الصراحة نقل الخبرات والمعلومات من شخص لاخر هذا من باب عدم كتمان العلم اللي حذرنا منه الرسول صلى الله عليه وسلم .
من هالمنطلق انا لقيت لقكم طريقة لبرمجة ريموت الباترول واللي جابها واحد اسمه ( فتك جدة )
وحبيت اشاركم بمعلومة بسيطة عن طريقة برمجة ريموت الباترول
وانا جربت الطريقة على موتري سوبر سفاري 2005 واعتقد الموديلات الجديدة مافيها مشكلةبس ماقد جربتها على موديلات اقدم وهذا للمعلومية
انا تعطلت البطارية في موتري وغيرتها بس بعد ماغيرتها الريموت ماعاد اشتغل
رحت وكالة الحمراني(فرع المحجر) بجدة وقالي مهندس الاستقبال والله جهاز البرمجة خربان راجعنا بعد اسبوع
قلتله كم تبرمجونه قال 150 ريال
المهم قلبي مو مرتاح منه قلت خلني اروح للفرع الرئيسي طريق المدينة
وبالصدفه طلعت اعرف مهندس الاستقبال وبعدالسلام و كيف الحال ولازم تعشا عندنا
قلتله السالفه كامله
وهنا وقعت المفاجأة قال بلا جهاز برمجة بلا هم اللي رحتله ماعنده سالفه قلت طيب كيف موظفينه قال هي وقفت على هذا بس
المهم قال جب الموتر بس وسوا العمليه قدامي ما اخذت خمس دقايق
وخلاني اسويها انا بعد وهو معي لين ضبطت
والطريقة سهله بس يبيلها انتباه وخفة يد
بسم الله نبدأ :
1- افتح باب الموتر واركب (لاتقفل الباب)
2-حط المفتاح محل التشغيل وخله على off
3- والباب مفتوح قفل (السنتر لوك) وافتحه
4-صك الباب وقفل (السنترلوك) وافتحه
5-نروح للمفتاح ونحطه على on (من دون تشغيل السيارة) وبعدين نرجعه off نكرر العملية 6 مرات (نحطه على off في الآخير)
6-راح يأشرالفلشر مرتين
7-هنا انتبه والرموت مكانه) اضغط على زر الفتح في الرموت (وخلك ضاغط عليه لاتفكه) وبيدك الثانية اضغط على زر القفل في الرموت ثلاث مرات (وانت معلق على زر الفتح) مع المرة االثالثة فك الازراز (الفتح والقفل) في نفس الوقت واللحظة
8-راح يأشر الفلشر مرتين
9-الان شغل السيارة
10- راح يأشر الفلشر ايضا وهذا يدل على انتهاء العملية
11-طف الموتر وجرب الرموت وافتح وقفل على كيفك
وهذي صورة للمفتاح (الزر اللي فوق للفتح واللي بالاسفل للقفل)
كل الشكر لاخونا فتك جدة
واتمنى من أخونا ( فتك جدة ) انه يسجل معنا في منتدانا العزيز ( الرحلات) العريق .
* ملاحظة : الكتابة السوداء كلامي انا
التعديل الأخير تم بواسطة عبدالرحمن الدرويش ; 17-09-08 الساعة 09:51 AM
السلام عليكم ورحمة الله وبركاته
نفس المشكلة حصلت لي في الغرابي بعد تغيير البطاريه وجلست من الساعه 9صباح حتى اذان الظهر لم تحل المشكله كل شوي يجي كهربائي من ها اليمنيين الذي يتعلمون بسياراتنا وهداني الله وحملتها بسطحه للورشه قريبة من البيت 95% فلبينين والكهربائي مصري وبداءت المحاولات الفاشله الا ان الفلبيني لما شاف الرجال متورط طبعا زميله في العمل همس في اذنه الموضوع في البرمجه لاتحوس سيارة الرجال اتصل على صاحبنا حق المفاتيح وتضبط الامور فعلا خلال 10 دقائق جاء الرجال ومعه جهازه ولم يستغرق من الوقت اكثر من 2 دقيقتين واشتغل المبروك وتكلفة 120 ريالا (عط الخباز خبزه لو اكل نصفه)
اخواني البارح جبت السياره من الوكاله وكانو مغيرين قفل الباب الامامي الايمن على الضمان , بس المشكله ان الريموت ما اشتغل ولا عرف الفني اللي في الوكاله وحولني الى الفرع الرئيسي !!
وبعدين تذكرت موضوع اخونا عايش وطبقته على السياره والحمدالله خلال اقل من دقيقتين اشتغل الريموت تمام
من هنا تستطيع برمجة ريموت الباترول بسهولة
سوبر سفاري 2010
العرض العادي
