**لغز سهل**

[حمد الجبيرى]

السلام عليكم ورحمة الله وبركاته

انشد عن اللي شفت منها المضره = بنتٍ صغيره وامها طيبة فال
والى كبرت ها البنت يا قل شره = فيها منافع ومها عبر الأجيال

[شموخ]

وعليكم السلام


بقول لكن ياهي فشلة لو خابت هذي المرة ياجلمود باعتزل مشاهدة الألغاز


حبة القمح



صح؟؟؟؟؟؟؟؟

[ثامرالماضي]

عقلي وصل فيه الفكر للمجرّه *** وحاولت أحل اللغز وآصير حلّال
لكن عجزت أقولها ألف مــرّه *** يــــابو علي لغزك بعيدٍ عن البـــال

والله حفر مخّي يابوعلي ...

جواب أختي فارسه ... حلو

ولكن هو اللي ضيعني ... وشلون حبة القمح وهي صغيرة تكون مضرّه ...

وإلا التفاصيل راكبه عليه مظبوط ..


,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,

[حمد الجبيرى]

اختي فارسه شرفني مرورك وما اعتقد ان لغز مثل هذا يبي يخليك تعتزلين المعذره حاولى مره اخرا
اخوي الغالي ابو شعلان مايصعب عليك وبسم الله على مخيخك محتاجينه الا طلع سهيل الله يجيب الخير

[شموخ]

والله ياخوي جلمود فكرت ولكن احترت قرب لنا المعنى

[الانيق]

يابو علي هذي الله يسلمك النخلة والفرخ
قل الله يخليك ان الحل صحيح قبل ما يجي العمدة

[حمد الجبيرى]

اختي فارسة اصبري بس خلي الربع يرمعون كم رمعة والظاهر ان اخوي الانيق حول حروه

... شكرا

[حمد الجبيرى]

اخوي الانيق والله ان ودي اقول صح لسانك بس انك رحت للأم

(فكر اللي فيها مضره)


مشكور

[الانيق]

يمكن يابو علي هي الشوكة او الجريد

[حمد الجبيرى]

اخوي الانيق صح السانك هي شوكة النخله مشكور وبيض الله وجهك