعة
لكن عندي سؤال هل انت متاكد من الاحداثية هذه
لاني دخلت هذه الاحداثية في الجارمن واعطاني موقع حول ام الجماجم
الاحداثية حسب موضوعك كانت
2656139
4510186
واعتقد انا الاختلاف فقط فى احداثية الشمال والصحيح انها
2556139
4510186

[راعي الشاص]

اخوي القارمن اشكرك على التصحيح
نعم الاحداثية خاطئة والصحيح هو 25 وليس 26 في خط دائرة العرض.

وياليت المشرف يعدل الخطأ مشكوراً.

لاهنت يالذيب.

[ولد نجد]

نعم حطابة ربيعها طيب ويستاهل الكشته فيه لقربها من الخط السريع
مشكور ياراعي الشاص

[محمد المعارك]

مشكور اخي راعي الشاص على هذه المشاركة الرائعة
هذا الشعيب للرحلات السريعة وخصوصاً أنه مربع ماشاء الله .

بارك الله فيك.

[خالد الشريهي]

أخي العزيز راعي الشاص

مكان جميل وربيع مميز ................. زهر الخزامى رائع

مشكور وتقبل أجمل تحية

[ثامرالماضي]

بسم الله الرحمن الرحيم

مشكور أخوي راعي الشاص ... على هالصور الرائعة ... نعم هذا شعيب حطابه وعنده ضلع حطابه يوجد فيه عين ماء ... والحجل فيه كوم ...

لاهنت يالغالي ... وبيض الله وجهك ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,,,

[طير شلوى]

اخوي راعي الشاصي ماحولك اماكن فقع علي طريق القصيم تكفي الفزعه